mánadagur 18. januar 2016síða 40

VIKA 3 • 18. JANUAR 2016 16 ÓKEYPIS LÝSINGARBLAÐ TEMA Seinasta ferðin Gravsteinur úr føroyskari rávøru Vilmund Jacobsen Føroya Grótvirki í Skopun, sum brøð- urnir, Heini og Høgni Tausen eiga og reka, framleiðir føroyskar gravsteinar, kantsteinar, gravarpelar, bed og ymiskt annað úr føroyskum gróti til gravstøð og kirkjugarðar. – Vit hava mong ymisk uppskot um gravsteinin, og viðskiftafólk eru altíð vælkomin við egnum ynskjum. Okkara framleiðsla er úr føroyskum basalti. Gravsteinarnir eru antin hápoleraðir ella slípaðir, og okkara gravsteinar eru bíligari enn teir útlendsku. Tað sigur Høgni Tausen á Føroya Grótvirki. Hann vísir á, at umframt tað útboð, sum virkið hevur av gravsteinum, eru fólk altíð vælkomin við egnum hugskotum um, hvussu steinurin skal síggja út. – Vit vilja altíð vera góðir í ráðum og til tænastu hjá okkara viðskiftafólki. Vit hava nøkur model, sum vit vísa á, og sum oftast velja fólk onkran stein av hesum. Men, tað eru eisini tey, sum hava síni egnu ynski. Nógvir møguleikar Eitt, sum vindur meira og meira upp á seg, er, at avvarðandi velja ein fyribils stein, sum oftast er ein rundur steinur við navni og øðrum á. Fólk kunnu nevniliga fáa ta áskrift á fyribils steinin, sum tey ynskja sær. – Møguleikarnir eru nógvir, og viðskiftafólk fáa júst tað, tey ynskja sær. Umframt at framleiða føroyskar gravsteinar, sum eru bíligari enn teir útlendsku, seta vit eisini steinin upp, um viðskiftafólk ynskja tað. Høgni Tausen sigur, at viðskiftafólk eisini kunnu koma við einum steini sjálvi, sum tey ynskja sær á grøvina. – Tá kunnu vit eisini tillaga steinin, um okkurt er, sum fólk vilja hava eitt sindur øðrvísi, og vit seta tekstin á gravsteinin. Føroya Grótvirki bjóðar sær eisini at umvæla gamlar gravsteinar. – Er tað soleiðis, at tey avvarðandi vilja hava eitt navn aftrat á sama stein, taka vit okkum eisini av hesum, sigur hann. Eisini gravarpelar Føroya Grótvirki framleiðir eisini gravarpelar úr føroyskum gróti. Hetta eru pelar úr basalti, sum eru umleið 10 sentimetrar breiðir og umleið 40- 50 sentimetrar langir. – Tað eru hesir pelar, sum komm- unurnar keypa og brúka til at skráseta gravstaðin við nummari. Høgni Tausen sigur, at í staðin fyri at hava kantsteinar um alla grøvina, eru tað fleiri og fleiri, sum heldur velja at hava eitt minni bed frammanfyri gravsteinin. – Tá er eisini minni at halda hjá teimum avvarðandi, eins og tað er lættari hjá teimum, sum skulu halda kirkjugarðin við at sláa gras, leggur hann aftrat. Á Føroya Grótvirki eru teir altíð til reiðar at tosa við og vegleiða við- skiftafólk, og fyritøkan gevur fegin óbindandi tilboð. Á Føroya Grótvirki í Skopun kunnu fólk fáa júst tann gravsteinin úr føroyskum gróti, sum tey ynskja sær til ein av sínum kæru - Umframt at framleiða føroyskar gravsteinar, sum eru bíligari enn teir útlendsku, seta vit eisini steinin upp, um viðskiftafólk ynskja tað, sigur Høgni Tausen Vilmund Jacobsen B lómuhandilin Várperla í Runavík hevur alt til eina jarðarferð, bæði kistuprýði, kransar, dekoratiónir, bukettir, pyntaði hjørtu og krossar. Handilin á Heiðavegi 10 bjóðar sær eisini at pynta kistu, kirkjur, samkomuhús og hølir, har ervi verða hildin, um viðskiftafólk ynskja tað. Tá avvarðandi at fólki ringja ella koma inn á gólvið, eru tey hjartaliga vælkomin at brúka ta tíð, tað tekur at finna út av, hvat tey vilja hava. – Tá avvarðandi og kenningar støkka inn á gólvið og skulu bíleggja blómur ella krans til jarðarferðir, geva vit okkum altíð góðar stundir. Eru onnur viðskiftafólk inni á gólvinum hesa løtu, fara vit vanliga í annað rúm saman við fólki, ið hava eitt og hvørt ynski í samband við eina jarðarferð. Tey, sum arbeiða í Várperlu, halda tað vera umráðandi, at fólk, sum koma inn at bíleggja til eina jarðarferð, fáa høvi at geva sær góðar stundir - í friði og náðum. Fara eisini út Í Várperlu kunnu viðskiftafólk keypa ymiskar kransar við bandi, kortkransar, rundpyntaðar kransar, bukettir við ella uttan band, dekoratiónir, og blómuhandilin hevur eisini hjørtu og krossar, prýtt við blómum. – Fólk, sum vilja vitja í heimum, har tey hava mist, hava eisini møguleika at keypa blómur, bukettir ella dekora- tiónir, sum tey kunnu hava við á vitjan – ella tey bara ynskja, at vit fara á dyrnar við hesum saman við einari heilsan. At enda siga tey í Várperlu, at alt kann gerast eftir ynski, og fólk eru altíð vælkomin at seta seg í samband við blómuhandilin á tlf. 443838. Gev tær góðar stundir í Várperlu Tey, sum arbeiða í Várperlu í Runavík, halda tað vera umráðandi, at fólk, sum koma inn á gólvið at bíleggja í samband við eina jarðarferð, fáa høvi at geva sær góðar stundir - í friði og náðum Blómuhandilin í Runavík bjóðar sær at pynta kistu, kirkjur, samkomuhús og hølir, har ervi verða hildin Várperla hevur alt til eina jarðarferð, bæði kistuprýði, kransar, dekoratiónir, bukettir, pyntaði hjørtu og krossar