týsdagur 29. desember 2015síða 4

Mikudagur 30. desember 2015 · Nr. 150 4 Sosialurin Hugskot og viðmerkingar – send sms til 225000 Forkvinnan í fíggjarnevndini segði, at nú er sett av tað sum er brúk fyri at reka samfelagið í ár, so nú koma ongar eykajáttanir NÚ ERU PENGAR SETTIR AV SO ONGIN EYKAJÁTTAN Í ÁR FÍGGJARLÓGIN Árni Gregersen Tað var ein optimistisk for­ kvinna í fíggjarnevndini, sum legði fyri í orðaskiftinum, tá ið fíggjarlógin var til 2. við­ gerð­ar. Fíggjarlógin javnvigar við á leið 4,5 milljardum krónum og gevur eitt lítið avlop. Undir orðaskiftinum, spurdi Bárður S. Nielsen, Sam­bands­flokkurin, um for­ kvinn­an í fíggjarnevndini kundi taka undir við øllum teimum avgjøldum, sum eru løgd á borgarar og vinnu. – Ja, tað kann eg. Nú eru inntøkurnar settar soleiðis, at tær eru nóg mikið til at reka samfelagið í 2016. Hesin mátin at gera tað uppá fer at sleppa okkum undan eyka­ játt­anarlógum, segði Ruth Vang. Fyrrverandi formaðurin í fíggjarnevndini og nú­ver­ andi næstformaður, Bárð­ur á Steig Nielsen, Sam­bands­ flokkurin, segði, at hesum trúði hann ikki. – Ongin samgonga er enn sloppin undan at geva eykajáttan. Fyri tað fyrsta verður avsetti peningurin brúktur og fyri tað næsta, so koma altíð viðurskiftir, sum gera, at neyðugt er at gera eyka­játtan, segði Bárður Niel­sen. – Fíggjarliga høvdu vit fingið avlop um samgongan onki gjørdi. Tí harmast minni­lutin um, at so nógv av­gjøld eru løgd á vinnu og borgarar og at raksturin slepp­ur at vaksa so nógv, segði Bárður á Steig Nielsen. Fleiri andstøðurøðarar funn­ust eisini at, at útreiðsl­ urnar til raksturin halda fram at vaksa og at ferðin á vøkstrinum er økt. Rakst­ur­in hækkar komandi ár við meira enn trimum pro­sent­um. Politiskur talsmaður Pauli Trond Petersen, Tjóð­ veldi, brúkti sína talutíð í stóran muin til at tosa um politikk og rósa samgonguni. Fyrst og fremst tí hon hevur sett sær høg mál og tí hon hevur megnað at vent gongdini í samfelagnum. – Vit hava viljan, styrkina og treystið at reka okkara politikk og gjøgnumføra hann, segði Pauli Trond Petersen. Hann fanst at, at gamla sam­gongan hevði sett eina skeiva kós og siglt á eitt sker. Skútan fór at leka, men sam­ gongan gav bert mann­ingini ein fingurbolla at oysa við. – Hetta gjørdi sjálvandi ikki mun, men tá ið hendan samgongan tók við gekk bet­ ur. Amboð vóru latin mann­ ingini og skútan kom á flot aftur, segði hann. Spurdur um hann helt, at tað er rætt, at raksturin veksur so ógvusliga, svaraði hann, at tað ger hann ikki. – Men tað er avgerandi, at fíggjarlógin vísir røttu tølini, legði Pauli Trond Petersen afturat. Jacob Vestergaard um­ boðar Fólkaflokkin í fíggj­ar­ nevndini. Saman við hinum andstøðu­umboðunum fanst hann at, at so stór hækking er í rakstrinum. – Oyðileggi nú ikki góðu gongdina, sum er í sam­fe­ lag­num við øllum tykkara av­gjøldum, segði Jacob Vest­ er­gaard. Hann legði afturat, at tað er avgerandi, at okkara út­ flutningur veksur í virði og tí mugu vit virðisøkja okk­ara tilfeingið. – Tað er