týsdagur 12. januar 2016síða 52

VIKA 2 • 11. JANUAR 2016 20 ÓKEYPIS LÝSINGARBLAÐ TEMA Heilsa Tú verður sum eitt nýtt menniskja – Her fært tú vælverutilboð til ein hvønn tørv og viðskiftafólk, sum keypa sær tænastur hjá okkum, kenna seg frísk og nýggj, tá tey fara avstað aftur, sigur Maria Vilhelmsen, sum eigur og rekur Cosméto Vilmund Jacobsen Vakurleika-og vælverustovan Cosméto húsast í hugnaligum hølum á Ting­hús­vegi 55 í Havn. Hølini liggja væl fyri í býnum, mest sum beint yvir av Meinigheits­húsinum við og eitt hana­gleiv frá SMS. Tað er Maria Vilhelmsen, sum eigur og rekur Cosméto, og við nógvum ára royndum – at kela fyri sinni og skinni - dugir hon síni ting í eini vakurleika-og væl­verustovu. Tú koplar út – Øll hava brúk fyri einari løtu í friði og náðum, har vit, sum eg plagi at taka til, kela fyri sinni og skinni. Tú koplar úr gerandisdegnum eina løtu og ert í sentrum, meðan vit hjúkla um teg. Saman við einari andlitsviðgerð, fært tú massagu um akslar, hendur og andlit, og tú kanst eisini fáa krops-og fót­massagu – alt eftir egnum ynski. Maria Vilhelmsen sigur, at nú vetur og kuldi er, og inniluftin er turr, er ein andlitsviðgerð ein góð íløga, tí hesa tíðina av árinum er er tørvur á eyka pleygu, sum hon tekur til. – Taka vit húðina, hava kostur, rørsla og svøvnur stóran týdning, eins og tað hevur týdning, at tú rørir teg uttan­dura í frískari luft. Ein góð krukka av kremi kann ikki umverast. Hon ger undurverk. Men, tað er heldur ikki líka mikið, hvat krem tú brúkar, tí tað skal passa til tína egnu húð. Hon sigur, at øll kremsløg, sum Cosméto hevur í sínum konsepti, eru organ­isk sum merkir, at produktið er gjørt úr plantum og plantuolju, og tað hevur stóran týdning fyri úrslitið. Kvinnur og menn Viðskiftafólkini hjá Cosméto eru serliga kvinnur, bæði ungar, tilkomnar og eldri, men tað eru eisini nakrir menn, bæði yngri og tilkomnir, sum koma inn á gólvið at fáa sær viðgerðir. – Tað eru eisini nøkur ungfólk, sum hava trupulleikar við húðini og alt eftir, hvørjir trupulleikarnir eru, veita vit neyðugu viðgerðina. Maria sigur tað hava stóran týdn­ ing fyri vælveruna, at fólk longu á ung­um árum leggja sær góðar vanar við at røkja húðina. – Í flestu førum er tað soleiðis, at fólk, sum fyrst einaferð koma inn á gólv­ið, eitt nú til eina andlitsviðgerð, bíleggja sær nýggja tíð og koma aftur. Tey hava kanska fingið eitt gávukort fyrstu ferð, tey vitjaðu. Tað eru eisini tey, sum fyrstu ferð komu við einum gávu­korti, sum sjálvi keypa eitt gávu­ kort til onkran annan, tey kenna, sigur Maria Vilhelmsen. Eigari av Cosméto vísir til heima­ síðuna – www.cosmeto.fo – har kunn­ ing er um fleiri ymiskar viðgerðir og møgu­leikar, sum vakurleika-og væl­ veru­stovan hevur at bjóða. Fólk, sum annars kundu hugsað at spurt seg neyvari fyri, eru altíð væl­ komin at ringja á tlf. 318070 ella 218075. Øll vælverutilboð Samanumtikið er konseptið hjá Cosméto at veita serkøna tænastu innan vakurleika-og kropsrøkt og sølu av dygdar­góðum vørum frá kendum veit­arum. Her fært tú vælverutilboð til ein hvønn tørv og viðskiftafólk, sum keypa sær tænastur hjá Cosméto, kenna seg frísk og nýggj, tá tey fara av­stað aftur. – Málið hjá okkum er at veita eina dygdargóða og trygga tænastu innan vakurleikarøkt og vælveru til øll viðskiftafólk, bæði kvinnur og menn, ung, tilkomin og eldri, sigur Maria Vilhelmsen. vilmund@sosialurin.fo Maria Vilhelmsen eigur og rekur Cosméto Cosméto húsast í hugnaligum hølum á Tinghúsvegi 55 í Havn