týsdagur 22. desember 2015síða 58

Jólini 2015 26 BLAÐIÐ SAMRØÐA Eyðun Klakstein eydun@sosialurin.fo Síðani 2008 hevur Kaj Leo Holm Jo­ hannesen hildið jól sum løgmaður, men nú er hann ikki longur í embætinum og kann halda jól sum løgtingslimur í andstøðu – og langt frá við somu ábyrgd og ávirkan, sum hann hevur havt seinastu sjey árini. – Jólini í ár verða nógv øðrvísi, enn tey hava verið seinastu árini. Í ár kann veruliga halda jól saman við familjuni, og tað gleði eg meg til, sigur Kaj Leo Holm Johannesen. Saman við løgmansembætinum hava eisini verið fleiri almennar upp­ gávur í sambandi við jólini – eisini jólaaftan, tá ið nógv okkara halda jól saman við familjuni burturav. – Mær hevur dámt væl at sloppið ein túr á Herbergið, KFUK og Barnaheimið, men tað hevur sjálvandi havt við sær, at eg eri farin frá familjuni jólaaftan. Í ár kann eg fult og heilt halda jól heima, sigur Kaj Leo Holm Johannesen. Strævin jól Kaj Leo Holm Johannesen heldur, at jólini í fjør vóru tey strævnastu í hans­ ara tíð sum løgmaður. – Eitt einstakt mál gjørdi, at eg kendi meg støðugt úthongdan, og mín integritet álopnan gjøgnum langa tíð. Eg eri ein av teimum, sum toli nógv av, og eg komi skjótt víðari, men eg dugi at síggja nú, at tað ávirkaði meg nakað, og tí vóru seinastu jólini ikki so góð, sum onnur hava verið, sigur Kaj Leo Holm Johannesen. Málið, hann sipar til, er kanningini av av leiklutinum hjá løgmanni í sam­ bandi við Skálafjarðatunnilin og øllum um­røðan, sum var av hesum máli í polit­isku skipanini og miðlunum. – Eg verði glaðari í ár, enn eg var á jólum í fjør, og eg kann halda eini mun­andi meiri avslappandi jól saman við familjuni, sigur Kaj Leo Holm Jo­ hannesen. Øvundar ikki Akseli Tað eru ikki bert jóladagarnir, sum fara at kennast meiri róligir hjá Kaj Leo Holm Johannesen, nú hann ikki er løgmaður longur. Eisini desember mánaði hevur verið øðrvísi, enn teir undanfarnu eru. – Eg veit, hvussu pulsurin hjá Aksel Johannesen er í hesum døgum. Hann hevur stóra ábyrgd hangandi á sær og skal gera eitt stórt arbeiði fyri at lofta málum, mýkja støður og royna at fáa politiska arbeiðið at ganga so væl sum gjørligt. – Tað eru nógvar stórar avgerðir at taka beint upp undir jól, tí fíggjarlógin skal í gjøgnum, og allar fylgislógir til fíggjarlógina skulu eisini ígjøgnum løgtingið. Tað er eitt stórt arbeiði at fáa hetta at ganga so væl sum gjørligt, og tað eru nógvar støður, sum skulu mýkjast, og tá ið vit vanligu tingfólk fara heim, so er nógv eftir hjá løgmanni at arbeiða við. Eg má siga, at eg øvundi ikki Akseli Johannesen, sigur Kaj Leo Holm Johannesen. Nýggjar uppgávur Kaj Leo Holm Johannesen hevur sein­ astu sjey árini verið á avgjørt toppinum í føroyskum politikki. Hann hevur verið formaður í Sambandsflokkinum, og hann hevur verið løgmaður. Nú røkir hann ikki longur hesar uppgávur. – Eg stórtrívist í nýggja leiklutinum og kenni meg nógv fríari til at kjakast og verða við í politiska arbeiðnum. Júst hendan leiklutin havi eg ikki roynt áður, og eg haldi, tað er sunt fyri polit­ isku skipanina, at tað er eitt skifti í skip­an­ini. Vit skulu bara ikki sita ov leingi í andstøðu, sigur Kaj Leo Holm Johanne­sen. Hann hevur seinastu tíðina hug­ savna seg um uppgávuna sum løg­ tings­maður, men hann umhugsar at taka onkra uppgávu afturat á seg. – Eg vil gjarna brúka tíð og orku til løgtingsarbeiðið, og tá ið eg um eina tíð verið mentalt til reiðar, fari eg møguliga at taka onkra avmarkaða upp­gávu á meg. Tað kundi verið onkur uppgáva uttanlands, tí eg havi drúgvar politiskar og vinnuligar royndir, sum eg kann brúka, og sum tey í útheiminum síggja eitt virði í. Enn havi eg ikki átikið mær nakað ítøkiligt, men eg tosi við onkran um hetta, sigur Kaj Leo Holm Johannesen. Komandi dagarnar verða tað tó eini friðarlig og avslappandi jól saman við familjuni, ið standa ovast á skránni hjá fyrrverandi løgmanni. – SEINASTU JÓLINI SUM LØGMAÐUR VÓRU SERA STRÆVIN, OG EG ROKNI VIÐ, AT EG VERI GLAÐARI Á JÓLUM Í ÁR, SIGUR KAJ LEO HOLM JOHANNESEN, SUM FYRI FYRSTU FERÐ Í ÁTTA ÁR HELDUR JÓL UTTAN AT VERA LØGMAÐUR KAJ LEO GLAÐARI HESI JÓLINI – Jólini í ár verða nógv øðrvísi, enn tey hava verið seinastu árini. Í ár kann veruliga halda jól saman við familjuni, og tað gleði eg meg til, sigur Kaj Leo Holm Johannesen Mynd: Álvur Haraldsen