avbjóðingin, segði hann. Sjálvbjargni Landsstýriskvinnan við fíggj­armálum, Kristina Há­ foss, nýtti eisini høvi til at halda eina politiska røðu. Hon nevndi hvørjar av­ bjóð­ingar vóru tá ið sam­ gong­an kom til. Fyrst og fremst, segði hon, er upp­gáv­ an at sleppa undan hall­in­um á fíggjarlógini. Føroyar hava seinastu átta árini havt hall á fíggjar­ lógini. Hon segði, at sjálvbjargni er eitt lyklaorð, sum sam­ gong­an arbeiðir fram ímóti. Hon nevndi ein nýggjan orku­politikk og at meira sam­haldsfesti skal vera í sam­felagnum. – 2016 er eitt avgerandi ár, tí vit skulu í komandi árin­um gera fleiri avger­andi nýskipanir, so sum fiski­ vinnu­nýskipan, pensjóns­ ný­skipan og annað. Fíggjarlógin er nú enda­ liga samtykt við 16 atkvøðum fyri og 15 ímóti. Ikki serliga hvast orðaskifti Árni Gregersen Hóast nýggja samgongan, sum nú hevur fingið fyrstu fíggjar­lógina samtykta, tosaði nógv umbreiðar semj­ ur, so sæst hetta ikki í fíggj­ ar­lógini. Samgongan koyrdi síni mál ígjøgnum og feldi felstu broytingaruppskotini frá andstøðuni. Harumframt var eitt uppskot um gjald á svart­kjafti, sild og makreli at­kvøtt ígjgønum. Hendan lógin er tó bert galdandi til uppskotið, sum liggur í vinnunevndini, kem­ ur aftur í tingið um hálvan januar. Orðaskiftið var sum heild ikki serliga hvast, men hetta skal síggjast í mun til tað orðaskiftið, sum var undan jólum, tá orðini vóru munandi hvassari. Tingið fór undir 2. við­ gerð av fíggajrlógini fyrra­ partin mánadagin, men tað var komið væl út á týs­ nátt­ina áðrenn fíggjar­lóg­in var saamtykt og at­kvøðu­ greiðsla hevði verið um broytingaruppskotini – bæði frá samgongu og anddstøðu. Av teimum uppskotum, sum vóru samtylkt undir viðgerðini av fíggjarlógini, var eitt nýtt uppskot um at áleggja uppsjóvarvinnuni kilogjald á makrel, norð­havs­ sild og svartkjaft. Men fíggjarlógin fyri 2016 er nú endaliga samtykt og honjavnvigar við á leið fýra og einari hálvari milljard krónum. Langur talaralisti Listin at sleppa framat at røða um fíggjarlógina, var rímuliga langur, men tað vísti seg, at tá ið tað nærk­ aðist nátturðatíð mánadagin, tá høvdu øll, sum ynsktu tað, havt orðið. Frammanundan visti tingfólk – og ikki minst for­ mans­skapurin – at tað fór at taka umleið tveir tímar at atkvøða um fíggjarlógina. Hetta tí, at vanliga verður atkvøtt konto fyri konto. Eitt annað, sum seinkaði arbeiðnum nakað var, at í fyrsta álitinum til fíggjar­ lógina vóru fleiri skrivifeilir. Harumframt gjørdu allar broytingarnar, at umsitingin í Løgtinginum skuldi brúka tíð til at gera rættingar og fáa alt at passa saman, áðrenn farast kundi undir at­kvøðugreiðslurnar. Hóast orðaskifti gjøgnum dagin vísti, at øll samgongan ikki var samd um alt, so megn­aði hon kortini at halda saman, tá ið atkvøðast skuldi. Tískil fekk samgongan øll síni mál ígjøgnum – og uppskotini hjá andstøðuni fullu. Tá ið atkvøtt var, so var so var bert ein atkvøða á muni millum samgongu og andstøðu. Seinasti tingfundurin var týsmorgunin klokkan 1.30. Ruth Vang, forkvinna í fíggjarnevndini