mánadagur 15. februar 2016síða 45

VIKA 7 • 15. FEBRUAR 2016 21 MIÐLAHÚSIÐ ÓKEYPIS LÝSINGARBLAÐ Nýggjur handil til tær ungu og kulu damurnar Hósdagin letur nýggjur handil upp í SMS. Talan er um handilin Rákið, sum annars júst er latin aftur. Handilin letur upp við sama navni og í somu hølum, men við nýggjum eigara og heilt nýggjum vøruúrvali S íðani handilin Mega í SMS stongdi fyri einum lítlum ári síðani hevur tað líkasum mangl­ að ein handil við klæðum til tey eitt sindur størri børnini. Men nú fáa í hvussu er tað ungu og kulu damurnar aftur eitt nýtt stað at finna sær smart klæðir. Komandi hósdag letur Halla Gull- foss, sum frammanundan eigur og rek­ur mótahandilin Events í SMS, upp handil í hølunum hjá fyrst Mega og nú seinast Rákið hava hildið til. Halla hevur valt at halda fast í navn­ inum Rákið, tí hon heldur, at tað er eitt ógvuliga gott navn til ein slíkan handil. Málbólkurin er tey heilt ungu – Hetta verður ein handil við klæðum til tær ungu og kulu damurnar. Og tað er bara til gentur. Málbólkurin eru tær heilt ungu damurnar. Eg keypi millum annað klæðir úr Onglandi, og tí kemur hesin handilin eins og Events at bróta eitt sindur frá hinum handlunum, greiðir Halla Gullfoss frá. Hon sigur, at tá ið hon keypir inn, so keypir hon ikki so nógv av hvørjum, og hon plagar at brúka eitt slogan, sum er »get it or regret it«. Altso at man skal vera skjótur at ogna sær klæð­ini, tí nøgdirnar ikki eru so stórar. – Tað skal heldur ikki vera so, at tað gongur annaðhvørt barn í somu klæðum. Hetta eru góð og smart klæð­ir, sum øll skulu hava ráð at keypa, sigur hon. Tørvurin er har Halla Gullfoss sigur, at hon er ikki í iva um, at tørvur er á einum slíkum handli í Havn. – Nú havi eg frammanundan Events, og har uppliva vit javnan, at ungar gentur ganga inn til okkum at spyrja eftir slíkum klæðum, sum vit fara at selja í Rákinum, og tí ivist eg ikki, at kundarnir eru har, sigur hon. Hon sigur, at talan fer at vera um ein ordiliga »diddiligan« handil við nógv­um góðum klæðum, sum fáast fyri ein rímiligan penga. – Men nú skulu vit bara hava alt klárt til hósmorgunin, og tá vit lata upp fara vit at hava nógv góð tilboð, sigur Halla Gullfoss at enda. Halla Gullfoss Nýggjur handil letur upp í SMS hósdagin 18. februar