týsdagur 5. januar 2016síða 4

Mikudagur 6. januar 2016 · Nr. 2 4 Sosialurin Hugskot og viðmerkingar – send sms til 225000 – Tað, sum læknar hava sagt okkum og samskifti, sum vit hava havt við landslæknan um kanningina, sigur okkum, at talan er um ein fiskimann, sum gjørdist álvarsliga sjúkur umborð og seinni doyði á Landssjúkrahúsinum, sigur Heri Andreasen, løgreglumaður TILBURÐURIN UMBORÐ Á SLÆTTABERGI VAR IKKI EIN ARBEIÐSVANLUKKA TÍÐINDI Vilmund Jacobsen Hóast flestu miðlar mána­ dag­in endurgóvu heimasíð­ una – www.jn.fo – fyri at bera tíðindini um, at ein álvarslig arbeiðsvanlukka umborð á uppsjóvarskipinum Slætta­ bergi seinni kostaði einum av manningini lívið, so vóru hesi tíðindi ikki røtt. Tíverri var tað rætt, at Slættaberg kom á Havnina tíð­liga mánanáttina við manni, sum seinni somu nátt doyði á Lands­sjúkrahús­in­ um. Men, sambært løg­regl­ uni var tað ikki rætt, at talan var um eina arbeiðsvanlukku umborð. Tá tað var greitt, at mað­ ur var vorðin sjúkur um­ borð á Slættabergi, sendi MRCC bjargingartyrlu hjá Atlantsflogi út til skipið, sum lá bakk sunnan fyri Før­oyar fyri veður. Tíverri vóru líkindini so vánalig, at tað eydnaðist ikki at taka mannin av skipinum og upp í tyrluna. Slættaberg setti tí kós móti landi, og tá maðurin kom á Landssjúkrahúsið, var hann framvegis á lívi, men doyði fáar tímar eftir. Ikki vanlukka Heri Andresasen, løg­reglu­ mað­ur, sum hevur havt við málið at gera, sigur, at kann­ingarnar hava staðfest, at fiskimaðurin umborð á Slættabergi gjørdist illa sjúk­ ur. Hinvegin bendir einki á, at nøkur hending umborð var orsøkin til syrgiligu støð­ una, sum maðurin kom í. Kann­ingarnar vísa, at hann hevði eingi merki, sum kundi bent á, at hann er dottin ella hevur fingið aðrar løstir um­ borð. – Tá komið verður fram á mannin umborð á Slætta­ bergi, er hann liggjandi, men er framvegis við vit. Hann hevur fingið ein tilburð, og tískil er støðan hjá honum álvarsom. Tá skipið einar átta tímar seinni kemur á Havnina, og maðurin verður fluttur á Landssjúkrahúsið, er hann uttan vit. Hóast hann kemur í viðgerð fyri til­ burðin, stendur lívið hjá hon­ um tíverri ikki til at bjarga. Heri Andreasen sigur, at tað var ikki fyrr enn seinni mána­dagin, at løgreglan fekk at vita um úrslitið av kann­ ing­unum. – Tað, sum læknar hava sagt okkum og sam­skifti, sum vit hava havt við lands­ læknan um kann­ing­ar­nar av manninum, sigur okkum, at talan er um fiskimann, sum gjørdist álvarsliga sjúkur umborð og sum seinni doyði á Landssjúkrahúsinum. Slættaberg fór útaftur Løgreglumaðurin vísir á, at hevði talan verið um eina ar­beiðsvanlukku umborð, hevði skipið ikki farið út aft­ur, eftir at maðurin varð flutt­ur á Landssjúkrahúsið. – Eftir at hava ført mann­ in til lands, og hann var kom­ in undir læknahond á Lands­ sjúkrahúsinum, loysti skip­ið aftur. Hevði talan verið um arbeiðsvanlukku, høvdu mynd­ugleikarnir sjálvsagt vilj­að avhoyrt manningina um tilburðin, og tá hevði skip­ið verið liggjandi, sigur Heri Andreasen, løg­reglu­ mað­ur, sum eins og øll onnur er sera harmur um tað, sum er hent. Framvegis góður prísur á marknaðinum Vilmund Jacobsen Mánadagin seldi Fiska­mark­ naður Føroya eina minni nøgd av fiski, stívliga seks tons tilsamans, fyri sam­ an­lagda miðalprísin á 22,45 krónur fyri kilo. Megin­ parturin var toskur og hýsa. Aftur í gjár – týsdagin – var fiskaprísurin góður, og tá vóru eisini nøkur fleiri tons á marknaðinum, stívliga 36,2 tons tilsamans. Á Fiskamarknaði Før­oya vita tey at siga, at sam­an­ lagdi miðalprísurin á søluni týsmorgunin var 19,46 krón­ ur fyri kilo. Umleið 24 tons vóru av toski, og her var besti miðal­ prísur 26,64 krónur fyri kilo, sum varð latið fyri tosk 1. Størstar vóru nøgdirnar av toski 4, 11 tons, sum fóru fyri miðalprísin 18,17 krónur fyri kilo. Umleið 11,5 tons vóru av hýsu, og her var besti miðal­ prísur 21,19 krónur fyri kilo, sum var fyri hýsu 1. Bert smávegis nøgdir vóru av øðrum fiskasløgum. Tey tilsamans 36,2 tonsini, sum vóru á marknaðinum týs­dagin, vórðu seld fyri stív­liga 700.000 krónur til­ sam­ans. Mánadagin var miðalprísurin 22,45 – og týsdagin 19,46 krónur fyri kilo – Eftir at hava ført mannin til lands, og hann var komin undir læknahond, loysti skipið aftur. Hevði talan verið um arbeiðsvanlukku, høvdu myndugeikarnir viljað avhoyrt manningina, sigur løgreglumaðurin, Heri Andreasen Mynd: Olivur Joensen Tíverri eydnaðist tað ikki bjargingartyrluni hjá Atlantsflogi at taka sjúka fiskimannin av Slættabergi, tí líkindini vóru so vánalig Mynd: Tilvildarlig