mikudagur 18. august 2004síða 8

Nr. 155 - 18. august 2004 15 15 14 Nr. 155 - 18. august 2004 Fonn Flog í nýggjum hølum NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Fríggjadagin var móttøka í nýggju hølunum hjá Fonn Flog í Klaksvík. Ferðaskrivastovan heldur nú til í hjartanum í miðbýnum MÓTTØKA Anna V. Ellingsgaard anna@sosialurin.fo – Fyrr ella seinni verður tú noyddur at gera upp við teg sjálvan, um tú bara ætlar at halda fram í tí smáa, ella um tú ætlar at fylgja tíðini og nýggju krøvunum hon setur, sigur Leivur Fonn, nú ferðaskrivstovan er flutt í størri høli í miðbýnum í Klaksvík. Leivur leggur afturat, at tey altíð hava gingið upp í fyritøkuna av fullum hjarta, og við økta virkseminum var tað tí náturlig eisini at víðka um hølini. Rætta løtan Hesi 12 árini, síðani Leivur og Ásla Fonn fóru undir at reka ferðaskrivstovu, hava tey hildið til í rættiliga trongligu hølunum í Nóls- oyar Pálsgøtu 28. Hølini høvdu sínar fyrimunir, har var hugnaligt, og so lá skrivstovan beint við ferju- leguna. Men Leivur dylur ikki yvir, at tankin um, at um tvey ár kemur ongin ferðsla frá Dúgvuni longur, eisini var ein av orsøkunum til at tey fluttu nærri mið- býnum. – Men tað var avgjørt ikki einasta orsøkin. Vit hava leingi verið greið yvir, at gomlu hølini vóru ov tronglig, so tað hevur bara verið ein spurningur um tíð og røttu løtuna. Og tann løtan kom nú, hølini í Biskupsstøðgøtu gjørdust tøk, sigur Leivur. Persónliga tænastu Og starvsfólk og viðskifta- fólk hjá Fonn Flog kunnu neyvan hugsa sær betri høli. Ferðaskrivstovan fær illa ligið betri fyri og við næstan 100 ferðmetrum meir at ráða yvir, er eisini vorðið pláss fyri borðum og stólum, har viðskiftafólk kunnu sita og kaga í teir mongu ferðafaldarnar og droyma seg burtur í onnur lond. Leivur leggur dent á, at tað altíð hevur verið drív- megin í fyritøkuni at geva hvørjum einstøkum við- skiftafólki eina so góða og persónliga tænastu, sum gjørligt. – Tað kanst tú eisini framvegis gera í telefonini ella í brævi, sjálvt um hølini eru tronglig, men tað ávirkar trivnaðin hjá starvs- fólkunum. Og tað ber sjálv- sagt illa til at veita eina persónliga tænastu til tey, sum støkka inn á gólvið, um tey skulu standa kroyst upp móti hvørjum øðrum. Okkum hevur altíð dámað serliga væl, at fólk koma inn á gólvið til eitt prát, og tað verður framvegis eitt av okkara eyðkennum. So nú gleða vit okkum til at kunna bjóða uppaftur fleiri at støkka inn á gólvið, sigur Leivur, sum leggur afturat, at tað ikki minst er teimum fryntligu og dugnaligu starvsfólkunum fyri at takka, at talið á viðskifta- fólkum er økt so nógv. Í dag, mikudagin 18. aug- ust, fer Karsten Hansen í Klaksvík um tey 60. Dag- urin verður hildin á Hotel Norð á Viðareiði, sum yngsta dótturin og maðurin eiga og reka. Karsten varð fyrstu ferð valdur inn á ting fyri Tjóðveldisflokkin í Norðoyggjum 20. januar í ár. Frammanundan hevði hann verið landsstýrismað- ur í fíggjarmálum, síðani fullveldissamgongan sá dagsins ljós í mai í 1998. Tað fyrstu tíðina var tað fullveldismálið og samráð- ingarnar við danir, ið tað hoyrdist mest til. Men sum tíðin leið, og tað ikki tók seg akkurát soleiðis upp, sum samgongan hevði ætl- að, gjørdist fíggjarmála- ráðharrin, sum ikki framm- anundan hevði roynt seg í landspolitikki, tyngsti landsstýrismaðurin hjá Tjóðveldisflokkinum. Tað