mánadagur 28. desember 2015síða 28

VIKA 53 • 28. DESEMBER 2015 4 MIÐLAHÚSIÐ ÓKEYPIS LÝSINGARBLAÐ Danjal av Rana E g haldi ikki, at vit hava meiri at gera um jólini og á nýttárinun enn annars. Fólk eru røsk at hava roykvarnarar og aðra sløkkiúgerð, og eg trúgvi, at tað minkar munandi um talið á eldsbrunum. Í veruleikanum eru stormarnir og ikki eldsbrunarnir, sum elva okkum størst høvuðbrýggj, sigur Kartni Jacobsen, sløkkiliðsleiðari. Arbeiðið á sløkkiliðsstøðini í Havn koyrir sum vant eisini nú á hávetri, tá ein annars kanska hevði hugsað, at flestu eldsbrunarnir vóru. – Arbeiðið hjá okkum koyrir í eini fastari vaktarskipan, har helvtin av sløkkiliðsmonnunum altíð eru tøkir, sigur Kartni Jacobsen. Hann sigur, at 29 mans eru knýttir at brandstøðini í Havn og teir eru so­ statt 14, sum eru tøkir, um eitthvørt skuldi verið á vási. Kartni Jacobsen sigur, tilbúgvingin hjá sløkkiliðnum er so góð, sum hann metir, at ber til. – Vit skulu vera av støðini innan fimm minuttir eru farnir, og tað klára vit undir vanligum umstøðum. Sostatt eru vit á staðnum innan sjey, átta minuttir, um eldsbrunin er í Havnini, greiðir hann frá. Tað er einans, um veður­líkindini eru sera torført, sum í hálku, at tíðarfreistin ikki heldur. Spurdur, um ikki ber til at stytta responstíðina sigur Kartni Jacobsen, at einasti hátturin at gera tað, er at hava eina fullmannaða støð, men at tað fer at krevja eina størri íløgu. – Spurningurin er, um íløgan rætt­ vísger nyttuna vit fáa úr tí. Vit hava ein eldsbruna um vikuna og av teim­ um er okkurt árið ein, kanska tveir, men sum oftast eingin eldsbruni um árið, har tað hevði gjørt ein mun, um vit vóru komnir á staðið fyrr. Um støðin var fullmannað, so høvdu vit komið avstað innan ein minutt og sostatt verið á staðnum innan fýra minuttir, sigur hann, og vísir á, at onga­staðni í londunum um okkum eru full­mannaðar støðir á so smáum pláss­um. Kartni Jacobsen heldur, at fólk eru vorðin varnari nú enn áður og hava betri sløkkiútgerð heima. – Tað spælir allarhelst eisini ein leiklut, at tað eru væl færri, sum hava livandi ljós á jólatrænum enn áður. Men fleiri hava eisini brandteppi, royk­ varnarar og eldsløkkjara og kunnu tí fáa tamarhald á smærri tillopum, sigur hann, men heitir kortini á fólk, um at ansa væl eftir, serliga eftir kerti­ljósum. Um pynt er um ljósið ella tað stendur í vindeygakarminum er skjótt, at tað kann festa í okkurt. – Ein annar góður vani er at lata dyr og hurðar aftur eftir sær. Hetta ger, at eldurin fær minni ilt og kvalist tí skjótari og ger minni skaða, greiðir hann frá. Á nýttárinum eru tað bálini, sum krevja mest uppmerksemi frá sløkki- liðnum, men sjáldan er nakar stórur vandi á ferð. – Vindurin spælir ofta ein stóran leiklut, tá nýggjársbálini eru, og vit heita á fólk, um ikki at kynda bál, um tað er meiri enn 15 m/s. Tá flúgva glóðirnar mest sum vatnrætt og rættiliga skjótt, og tá kann vera torført at hava tamarhald á øllum, sigur Kartni Jacobsen. Nú nýttárið stundar til eru tey mong, sum eru farin at fyrireika nýtt­ árs­bál ymsa staðni. Kartni Jacobsen heitir á øll, um at í fyrsta lagi boða sløkki­liðnum ella kommununi frá, hvar bál verður kynt. Í Havnini kann hetta gerast umvegis sjálvgreiðsluna hjá Tórs­havnar kommunu. – Vilt vilja sera fegnir vita, hvar bál verður kynt og hava ein ábyrgd­ ar­persón, sum vit kunnu seta okkum í samband við, um okkurt skuldi verið. Tað er altíð gott at hava ein upp­ passara, sum kann halda skil á um bálið og tala at, um okkurt ikki fer rætt fram, sigur Kartni Jacobsen. Hann sigur, at tað er eitt góður vani at hava eini 20 til 25 metrar frítt øki runt um bálið og at hava eina pøs av vatni nærindis, um onkur skuldi brent seg. – Og ring endiliga, um man missir tamarhaldið. Vit plaga at siga, at ikki er neyðugt at byggja hægri enn 2 metrar og fimm metrar í ummál. So er betri at leggja eitt sindur aftur at, um man vil hava bálið at vara eitt sindur longri. Og síðst, men ikki minst, minnist til at rudda upp aftur dagin eftir ella annan dagin eftir bálið. Kartni Jacobsen, sløkkiliðsleiðari Arbeiðið á sløkkiliðsstøðini í Havn koyrir sum vant eisini nú á hávetri, tá ein annars kanska hevði hugsað, at flestu eldsbrunarnir vóru Ein eldsbruni um vikuna