týsdagur 16. februar 2016síða 8

Mikudagur 17. februar 2016 · Nr. 20 8 Sosialurin Hugskot og viðmerkingar – send sms til 225000 TÍÐARGREIN Sambandsflokkurin tekur lógvatak saman við Vinstra-ráðharrum Sambandsflokkurin er mótvekt til loysingarrákið, og nú verða tøk tikin fyri at styrkja Ríkis­ felags­skapin og samstarvið við Vinstra Tíðindaskriv Eingin má taka feil av, at Ríkisfelagsskapurin er í vanda, nú 14. sep­temb­er- landsstýrið, við Javnaðar­ flokk­inum á odda, ætlar at lirka føroyingar inn undir eina føroyska loys­ingar­ grundlóg. Dulda dags­skráin er at avtaka ríkis­grund­lóg­ ina og ríkis­borgara­rættindi føroyinga og sum frá líður sjálvan Ríkis­felags­skapin. Sam­bands­flokk­urin er mót­vekt til tann politikkin, og nú skulu tøk takast fyri at verja borg, sigur Bárður Nielsen, for­maður Sam­ bands­floksins. Formansskapur floks­ ins hevur júst hitt fram­ stand­andi limir í Vinstra. Teirra millum er for­sætis­ ráð­harrin, Lars Løkke Rasmussen, aðrir ráð­harrar og Søren Gade, ting­bólka­ for­maður. Vit í Sambands­flokk­ inum notera okkum, at stjórnin er positiv í mun til Ríkis­felagsskapin, og at hon talar fyri einari felags ríkis­ grundlóg fyri alt ríkið, og tað er positivt, sigur Bárður Nielsen. Í samrøðum við Vinstra- ráðharrar er avrátt at taka ítøkilig samstarvsstig. Samrøður flokkana mill­ um hava umframt politiskt sikti eisini organisa­tor­iskt endamál. Sam­bands­flokk­ urin styrkir seg innan­ hýsis í hesum døgum, og politikkurin verður eftir­ hugdur og nýskipaður. Tað er natúrligt at hyggja at, hvussu Vinstri – nú­tímans stjórnarflokkurin í Danmark – skipar seg og arbeiðir innanhýsis. Fleiri góð hug­skot eru fingin til vega í samrøðum við politik­arar og floks­skriv­ aran hjá Vinstra, sigur Magni Laksáfoss, næst­for­ maður í Sam­bands­flokk­ inum. Hann stendur, saman við floksskrivaranum, Reidari Nónfjall, á odda fyri breiðu innanhýsis broytingar­til­ gongdini í flokkinum. Grønt samstarv er týð­andi partur av fram­ tíð­ini. Á vitjan síni í Keyp­mannahavn hitti for­ mans­skapur Sambands­ floksins m.a. Lars Christian Lilleholt, orku-, veitingar-, og klimaráðharra. Føroyar og Danmark kunnu fáa nógv burturúr at samstarva um nýggjar orkuloysnir. Á mynd­ini eru, f.v.: Magni Laksáfoss, næstformaður, Lars Christian Lilleholt, ráð­harri, Bárður Nielsen, floks­for­maður, og Thomas Danielsen, fólkatingsmaður fyri Vinstra og formaður í orku, veitingar-, og klima­ nevnd Fólkatingsins. Hava sett 60 miljónir krónur av til at útvega bústaðir til fólk við serligum tørvi Fleiri enn 20 bústaðir í Havn til fólk við serligum tørvi eru beinleiðis óhóskandi vísir kanning. Samgongan hevur tí sett 60 mió. krónur av til bæði at byggja nýggjar og at umvæla verandi bústaðir tey komandi trý árini Eyðgunn Samuelsen, landsstýriskvinna í almannamálum Tað kom sum ein bumba, tá Almannaverkið fyri knøpp­ um ári síðani kundi staðfesta, at ein stórur partur av bústaðar­tilboðunum til fólk við serligum tørvi vóru óhósk­andi til endamálið. Serliga er støðan álvarsom í Suðurstreymi. Fleiri bú­stað­ ir eru umbygd sethús, ótíðar­ hóskandi, og stava frá einari farnari tíð. Vantandi við­líka­ hald og manglandi neyð­ ugar dagføringar av hesum bústøðum hava havt við sær, at 22 av 45 bústøðum í Havn ikki kunnu metast at vera hóskandi til endamálið í dag. Stóri syndarin er politiska skipanin, tí tað tykist vera ómeta­liga trupult at fáa Løgtingið at játta nóg mikið av peningi til viðlíkahald av al­menn­um bygningum. Ikki bara bygn­ingum. Sama søga ger seg galdandi, tá ið tað við­víkur landsvegum og tunlum. Vit politikarar vilja helst klippa snórar og seta spakar í, meðan myndir verða tikn­ar. Tað selur. Fjølmiðlar varpa ikki á sama hátt ljós á við­líka­halds­kont­ una hjá Landsverki. Í øllum førum ikki fyrr enn ov seint er. Vánaligu bústaðar­viður­ skift­ini eru ein álvarslig støða og ein støða, sum vit í sam­gonguni taka í álvara. Tað kann snøgt sagt ikki góð­takast, at vit sum eitt ríkt vælferðarsamfelag ikki kunnu veita teimum, ið eitt nú stríðast við sálarsjúku ella hava menningartarn, virð­iligar og góðar bústaðir. Beinanvegin eg tók við sum landsstýriskvinna í al­ manna­málum reisti eg tí málið um vánaligu bústaðar­ viður­skiftini í landsstýrinum og í samgonguni. Úrslitið av hesum er, at út við 60 mió. krón­ur eru settar av tey kom­andi trý árini at fáa til vega góðar og virðiligar bú­ staðir til fólk við serligum tørvi. Í ár eru 19 mió. krónur tøkar til endamálið, í 2017 eru 23 mió. og í 2018 eru 15 mió. krónur avsettar. Stendur tað til mín, so verður hildið áfram í 2019 og til komið er á mál. 70 nútímans bústaðir Hendan átrokandi íløgan í nýggjar bústaður í Suður­ streymi fer at bøta munandi um støðuna. Aftrat hesum hev­ur BÚSTAÐIR avgjørt, at fimta hvør íbúð, sum teir lata gera, er ætlað fólkum við ser­ligum tørvi. Somuleiðis hevur BÚSTAÐIR avgjørt at byggja 12 íbúðir til fólk við menningartarni og 12 íbúðir til fólk við sálarsjúku í Tórs­havn. Hetta verður gjørt í tøttum samstarvi við Almanna­verkið. Tilsamans fer hetta at veita eini 70 borg­ar­um nú­ tímans og tíðar­hóskandi bústaðir tey kom­andi árini. Tað hevur alla tíð ligið í kortunum, at ein partur av játtanini skal brúkast til at nútímansgera reyðu bygn­ingar­nar á Eirargarði. Herfyri kom fram, at soppur er stað­festur á Eirargarði og tí er neyðugt við umfatandi kann­ing av bústøðunum, áðr­enn farið verður víðari við hesum ætlanum. Í heila tikið hevur tað stór­an týdning ikki at fara fram eftir fummum í hes­um máli. Peningurin er sett­ur av og í løtuni verður síðsta hond løgd á eina greiða ætlan fyri hvussu bústaðar­viður­skift­ ini kunnu bøtast fyri so mong sum gjørligt. Talan er sum sagt ikki bert um at byggja nýtt, men um at um­ væla og dagføra verandi bú­ staðir, har fólk hava sítt heim í dag. Tí má arbeiðið leggjast til væl til rættis við atliti til borgar­arnar.