týsdagur 22. desember 2015síða 48

Jólini 2015 16 BLAÐIÐ Eg gloymi ongantíð, tá eg sum lítil genta fór við babba út á Strendur í handilin hjá Sannu og Jóhannus. Í hesum hugnaliga handli vóru alskyns vørur. Tey bæði vóru so blíð og hjartalig. Bóðu meg koma inn um diskin, so eg kundi síggja vørurnar, taka tær av hillunum og granska tær. Mær dámdi so væl at geva jólagávur, og hesin handilin hevði alt, sum hjartað kundi ynskja sær. Eftir einar tveir tímar kom babba so eftir mær. Tá hevði eg keypt gávur, pappír, bond og vakrar til-og-frá seðlar. Hetta við at pakka gávurnar inn var ein stórur partur av tí heila. Enn í dag vil eg sjálv pakka gávurnar inn. Njóti at leita eftir vøkrum pappíri og hartil hóskandi bondum og seðlum. Tað hevur framvegis nógv at týða fyri meg. Eg gevi ikki 133 gávur longur. Tá eg var barn skuldu øll fáa ein pakka: systkin, svágrar, børn hjá vaksnum systkjum, fastur og ikki minst foreldrini. Øll tey, sum vóru partur av mínum barnadøgum. At geva og gleða liggur í flestu børnum. Vit hava øll sæð ljósið í barnaeygunum, tá mamma pakkar gávuna upp. So verður tú vaksin. Tú hugsar meira um, hví tú gert hetta ella hatta. Alt broytist, eisini jólagávugevingin. Stóra talið av gávum, sum barnið í tolsemi og kærleika pakkaði inn, tódnaði. Enn í dag verður tó hvør einasta gáva pakkað og skrýdd við serligum pappíri, glitrandi bondum og sloyfum og teimum vakrastu merkiseðlunum á marknaðinum. Jólini hoyra fyrst og fremst børnunum til. Tí er gott at eiga góð minni um jólastákan. Sum serligu løturnar í handlinum á Strondum. Ongin skundur. Og á babba, sum koyrdi meg »til handils«. Slík minni eru dýrgripir. Sum vaksin eru jólini tó meira eitt kærkomið høvi í myrku tíðini at fáa nakrar frídagar bara at vera saman, hugna sær og gera góðan mat. Eg trúgvi, at tá tú eigur góð minni frá tínum barnajólum, ávirkar tað øll jólini, sum síðani koma. Tí tú kanst ikki blíva stressað av nøkrum, tú gleðir teg til. Og minna meg á, at tað snýr seg um at gleða og ikki at imponera. Klumma MEST SELJANDI JÓLASANGIR NAKRANTÍÐ JÓLSANGUR FRÁ ÁTTATIÁRUNUM ER MEST SELJANDI JÓLASANGUR NAKRANTÍÐ Snýr sum um at gleða 1. Band Aid – Do They Know It’s Christmas Vælgerandi jólasangurin við teimum mongu kendu sang­ arunum var eitt risahitt, tá ið hann varð givin út í 1984, og síðani hevur sangurin verið millum mest spældu og tann best seljandi jólasangurin í søguni. Endurinnspælingar eru eisini gjørdr av sanginum, og tær hava verið ymiskt mót­tiknar, men eingin hevur staðið seg so væl sum tann upprunaliga útgávan. 2. Boney M – Mary’s Boy Child Ein klassikari í Føroyum eisini. Føroyingar elskaður Boney M, og tað gjørdu tey eisini í so stóran mun kring heimin, at Mary’s Bpy Child er næstmest seldi jólasangurin nakrantíð. Vælsvingandi jólasangurin verður aftur hesi jólini spældur á radiostøðum kring heimin. 3. Wham! – Last Christmas Í grundini meira ein kær­leiks­ sangur enn jólasangur, men óloysiliga knýttur saman við jólini. Ein fangandi popp­ sangur, sum hevur yvirlivað tíðarinnar tonn og telist millum størstu jólaklassikararnar í søguni. 4. Harry Belafonte – Mary’s Boy Child Útgávan hjá Harry Belafonte av sanginum Mary’s Boy Child er frá 1957, og hon var eitt ordans hitt upp undir jól tað árið. Hetta var fyrsti sangur, ið seldi meira enn eina millión eintøk bara í Onglandi. Sangurin er endurinnspældur mangar ferðir, og Boney M eig­ur best umtóktu endurinn­ spæl­ingina. 5. Band Aid 20 – Do The Know It’s Christmas Sami sangur, sum er á ovasta plássi, er eisini á fimta plássi. Hetta er endurinnspælingin, sum varð gjørd í 2004, og sum eisini gjørdist eitt rimmarhitt. Bob Geldof og Midge Ure skrivaðu sangin. Simona Weihe