týsdagur 12. januar 2016síða 50

VIKA 2 • 11. JANUAR 2016 18 ÓKEYPIS LÝSINGARBLAÐ TEMA Heilsa Nógv hava samband við læknan Seinastu 12 mánaðirnar hava 76 prosent av teimum spurdu í Fólka­ heilsukanningini verið hjá komm­ unulækna. Uppgerðin vísir, at fleiri kvinnur enn menn hava verið hjá lækna seinasta árið. Ein partur av hesum hava fingið fyribyrgjandi heilsu­ráð um sína heilsu. 18,8% hava fingið ráð um at røra seg meira, 11,9% at fara aftur í vekt, 11,7% at taka tað meiri róligt og 7,7% at gevast at roykja. Tey yngru og eldru røra seg minst 19 prosent av teimum spurdu í Fólka­heilsukanningini siga, at tey røra seg lítið og einki í frí­tíð­ ini. Lutfalsliga eru tað í ald­urs­ bólkunum 18-24 ár og 75 ár og eldri, at tey flestu, sum røra seg lítið og einki, eru at finna. 53 prosent av teimum spurdu svar­ aðu, at tey ganga, súkkla ella tak­ast við lætt urtagarðsarbeiði nakrar tímar um vikuna. Heilsumyndugleikar mæla til, at vaksin fólk røra seg í minsta lagi 30 minuttir um dagin. Ímynda tær teg sunnari At ímynda sær, ella síggja nakað fyri sær, leysliga umsett frá fremmanda­ orðinum »visualisera«, er ein háttur, sum verður brúktur til at fáa tað betur Móti møði og pínu Ert tú móð ella hevur ilt í kroppinum, ímynda tær so brúsandi vatn, sum rennur ígjøgnum kroppin frá høvur til tá, bæði innaní og uttaná. Hugsa ikki, at tað ber ikki til í veruleikanum, royn bara at halda fast í myndini og hygg at henni. Móti strongd Set ella legg til væl til rættis. Ímynda tær, at tú situr við sjóvarmálan. Tú ert einsamøll. Einastu ljóðini eru aldututl, lotið er mjúkt og tjøldrini láta. Tú kenn­ir hitan frá sólini og hevur tað so deiligt. Halt fast í hesi kensluni so leingi tú vilt. Spakuliga merkir tú, hvussu strongdin lætnar. Móti angist Lat frið falla á teg, blunda og síggj fyri tær støðuna, sum ger teg bangna. Ímynda tær teg sjálva í hesi støðu, har fólk bíða eftir tær, og tú ert púra rólig. Ivast ella drálar tú, so bíða tey smílandi eftir tær. Ímynda tær, at tú hevur góða tíð, ert rólig og alt gongur júst sum tað skal. Halt fast í hesi mynd so leingi tú kanst, og hugsa hana fram aftur fleiri ferðir. Móti móðum eygum Hevur tú sitið leingi við telduna, ella tað svíður í eygunum, so er hendan venjingin góð: Blunda í nakrar minuttir. Ímynda tær at stórar, mjúkar kavaflykrur detta bleytt á eygnalokini, og at kavaflykrurnar kennast stillandi fyri eyguni og linna sviðan. Móti svøvnloysi Legg teg og lat frið fella á teg. Kenn friðin í øllum kroppinum. Ímynda tær ein blómuteig, ella ein urtagarð, sum tú kennir. Tú ert einsamøll og alt andar í friði. Tú hoyrir ljóðini frá mjúka lotinum og onkra flugu surra. Tað angar so væl frá blómunum rundan um teg. Tú veitst at skjótt setur sólin og kroppurin kennist tyngri. Skjótt svevur tú. Um Irmu Lauridsen hevur givið út fleiri bøkur, millum annað »Tænk dig til det hele, Visualisering – guide og ideer« og »Tænk det – skab det«. Meira fæst at vita á: irmalauridsen.dk 1 2 3 4 5 (Kelda: »Tænk dig til det hele« eftir Irma Lauridsen) Veitst tú, at bláber innihalda nógv av antioxidantum, sum tálma holdinum at eldast? Heilsugóðu bláberini Juicemaskinur og blendarar Tímir tú ikki at standa við hondpressaranum og kroysta saftina úr fruktunum, so fáast juicemaskinur og blendarar í nógvum ymiskum sløgum og í øllum prísum. Brúkar tú blendara, so fært tú fruktkjøtið við, sum er gott fyri sodningina. So hevur tú ikki rættiliga hug at eta nógva frukt, so kanst tú við at blenda ella pressa fruktirnar skjótt og lætt fáa størri mongd av frukt niðurum. Hugsa tær til at fáa betur bara við at ímynda tær ávísa støðu øðrvísi? Tað er júst tað, danska Irma Laurid­sen hevur skrivað bøkur um. Hon sigur seg altíð hava brúkt visuali­sering sum hátt at koma lættari ígjøg­num ymsar støður. Ítróttarfólk á høgum støði og vinnulívsfólk brúka visualisering sum virkið amboð. Tað góða við hesum háttinum er, at øll kunnu brúka hann, hann kostar onki og møguleikin er al­tíð til staðar. Irma Lauridsen vil vera við, at hjálp­ast kann upp á trupulleikar av strongd, kropsmøði, pínu, angist, troyttum eygum og eisini svøvnloysi. Niðan fyri eru fimm ymiskar venj­ingar, við hugskotum, hvussu tú kanst gera: