týsdagur 12. januar 2016síða 36

VIKA 2 • 11. JANUAR 2016 4 MIÐLAHÚSIÐ ÓKEYPIS LÝSINGARBLAÐ Øll eru vælkomin í Pálshøll Pálshøll er fyri øll – frá yngst til elst. Hetta er høllin fyri familjuna, feløgini og arbeiðsplássini, og her eru nógvir ymiskir pakka-møguleikar Vilmund Jacobsen Tað er heimasandsmaðurin, Sigurð Marner Simonsen, sum er dagligur leiðari av Pálshøll í Vági, sum hin 17. oktober í fjør alment læt dyrnar upp. Sigurð er giftur og býr í Vági. Hann er útbúgvin fysioterapeutur og hevur starv­ast á Hamragarði, sum er ellis­ heimið í Vági. Leiðarastarvið í Pálshøll er eitt hálvtíðarstarv, og Sigurð starvast nú hálva tíð í høllini og hálva tíð sum fysio­terapeutur á Hamragarði. Ein familjuhøll Í Pálshøll eru nógvir møguleikar, og hetta er ikki minst ein høll, ið hevur nakað til alla familjuna – frá tí yngsta til hin elsta. Í fyrsta lagi er talan um langhylin og barnahylin, og haraftrat er høllin karmur um vælverudepil og venjingar­ miðstøð. Umframt leiðaran, eru tríggir fastir lívbjargarar og tríggir avloysarar sum lívbjargarar knýttir at høllini. – Her eru tvey viðgerðarrúm, og vit hava eitt toymi við eitt nú massørum og ergoterapeutum, sum altíð kunnu leiga seg inn og bjóða sínar viðgerðir. Sigurð Marner Simonsen sigur, at møgu­leikarnir í Pálshøll eru næstan óendaligir hjá fólki, familjum, feløg­ um, fyritøkum og stovnum. – Vit hava havt familjudag, og vit hava selt pakkar til bólkar, har fólk hava høvi at lata seg forkela við svimjing, venjing og vælveru - júst, so­ leiðis sum tey sjálvi ynskja tað. Dagligi leiðarin vísir á, at umframt nevndu møguleikar, eru eisini sauna, dampbað og heitur pottur í høllini. – Høvi er at ferðast runt og at njóta teir vælverumøguleikar, ið fólk ynskja sær. Sigurð vísir á, at kafé-økið eisini riggar ómetaliga væl. – Her ber til at seta seg við onkrum etandi og leskandi eftir svimjing ella venjing, og her kunnu foreldur, ommur og abbar sita og hugna sær, meðan børn­ini svimja. Úr kafé-økinum sæst niður yvir svimjihylin, og her kanst tú sita og hyggja eftir børnunum. Hann vísir á, at tað altíð eru tveir lív­bjargarar til arbeiðis í senn, og tí eru børnini í tryggum hondum í svimji­ hylinum. – Høvi er eisini hjá foreldrum, sum hava hug at venja fitness, at fylgja børnunum undir venjingini. Úr venj­ ingar­hølunum sæst gjøgnum stórar rútar út í svimjihylin, og tí er eisini høvi at fylgja børunum, meðan vant verður. Skipað hevur eisini verið fyri væl­ veru­kvøldi við seinkvøldarsvimjing við dempaðum ljósi. – Slík tiltøk eru sera hugnalig, og her kundu tey, sum við vóru, fáa alt borið upp í hendurnar, umframt at tey lut­takandi eisini kundu fáa massagu og aðrar tænastur eftir tørni - alt eftir, hvat tey høvdu bílagt sær til kvøldið. Ein spennandi tíð Sigurð Marni Simonsen sigur, at Páls­ høll eisini hevur góðar møguleikar at bjóða arbeiðsplássum, fyritøkum og stovn­um øðrvísi starvsfólkadagar, ið tey kunnu seta saman eftir egnum ynski og tørvi. – Vit hava havt vitjan av arbeiðs­ plássum og fleiri føroyskum feløgum, og tað eru eisini útlendsk feløg, sum ætla sær til Vágs á venjingarløgu. Um hálvan februar fáa vit vitjan úr Dan­ mark, og í páskafrítíðini fáa vit vitjan úr Noregi. Hetta eru feløg, sum koma higar á venjingarlegu. Hann sigur, at Pálshøll eisini hev­ ur samstarv við felagið, sum eigur smátt­urnar, ið bygdar eru við sandin í Vági. Fimm smáttur eru komnar upp at standa, og fimm aðrar eru ávegis. – Her arbeiða vit við pakkum, har bólkar kunnu keypa venjing og uppi­ hald umframt aðrar tænastur, ið Pálshøll hevur at bjóða. Dagligi leiðarin heldur, at tíðin, sum liggur fyri framman, teknar seg ógvu­liga væl, og hann gleðir seg til at bjóða øllum – bæði nær og fjar – væl­ komum í Pálshøll. Tey, sum hava hug at spyrja seg fyri og vilja vita neyvari um møguleikarnar í Pálshøll, kunnu venda sær til Sigurð Marner Simonsen á tlf. 781000 Kunning kann eisini lesast á heima­síðuni www.palsholl.com vilmund@sosialurin.fo – Tíðin, sum liggur fyri framman, teknar seg ógvuliga væl, og vit gleða okkum at bjóða øllum – bæði nær og fjar – vælkomum í Pálshøll, sigur Sigurð Marner Simonsen, dagligur leiðari