týsdagur 12. januar 2016síða 38

VIKA 2 • 11. JANUAR 2016 6 MIÐLAHÚSIÐ ÓKEYPIS LÝSINGARBLAÐ Dánjal Petersen STÓLURIN Í STÓLINUM HESA VIKUA LÝS TEG SJÁLVAN VIÐ TRIMUM ORÐUM: Øðrvísi, áhaldandi og spontanur. HVAT MERKI ER BILUR TÍN? BMW og Toyota. HVAT MERKI ER TELEFON TÍN? Nokia old school. HVØR ER TÍN BESTA SUMMARFRÍTÍÐARUPPLIVING? Summarfrítíðin í Danlandi við familjuni í fjør var góð. HVAT ORÐ ELLA HVØNN SETNING NÝTIR TÚ OFTAST? »Einki kemur av sær sjálvum«. HVØRJUM HYGGUR TÚ AT HJÁ HINUM KYNINUM? Heildini. HVAT GER TEG Í GÓÐUM LAG? Wife happy – life happy. Táið konan er glað, so er alt gott. HVAT STRESSAR TEG? Tað er so nógv – men kanska serliga tá ið eg ikki nái tey tingini, ið eg havi sett mær fyri. HVØR ER TÍN YNDISRÆTTUR? Ræstur fiskur og epli við garnatálg. HVAT GLEÐIR TEG? At eg eri frískur og havi so dugnalig starvsfólk aftrat mær. HVAT VAR SEINASTA YNSKIÐ, SUM TÚ FEKST UPPFYLT? At náa einum sølumáli sum bleiv sett fyri góðum ári síðani. HVAR ARBEIÐIR TÚ? Hjá UNO. HVÍ VALDI TÚ AT ARBEIÐA INNAN JÚST HESA VINNU ELLA ØKI? Tað má hava verið tí, at eg bleiv bitin av handilslívinum. Spenningurin og møguleikin fyri vinningi vakti mín ans og at standa á egnum beinum og at kunna avgera sjálvur, hvørji stig fyritøkan skal taka. Hetta er tað, ið eg altíð havi droymt um. So eg bleiv júst mintur á, at eg livi mín dreym. HVØR ER STUTTLIGASTA UPPLIVING TÍN Í STARVINUM? Tað má vera, tá ið eg stóð í læru hjá Idé Møblum og spurdi ein kendan prædikumann úr Klaksvík, hvussu dóttir hansara æt. Hann smíltist, tók um hana og segði: »Hetta er kona mín«. HVØRJUM TÓNLEIKI LURTAR TÚ EFTIR? Øllum og ongum. HVAT ER BESTA UPPFINNINGIN OG HVÍ? Tað má vera el, tí alt frá matgerð til samskifti er tengt at streymi. HVAT ER BESTA ÍLØGAN, TÚ HEVUR GJØRT? Uttan iva UNO. HVAT ER TÍTT BESTA HEIMARÁÐ? Hav eitt fast stað til lyklarnar, og hav teir allar í einum lyklatyssi. So verða teir ikki burtur, trúgv mær. HEVUR TÚ NAKAÐ HÚSDJÓR? Vit hava havt bæði kettur og hundar, men tað rýmir alt. Men í løtuni hava vit bert fiskar í akvarium, teir fara so ongan veg. HVAT HEVÐI TÚ GJØRT, UM TÚ VANN EINA MILLIÓN? Tað sama sum eg geri í dag. HVAT HEVÐI TÚ GJØRT, UM TÚ VANN TÍGGJU MILLIÓNIR? Roynt at keypt fótbóltsfelagið B36 og møguliga sett pengar í Smyril Line. HVAT ER BEST VIÐ FØROYUM OG HVÍ? Her er so trygt at vera, tí vit hava so lítið av kriminaliteti. Og sum heild haldi eg, at samfelagið fungerar væl. HVAR ERT TÚ UM 10 ÁR? Vónandi í Føroyum og geri tað sama sum eg geri nú, bara í einum størri formati. Einki kemur av sær sjálvum El er besta uppfinningin – tí alt frá matgerð til samskifti er tengt at streymi