mánadagur 18. januar 2016síða 44

VIKA 3 • 18. JANUAR 2016 20 MIÐLAHÚSIÐ ÓKEYPIS LÝSINGARBLAÐ Nú kemur tann slakasti flogmánaðin F øroyingar ferðast alt meira um- vegis flogvøllin í Vágum, og eisini útlendingar leggjast afturat. Seinastu fimm árini er ferðafólka- talið á flogvøllinum í Vágum vaksið úr 200.000 ferðafólkum í 2010 og upp í 276.000 ferðafólk í fjør. Hesi fimm árini hevur vøksturin verið støðugur – og frá 2014 til 2015 vaks ferðafólkatalið heili 10 prosent. Sum við so nógvum vinnum og á so nógvum økjum eru góðar og minni góðar tíðir á flogvøllinum. Besti mánaðin í Vágum er juli mánaði, sum eisini er besti summar- mánaðin. Í juli mánaði í fjør ferðaðust 40.000 fólk um flogvøllin í Vágum. Í hølunum á juli koma august og juni sum teir lívligastu mánaðirnir á flog- vøllinum. Slakasti mánaðin í Vágum er mánaðin, sum nú er fyri framman. Vetrarmánaðin februar leggur eftir øllum at døma ikki upp til stórvegis ferðing, tí í fjør ferðaðust bert 12.500 ferðafólk um Vága Flogvøll í februar. Láárstíðin at ferðast – bæði á okkara leiðum og aðrastaðni - ger ivaleyst, at tað ber til at fáa góðar prísir á ferðas- eðlum og uppihaldi. Danmark nógv størst Tey 250.000 ferðafólkini, sum ferð- aðust umvegis flogvøllin í Vágum í fjør, brúktu serliga flogvøllin í Keyp- mannahavn, sum stendur fyri nógv tí størstu ferðsluni í sambandi við flúgving til og úr Føroyum. Næstbest umtóktu farleiðirnar eru tær til Billund og Bergen. Síðani kemur Reykjavík. Aðrar farleiðir eru tær til Aalborg, Edinburg, Mallorca og Barcelona. Vága Floghavn roknar við nógvari ferðslu í 2016, og har hugsa tey framvegis um at fáa onnur flogfeløg at brúka Føroyar í sínari flúgving. – Arbeiði við fáa onnur flogfeløg og operatørar til at hyggja nærri at Føroyum sum eitt møguligt ferðamál heldur áfram í komandi árini” sigur Jákup Sverri Kass, stjóri á Vága Flog- havn. MC HÁR HELDUR 25 ÁRA DAGIN Í ár fyllir tónleikabólkurin MC Hár 25 ár, og óskikkiliga føðingardags- barnið ætlar sær at halda dagin við manér í høvuðsstaðnum. Leygarkvøldið 20. februar verð- ur serlig føðingardagskonsert við MC Hár. – Grópað verður djúpt niður í lagaskjáttuna, tá vit dekka upp til eitt serligt kvøld við einum rokkbólki, ið hevur verið við til at mynda tónleikalívið í Havn síðan 16. februar 1991. Her verður við kærleika kýnt fyri sansunum hetta kvøldið, sigur bólkurin um konsertina. FINGU KJANSIN Í GRØNLANDI Poppbólkurin Danny & The Veetos hevur farnu vikuna vitjað í Grøn- landi, har teir vóru bindir at hava eina konsert í ment-anarhúsinum Katuaq í Nuuk. Danny & The Veetos er tónleikabólkur úr Klaksvík, sum seinastu tíðina serliga hevur verið frammi við sanginum Sunnukvøld í mai. Tað var umvegis ein av tón- leikarunum í bólkinum, at samband kom til Grønlands og at møgu- leikin at fara yvir hagar at spæla gjørdist aktuellur. Februar mánaði er tann vánaligasti mánaðin á flogvøllinum í Vágum Atlantsflog stendur fyri 94 prosent av ferðafólkatalinum á flogvøllinum í Vágum Í fjør vórðu góðar 8 milliardir út- goldnar í lønum í Føroyum, og hetta var næstan eina hálva milliard meira enn árið fyri. Tað hevur verið framgongd í lønargjaldinum í øllum vinnubólkum, men serliga í fiskivinnuni hevur tað verið stórur vøkstur í lønargjald- ingunum. Í fjør vóru lønargjaldingarnar í fiskivinnuni og alivinnuni 1.672 milliónir krónur, og tað vóru 184 milliónir meira enn árið fyri. Vøksturin var 12,4 prosent. Verður fiskivinnan tikin fyri seg, er vøksturin størri, tí í fjør vóru 945 milliónir krónur goldnar í lønum í fiskivinnuni, og tað vóru 152 milliónir meira enn árið fyri. Hesin vøksturin svarar til 19,2 prosent. Hýrurnar eru nú eins stórar, og tær vóru tey góðu árini 2006 og 2007, men 2002 er framvegis metár í lønargjaldingum í fiskivinnuni. Byggivinnan hevur eisini havt trupult at fóta sær eftir stóru aftur- gongdina eftir fíggjarkreppuna. Nú hevur byggivinnan tvey ár á rað havt vøkstur yvir 10%, og lønirnar vóru 530 milliónir kr. í 2015, áleið tað sama sum besta árið 2008.≠ Hýrurnar vaksnar nógv Lønirnar í fiskivinnuni eru nógv vaksnar seinasta árið