týsdagur 22. desember 2015síða 34

Jólini 2015 2 BLAÐIÐ Redaktørur: Eyðun Klakstein Útgevari: Sosialurin, www.sosialurin.fo Prent: Prentmiðstøðin Forsíðumynd: Álvur Haraldsen Snið og umbróting: Sosialurin Sagt um jól: Nú fara vit at halda jól komandi dagarnar. Hósdagin er jólaaftan, og síðani hava vit eitt langt jólavikuskiftið fyri framman. Seinastu dagarnar – og vikurnar – hava vit verið í jólagiri – vit hava hoyrt jólatón- leik, verið til tiltøk, keypt gávur, hugna okkum heima og úti og verið í veitslulagi. Nógvar góðar løtur eru í jólamánaðinum, og alt kemur í hæddina við jólahaldinum komandi dagarnar. Nógv seta eisini jólamánaðin í sambandi við stríð og strev og strongd. Krøvini til okkum eru stór – bæði tey, sum koma uttanífrá, og tey, vit seta okkum sjálvi. Gávurnar skulu keypast og helst raka rætt, og vit skuldu duga at leggja alt so sera væl til rættis, at jólini verða eitt hæd- darpunkt á árinum. Alt skal verða snøgt og reint og ruddiligt og gott, og fasadan verður fríðkað sum sjáldan. Vit lata okkum pøsa, sum sálarfrøðingurin Eyðun Joensen sigur longri inni í blaðnum, og vit lata okkum ivaleyst eisini stressað. Men vit mugu ikki gloyma, at vit eisini kunnu velja og avgera, hvussu vit halda jól. Krøvini koma, og forvæntningarnar eru har, men okkum nýtist ikki at fara í allar fellurnar. Vit hava møguleikan at siga nei, at velja, at leggja dent á tað, sum hevur týdning fyri okkum, og at lata vera við at seta høg krøv til tey rundan um ok- kum um jólahald. Okkum nýtist ikki at taka jólini fyri meira, enn tey eru, men hinvegin eru jólini eitt gylt høvi at brúka til nakað meira enn gerandisknoss, skundmiklar máltíðir og sjálvsrøkt. Á jólum leiða allir vegir heim. Traditiónir, minni og familja hanga óloysiligt saman við okkara jólahaldi, og líkamikið hvussu okkara støða er hesi jólini, kunnu vit ikki renna undan hesum. At jólatíðin eisini leggur upp til, at vit minnast tey gloymdu, tey einsomu og tey vilstu ger bara, at týd- ningurin og virði í jólahaldinum veksur. Vit kunnu øll á okkara hátt velja tey góðu jólini, vit kunnu geva kommersiellum átøkum og yvirflatudyrkan eitt mótspæl. Vit kunnu velja tað, sum hevur størstan týdning. Vit kunnu brúka tíðina til tað, sum hevur týdning og er gott, uttan at krøvini eru eirindaleys. Og vónandi hava vit øll yvirskot til at geva menniskjaligan hita rundan um okkum og njóta tær góðu løturnar. Í hesum jólablaði bjóða vit tykkum samrøður, góð ráð, siðsøguligt tilfar og annað. Innihaldið hava vit roynt at gera fjølbroytt, og vónandi fáa tit lesarar gleði av okkara blaði nú um jólini. Við hesum blaði ynskja vit øl- lum okkara lesarum eini gleðilig jól og eitt gott nýggj­ár! Veljið tey góðu jólini Sosialurin Tað er øgiligt, sum verðin er egoistisk. Øll hugsa bert um seg sjálvan. Tað eri bara eg, sum hugsi um meg Storm P Jólini, barn mítt, eru kærleiki í verki. Dale Evans, amerikanskur sjónleikari og sangari Eingin er nakrantíð blivin fátækur av at geva Anna Frank Einki er meira trist enn at vakna jólamorgun og ikki vera eitt barn. Erma Bombeck, amerikanskur skemtari Um eg eri gamaldags ella modernaður, veit eg ikki, men eg haldi, at jólini eru einføld: Tað ræður um at verða góður við onnur. Og tá ið eg hugsi um tað, hví skulu vit so bíða eftir jólunum fyri at verða tað? Bob Hope, amerikanskur skemtari Blaðfólk: Eyðun Klakstein Inna Tørnroos Barabara Holm Jóannes Hansen Áki Bertholdsen Óli Jacobsen Simona Weihe Eg var 10 ára gamal, tá ið pápi mín, sum var fótbóltsvenjari, fekk sekkin jóladag. Úrslitini høvdu ikki verið góð, og liðið tapti ein dyst beint fyri jól. Og so fekk hann sekkin mitt í jóladøgurðanum José Mourinho, portugisiskur fótbóltsvenjari Jólini eru tann tíðin, tá ið tú hevur heimlongsul – sjálvt um tú ert heima Carol Nelson Á jólum hevur tú tíð at hava tíð Asta Lie Isaachsen, norskur rithøvundur