leikaði mangan hart á. Bæði tá ið samgongulimir vildu hava meiri úr kassan- um, og tá ið talan var um sáttmálasamráðingar við fakfeløgini. Karsten er ættaður úr Søldarfirði. Foreldrini vóru Andrea og Frederik Han- sen. Tey vóru bæði úr Leir- vík, og Karsten er yngstur av seks systkjum. Mia var elst. Hon búði í Danmark og doyði ung av sjúku. Hini eru Jóannes, Hanus, Anne- lena og Kristian, sum øll búgva í Havnini og so Karsten. Blaðungur fór hann til skips og arbeiddi eisini eitt skifti í handli, áðrenn hann miðskeiðis í seksti árunum fór til Keypmannahavnar at læra til løgreglumann. Meðan hann var undir út- búgving, hitti hann Gull- Britt, sum er ættað úr Keypmannahavn. Tey gift- ust og settu búgv á Argjum, tá ið Karsten gjørdist løg- reglumaður í Havnini. Í 1975 fluttu tey til Klaks- víkar, har Karsten hevði fingið starv sum støðleið- ari, og í 1985 gjørdist hann sýslumaður í Norðoyggj- um. Gull-Britt og Karsten búgva í húsunum, sum J. F. Kjølbro bygdi á Biskups- støð, og tey gjørdist rættu- ligir klaksvíkingar. Í Klaks- vík hava tey funnið sær nógvar vinir – ikki minst í samkomuni í Betesda, sum tey eru komin í, síðani tey fluttu norður. Gull-Britt og Karsten eiga fýra børn: Heidi og Thorbjørn búgva í Klaksvík, Frederik býr í Leirvík, og Mirjam býr á Viðareiði. Barnabørnini eru 11 í tali. Stutt eftir, at hann var komin til Klaks- víkar, keypti Karsten hús og jørð í Mikladali. Har norðuri hava tey verið rættuliga nógv. Karsten er óræddur mað- ur. Hann hevur fingið heið- ursmerki fyri at hava framt serliga vandamikið bjarg- ingarbragd. Hann er altíð væl hýrdur, og á politiska pallinum hevur tað verið eyðsýnt, at hann er rættu- liga treiskur. At Karsten altíð hevur verið tjóðveldismaður og politiskt áhugaður hevur hann so at siga arvað frá pápanum. Frederik Hansen var nevndarlimur í Føroya Fiskimannafelag, limur í Nes sóknar kommunu í mong ár og formaður í fleiri ár, og hann var ting- maður fyri Tjóðveldis- flokkin í Eysturoy 1954- 1970. Karsten hevur fingist nógv við politikk og fakfel- agsarbeiði. Eitt nú var hann formaður í Føroya polit- istafelag 1973-1984, og eitt skifti var hann rakstrar- leiðari á 14. september, og tá segðist Fjúrtandi at hava tað gott. Í 1988 varð Karsten vald- ur í Klaksvíkar býráð fyri Tjóðveldisflokkin. Har sat hann, inntil hann gjørdist landsstýrismaður. Frá 1993 og til 1998 var hann næst- formaður í býráðnum. Karsten umboðaði Klaks- víkar býráð í IRF 1993- 1998, og har var hann nevndarformaður, tá ið tað ikki stóð so væl til, og tað var neyðugt at sýna ábyrgd og taka stór tøk. Fríggjadagin í síðstu viku var fráfaringarsamkoma fyri Karsteni Hansen á Politistøðini í Klaksvík. 1. september fer hann úr sýslumansstarvinum. Tá fer tíðin at verða brúkt til familjuna, politiska arbeið- ið og øll hini mongu áhuga- málini, sum Karsten er upptikin av. Karsten Hansen 60 ár Dagurin 18. august. Agapetus, deyður umleið ár 300. Ein 15 ára gamal drongur, sum var tikin av døgum fyri kristnu trúgv sína. Skal tú veita eina dygdargóða tænastu, mást tú eisini hava góð høli at bjóða bæði starvsfólkum viðskiftafólkunum, sigur Leivur Fonn, sum fegnast um nýggju, stóru hølini í miðbýnum í Klaksvík Onkur av teimum, sum vóru komin at ynskja Fonn Flog tillukku við nýggju hølunum, nýttu høvið at drekka ein kaffimun uttandura í góðveðrinum fríggjadagin C M Y K 14