mánadagur 15. februar 2016síða 34

VIKA 7 • 15. FEBRUAR 2016 10 ÓKEYPIS LÝSINGARBLAÐ TEMA Eysturkommuna Vilmund Jacobsen F yritøkan Estra í Syðrugøtu, sum byrjaði at prenta í 1965, hevði í fjør hálvthundrað ár á baki. Í 2005 løgdu Estra og Vasti, sum hevði heimstað í Klaksvík, saman, og í 2009 varð alt virksemi hjá Vasti flutt til Syðrugøtu. Stjórar í samanløgdu fyritøkuni eru Sonja á Líðarenda, sum hevur sínar røtur á Estra og Gunvá við Keldu, sum stovn­aði Vasti. Í dag starvast átta fólk í saman­ løgdu fyritøkuni í Syðrugøtu, sum setir upp og prentar alt frá visitkortum og gravarsálmum til krevjandi litprent, roknskapir, kalendarar, tíðarrit og bøk­ ur – fyri at nevna nøkur ting burtur úr rúgvuni. Frá byrjan til enda Sum fyritøka við heili fimmti árum á baki, hevur Estra ein breiðan skara av viðskiftafólki, feløgum, fyritøkum og stovnum. – Vit seta altíð viðskiftafólkini í mið­depilin, og vit leggja størsta dentin á góðsku og veitingartryggleika, sigur Sonja á Líðarenda. Gunvá við Keldu vísir á, at Vasti, sum varð stovnað í 2001 og sum í 2005 legði saman við Estra, hevði til endamáls at veita viðskiftafólki ymiskar grafiskar tænastur, ráðgev­ ing um marknaðarføring, ráð um snið­geving og framleiðslu av eitt nú heimasíðum, web-lýsingum, pla­kat­ um, fløguhúsum og faldarum. – Vit fylgja uppgávuni, antin hon er stór ella lítil - heilt frá fyrsta útkasti til endaliga úrslitið, siga stjórarnir á Estra. Eitt fjølbroytt útboð Tá tú kemur til dyrnar í fjøltáttaðu fyri­tøkuni í Syðrugøtu, sært tú bæði Estra-navnið og Vasti-navnið í vind­ eygunum, men Sonja á Líðarenda og Gunvá við Keldu vísa á, at tá við­ skifta­fólk ringja á høvuðsnummarið – 478500 – siga tey, at tað er Estra. – Við samanleggingini bjóða vit eitt breiðari úrval av vørum og tæn­ ast­um, og fyri at gera tað greiðari fyri við­skiftafólkini, brúka vit Estra sum felags sølunavn. Fyritøkan í Syðrugøtu fekk í 2012 sítt svanamerki frá Miljø­mærk­ning Danmark, ið er góð­kenn­ingar­myndu­ gleiki á økinum. – At fyritøkan er svanamerkt, merk­ir, at allir okkara prentlutir kunnu merkjast við svanamerkinum, sum tryggjar viðskiftafólki, at vøran dálkar umhvørvið sum minst, at vøran í minsta lagi hevur somu góðsku, sum aðrar líknandi vørur – og at vøran tek­ ur hædd fyri fólkaheilsuni. Alt uttan ávísprent Sonja á Líðarenda og Gunvá við Keldu siga, at árið í fjør var hendingaríkt við nógvum ymiskum og spennandi upp­ gávum og avbjóðingum, stórum sum smáum. – Vit eru farin undir nýggja árið við góðum treysti, og vit gleða okkum til nógvar spennandi og avbjóðandi upp­ gávur. Við tað, at tænasturnar eru vorð­ nar fleiri, spjaðir virksemið hjá Estra seg eisini um alt árið. – Sjálvandi eru summar uppgávur árstíðarbundnar, eitt nú roknskapir, kalendarar, prenlutir til stevnur og festivalar, men tað er ein sannroynd, at virksemið í størri mun fevnir um alt árið. Vit gjørdu nógv ymiskt tilfar til bæði størri og smærri stevnu-og festivaltiltøk í fjør, og vit vænta, at soleiðis verður aftur í ár. Eisini gjørdu vit nógvar uppgávur í sambandi við fólkatings- og løgtingsvalið ið varð hildið í fjør. Í ár verður so val til bý- og bygdaráð, har vit eru tilreiðar, at taka fjøl­táttaðu uppgávurnar í sambandi við valið á okkum. Sonja á Líðarenda og Gunvá við Keldu siga, at Estra kann loysa flestu grafiskar-, uppsetingar-og prent­upp­ gávur, og fyritøkan megnar eisini at prenta tey stóru formatini. – Vit kunnu siga, at vit loysa allar uppávur uttan blaðprent, leggja stjór­ ar­nir á Estra aftrat. Tey, ið kundu hugsað sær at spurt seg fyri um møguleikar hjá fyritøkuni í Syðrugøtu, kunnu leita á heimasíðuna www.estra.fo, og fyrispurningar kunnu eisini sendast í telduposti til estra@estra.fo Estra fylgir upp­gávuni heilt frá byrjan til enda – Árið í fjør var hendingaríkt við nógvum ymiskum og spennandi uppgávum og avbjóðingum, stórum sum smáum. Vit eru farin undir nýggja árið við góðum treysti, og vit gleða okkum til avbjóðingarnar, siga stjórarnir, Sonja á Líðarenda og Gunvá við Keldu Sosialurin 341800 Vælkomin í HÓPIN AV NÝGGJUM KLÆÐUM TIL ØLL VAKSIN OG BØRN