mánadagur 15. februar 2016síða 40

VIKA 7 • 15. FEBRUAR 2016 16 ÓKEYPIS LÝSINGARBLAÐ TEMA Eysturkommuna Vilmund Jacobsen Øll kenna navnið Norðfra, og flestu - fyri ikki at siga øll – eru samd um, at Norðfra hevur eitt frálíka gott útboð av øllum føroyskum fiska-, krabba-og skeljavørum. Stjóri er Kaj Otto Frederiksberg, og virkisleiðari á virkinum í Leirvík er Jógvan Martin Hansen. Tá Vikublaðið vitjaði í Leirvík í síðstu viku, heilsaðu vit upp á stjóran og skiftu orð við virkisleiðaran. Eitt matvøruvirki – Vit eru ikki eitt flakavirki, men eitt matvøruvirki. Tað staðfestir virkisleiðarin, sum hóast í bestu árum starvaðist hjá Kjart­ani Joensen í Leirvík árini 2006 til 2011. Jógvan Martin Hansen hevur sína útbúgving á Fiskivinnuskúlanum í Vest­manna, og tað var eisini hann, sum startaði portiónsframleiðsluna hjá Bakkafrosti upp í Fuglafirði. Hann er royndur í leikum og veit, hvat tað er, vit snakka um - ikki minst, tá ræður um góðskaðar fiskavørur. – Tá talan er um lidnar og virkaðar fiska­vørur, brúka vit sølunavnið Norð­ fra, og tá talan er um heilan fisk, sum verður útfluttur, tosa vit um Fofish. Bestu fiskavørur Jógvan Martin Hansen er onga løtu í iva um, at Norðfra, sum er ein dyggur veitari av góðskaðum føroyskum, ar­ beiðir við besta fisk og bestu vørum í kongaríkinum. – Hetta sigi eg ikki av mínum eintingum, men hetta eru afturmeld­ ingar, sum vit fáa frá okkara við­ skifta­fólkum og sølufólkum, bæði her heima í Føroyum og í Danmark, har okk­ara virkaðu fiskavørur eisini kunnu røkkast. Flak og frikadellur Jógvan Martin Hansen sigur, at burtur úr øllum úrvalinum, sum Norðfra hev­ ur í sínum útboði, er tað serliga rasp­ að hýsuflak, frikadellur og knettir, sum matvøruvirkið er kent fyri. – Okkara frikadellur eru glute-fríar, og tær eru enntá pannus-stoktar. Norðfra kann veita viðskiftafólki all­ar hugsandi fiska-, krabba-og skelja­vørur úr føroyskum havøki. – Til stuttleikar kann eg nevna, at tað serliga eru norðoyingar, ið vilja hava raspað hýsuflak, meðan eitt nú havnarfólk eru meiri fyri toski. Jógvan Martin Hansen sigur, at Norðfra er ein dyggur veitari til før­ oysku matvøruhandlarnar og mat­ stov­urnar, og afturmeldingarar eru fram­úr. – Vit eru ógvuliga fegin um, at okkara fiskavørur eru so væl um­ tóktar, og vit vilja gera alt fyri at liva upp til hetta álit, sum dyggasti útbjóðari á føroyska marknaðinum, sigur virkisleiðarin á Norðfra í Leirvík. Norðfra hevur bestu fiskavørur Jógvan Martin Hansen, virkisleiðari hjá Norðfra, er onga løtu í iva um, at matvøruvirkið í Leirvík er veitari av bestu fiskavørum í øllum kongaríkinum Vilmund Jacobsen Sp/f Nýgerð er í løtuni í holt við eitt serstakt laðingararbeiði í Leirvík, har laðað verður niðan eftir norðaru síðu av Mataránni, sum rennur oman mill­ um gomlu neystini í bygdini og út á sjógv. Mataráin kemur oman, har sandur eisini er vippaður oman í fjøruna til gleði og gagns fyri bæði stór og smá í bygdini. Beint norðan fyri Mataránna og líka sum ímillum gomlu neystini er fyri fáum árum síðan eisini bygdur ein krokk-vøllur, sum eisini hevur verið til mikla gleði fyri mong. Tað sermerkta í hesum um­hvørvi í Leirvík er, at tað serliga eru pri­vat­ persónar, sum eru primus­motorar og standa aftan fyri hesi økir og hesar verkætlanir, sum pynta og fjálga so væl um bygdaumhvørvið. Persónar, sum ganga aftur í hesum sambandi sum privatir íleggjarar, eru eitt nú Jógvan Elias Joensen og Os­ mund Justinussen. Laðingararbeiðið, sum nú verð­ur gjørt við Mataránna og pla­nerings­ arbeiði, sum er partur av sama ar­ beiði, verður í stóran mun fíggjað av privatum - og í hesum førinum serliga av Jógvan Eliasi. 40 metrar Adrian Stauss, sum eigur og rekur felagið Sp/f Nýgerð, ið burtur av fast við grótlaðing, sigur, at tað eru tveir arbeiðstakarar sum samstarva um arbeiði, ið nú verður gjørt við Matar­ ánna. – Fyritøkan hjá Poul Joensen í Fuglafirði ger gravi- og planer­ings­ arbeiði, og so er tað mín fyritøka, ið tekur sær av laðingini. Aftrat mær havi eg unga fuglfirðingin, Bjartur Larsen, sum er útbúgvin anlegsgartnari. Adrias Stauss sigur, at sjálvt laðingararbeiði í hesum umfari fevnir um einar 40 metrar niðan gjøg­num Mataránna, og síðan syrgir Poul Joensen fyri, at økið norðan fyri áar­ bakkan verður planerað og snøgg­að. – Ein tekning er gjørd av økinum, sum verður enn ein vakur blettur í Leirvík. Grótlaðarin vísir á, at síðan privatir fóru í holt við at hugna um økið niðri við gomlu neystini í Leirvík, eru fólk, sum eiga hesi neyst, eisini farin at hampa um hjá sær. – Tað eru eisini tey, sum hava bygt sær neystini um til summarhús, og hetta sær alt bara heilt ógvuliga hugnaligt út, sigur hann. Báðar síður Spurdur, um ætlanin er at laða á báð­ um síðum niðan eftir Mataránni, sigur Adrias Stauss, at tað veit hann einki um at siga sum er. – Áarbakkin á syðru síðuni er í ringum standi og rapar í støðum. Tí hevði tað eftir mínum tykki verið eitt gott hugskot, at Eysturkommuna tók um endan her, soleiðis at grótlaðing var á báðum síðum niðaneftir. Adrian Stauss sigur annars, at hann er nógv umbiðin til ymisk lað­ ingar­arbeiði ymsastaðni, men privat­ fólk, feløg, kommunur ella stovnar, ið ynskja laðingaruppgávur, eru altíð væl­komin at spyrja seg fyri á tlf. 286262 - og fáa óbindandi tilboð. Adrian laðar við Mataránna Grótlaðarin í Leirvík, Adrian Stauss, sum eigur og rekur Sp/f Nýgerð, verður meira og meira eftirspurdur og umbiðin sum laðari Laðað verður niðan gjøgnum Mataránna í Leirvík, eins og økið norðan fyri ánna verður planerað sum snotuligt fríøki Adrian Stauss, grótlaðari og Jógvan Elias Joensen, sum hevur stóran alsk til Leirvíkar bygd - Vit eru ógvuliga fegin um, at okkara fiskavørur eru so væl umtóktar, og vit vilja gera alt fyri at liva upp til hetta álit, sigur virkisleiðarin, Jógvan Martin Hansen