mánadagur 15. februar 2016síða 30

VIKA 7 • 15. FEBRUAR 2016 6 MIÐLAHÚSIÐ ÓKEYPIS LÝSINGARBLAÐ Marjun Persson STÓLURIN Í STÓLINUM HESA VIKUNA LÝS TEG SJÁLVAN VIÐ TRIMUM ORÐUM: Viljasterk (til tíðir treisk), lívlig og lyndisløtt HVAT MERKI ER BILUR TÍN? Havi ikki bil HVAT MERKI ER TELEFON TÍN? iPhone HVØR ER TÍN BESTA SUMMARFRÍTÍÐARUPPLIVING? Eg havi fleiri góðar summarupplivingar, serliga á G! Festivali við vinfólki, og frá túrum í føroysku fjøllunum við pápa mínum. Ein ferð til Sicilia við eini vinkonu í 2014 var eisini sera feitt, har vit m.a. gingu á Etna gosfjallinum, vitjaðu í fjallabýnum, Taormina, og annars bara notu lekran italienskan mat úr frískum lokalum rávørum – har kundi eg saktans farið aftur. HVAT ORÐ ELLA HVØNN SETNING NÝTIR TÚ OFTAST? »Super«, ella »Nice« HVØRJUM HYGGUR TÚ AT HJÁ HINUM KYNINUM? Eygu og smíl. HVAT GER TEG Í GÓÐUM LAG? Hugni við familju og/ella vinfólki, góðum mati og vino. Tónleikur, ein dansur ella tveir, og ikki at gloyma venjing í Tvørmegi. HVAT STRESSAR TEG? Neilig fólk, og tá eg ikki nái alt, ið eg seti mær fyri. HVØR ER TÍN YNDISRÆTTUR? Av tí føroyska dámar mær væl ræst kjøt og súpan, og eisini stokt riv. Annars dámar mær eisini sera væl tann italienska køkin, og kryddaðar wok rættir. HVAT GLEÐIR TEG? Tá eg ið eg røkki einum máli, sum eg seti mær fyri, tað kann vera reint fakliga ella í sambandi við venjing. HVAT VAR SEINASTA YNSKIÐ, SUM TÚ FEKST UPPFYLT? Persónligt met í squat HVAR ARBEIÐIR TÚ? Visit Tórshavn og Tvørmegi HVÍ VALDI TÚ AT ARBEIÐA INNAN JÚST HESA VINNU ELLA ØKI? Mær dámar væl fjølbroytta arbeiðslagið innan ferðavinnu, har mann hevur við fleiri ymsar aktørar at gera, bæði innan tað privata og almenna. At arbeiða í hesu vinnu minnir meg eisini dagliga á hvussu fantastiskar Føroyar eru at uppliva. Tá tað viðvíkur Tvørmegi, so havi eg altíð verið sera aktiv, serliga innan fimleik og CrossFit. Tískil lá tað til høgrabeinið at undirvísa í júst tí, sum eg sjálv elski at brúka mína frítíð uppá. Og so er tað bara ein góður felagsskapur, sum eg ikki kann vera fyriuttan. HVØR ER STUTTLIGASTA UPPLIVING TÍN Í STARVINUM? Í ferðavinnuhøpi er stuttligt at skipa fyri tiltøkum, og at fara á altjóða messu uttanlands at marknaðarføra Føroyar sum ferðamál. Í Tvørmegi er stuttligast at uppliva, tá ið limir flyta síni egnu mørk. Tann árliga summarkappingin og jólaveitslan í Tvørmegi eru heldur ikki at »kimsa at«. HVØRJUM TÓNLEIKI LURTAR TÚ EFTIR? Eg lurti eftir øllum frá soul og RnB til pop, country og rock .. tað er alt eftir hvørjum hýri eg eri í. Tó eri eg nokk ein serlig »pop-tøs« burturav, so Britney Spears sleppur avgjørt uppí part ;) HVAT ER BESTA UPPFINNINGIN OG HVÍ? Flogfarið, uttan iva. Tað er fantastiskt at sleppa skjótt víðari út í heim. HVAT ER BESTA ÍLØGAN, TÚ HEVUR GJØRT? Besta íløgan er tá eg stovnaði Tvørmegi í 2013 saman við tveimum øðrum. Umframt at hava við sær spennandi arbeiðsuppgávur og venjing, so eru fleiri nýggj vinarbond eisini staðin burturúr. HVAT ER TÍT BESTA HEIMARÁÐ? Drekk eitt glas av vatni við pressaðari sitrón í hvønn morgun: ein beinleiðis kelda til c-vitmamin, sum eittnú er gott fyri immunverju og húð. HEVUR TÚ NAKAÐ HÚSDJÓR? Nei, ikki longur tíverri ... havi haft kettu í 15 ár. HVAT HEVÐI TÚ GJØRT, UM TÚ VANN EINA MILLIÓN? Gjørt íløgu í nýggjan búðstað HVAT HEVÐI TÚ GJØRT, UM TÚ VANN TÍGGJU MILLIÓNIR? Gjørt íløgu í nýggjan bústað, givið nærmastu familju burturav, ferðast t.d. road trip í USA, og annars sett rest á konto. HVAT ER BEST VIÐ FØROYUM OG HVÍ? Náttúran, sum er »in your face« og sjarmerandi óansæð veðurlag. Og so er tað her mín familja og míni vinfólk eru. HVAR ERT TÚ UM 10 ÁR? Tað má tíðin vísa ... ;) Stuttligt at marknaðarføra Føroyar sum ferðamál Hugni við familju og vinfólki, góðum mati og vino, gera meg í góðum lag