mánadagur 22. februar 2016síða 18

Mánadagur 22. februar 2016 · Nr. 22 18 Sosialurin Hugskot og viðmerkingar – send sms til 225000 ÍTRÓTTUR MENN FLOGBÓLTUR Hilmar Jan Hansen – Hetta var góð reklama fyri flogbóltin. Vit, sum skipa fyri, ynskja okkum altíð fimmsettarar, men henda mansfinalan var nakað av tí besta, eg havi sæð við trim­ um settum. Tað var øgiliga javnt og bæði liðini vóru við í dystinum til tað allar­síðsta. Her var eingin munur á í dag, men fuglfirð­ingar høvdu tað eyka bitið, ið skuldi til. Soleiðis tók formaðurin í Flogbóltssambandinum, Magnus Tausen, saman um final­una hjá monnum, har ÍF vann 3-0 á SÍ í settum, men í hvørj­um einasta setti vann akkurát við minsta møguliga marginali. Tað skuldi vísa seg, at ÍF í mansfinaluni megnaði akkur­át tað, ið tey fægstu høvdu væntað, hóast søgan veit at siga, at ÍF so mangan hevur drigið longsta stráið í steypa­finalunum og síðani 2000 eisini er mest vinnandi felag hjá monnum við átta steypa­sigrum ímóti teimum seks hjá SÍ. Her var altso talan um tann absolutta klass­ikaran í mansflogbólti, tí hetta var áttanda steypa­ finalan mill­um ÍF og SÍ síð­ ani 2000, um­framt at tað líka síðani 2007 hevur verið gald­andi, at føroya­meistarin í mans­flog­bólti annaðhvørt hevur verið ÍF ella SÍ. – Hetta er akkurát soleiðis, sum ein finala eigur at vera. Sjálvt um SÍ hevur smurt alt av í landskappingini í vetur, hevur ÍF nógvar royndir og skal ongantíð avskrivast. Tú kanst næstan ongantíð ordiliga siga, at annað liðið er favo­rittur, tá hesi bæði liðini hittast, tí her kann alt henda, segði Hans Fróði Jensen, viðmerkjari hjá Rás 2, tá mans­finalan var komin eitt petti út í fyrsta sett og púrt eingin munur sá út til at vera á liðunum. Tað bleiv eisini so sera javnt, og hóast tað ofta kann koma kinkur í, tá annað liðið er komið á odda 2-0 í settum, skinklaðu fuglfirðingarnir ongan­tíð, men løgdu hart út í triðja setti fyri at mótprógva tesuna um, at triðja sett so ofta hevur koppað einum liði. Og hóast SÍ var væl við og fylgdi við heilt upp á 24-24, end­aði tað allíkavæl við, at ÍF hevði neyðuga yvirskotið til at taka eisini triðja settið og steypið. Kenslan var góð Frøin á fuglfirðingum var øgilig, tá dysturin var av, og fjøldin litaði høllin á Hálsi reyða, nú mansliðið hevði megnað tað, fáur hevði væntað. – Vit hava havt trupul­ leikar í landskappingini, men í steypafinaluni fingu vit allar spælararnar at sláa til, so tað lukkaðist hjá okk­ um. Skuldu vit klára tað, so máttu vit royna at gera tað við trimum settum, og tað gekk. Hetta var ein av teim­ um betru sigrunum, eg havi verið við til at vunnið við ÍF, staðfesti spælandi venjarin, Boban Ilic. Liðformaðurin hjá fugl­ firð­ingum var eisini sera væl nøgdur eftir dystin og stað­ festi, at hetta var tað, teir í ÍF fóru eftir, sjálvt um sør­ving­ ar vóru favorittar. – Vit fóru eftir tí og hetta hevur verið málið hjá okkum. Til dystin høvdu vit fingið samlað nakrar av teimum gomlu uppaftur, og saman við teimum ungu riggaði tað fínt. Eg haldi eisini, at áskoð­ ararnir fingu nakað, sigur Bartal Eliasen, ið vísti á, at hóast ÍF eina viku undan final­uni fekk ein avsmurning frá Fleyr, høvdu teir havt nakr­ar góðar venjingar og tí eis­ini vóru farnir at trúgva upp á tað. – Kenslan var øgiliga góð undan dystinum, segði lið­ for­mað­urin. Bárður munurin Hóast vónbrotin, so mátti Jón Joensen hjá SÍ staðfesta, at tað – um ikki annað – var gott, at settini blivu so jøvn, tá teir nú skuldi tapa 3-0 fyri fugl­firðingum: – Vit høvdu ikki uppiborið frægari í dag, tí ÍF var betra liðið, og vit komu ongantíð ordiliga í gongd. Sjálvt um vit høvdu góðar móttøkur, fekk blokkurin ikki fatur í fugl­firðingum, og álopið kom heldur ongantíð upp at koyra í dag. Eg mábara siga, at hetta var akkurát rætti dagurin hjá ÍF at toppa, stað­ festi hann og helt, at nú ráddi bara um at fara eftir før­oya­ meistaraheitinum, har SÍ er nógv fremst og í vet­ur bara hevur tapt ein av 13 dystum. Tá Hans Fróði Jensen eftir dystin skuldi taka saman­um, vísti hann á, at hóast 3-0 ljóðar sum ein greið­ur sigur, so var tað altso øgiliga tætt allan vegin, men at ÍF hevði eitt sindur meira at koma við í hvørjum setti. – Serliga man tað vera øgiliga stuttligt hjá fugl­ firð­ingum hesaferð, tí fáur hevði væntað, at teir fóru at gera ein vørr. Men hetta var fult uppi­borið og ÍF spældi ótrú­liga væl, segði Hans Fróði Jensen, ið nevndi Bárð Jacobsen – ið sjálvandi eisini bleiv dagsins spælari hjá ÍF – sum fremstu orsøk til sigurin hjá ÍF. Tað sama gjørdi for­mað­ urin í Flog­bólts­sam­band­ inum, Magnus Tausen: – Ja, Bárður spældi tað besta, eg nakrantíð havi sæð hann spælt, og hann var kanska munurin á liðunum í dag, segði flogbóltsbossurin. hilmarjan@sosialurin.fo Hóast tað bleiv til ein 3-0 sigur, var talan um ein sera javnan og livandi dyst, ið var spennandi líka til tað síðsta. Hvørt einasta sett varð avgjørt við minsta marginali, men tá avtornaði, høvdu fuglfirðingar meira ís í búkinum – og Bárð Jacobsen á sínum liði! ÍF - SÍ 3-0 (25-23, 25-23, 26-24) Steypavinnararnir hjá monnum 2016: ÍF Fremst frá vinstru: Bartal Eliasen, Tróndur Høgnason Hansen, Áslakur Holm. Miðja frá vinstru: Jan Áki Olsen, liðleiðari, Georg Jacobsen, Hjørtur Eliasen, Martin Nón. Aftast frá vinstru: Brian Poulsen, Rúni Weihe, Hans Toftegaard, hjálparvenjari, Sonnie Bjarnason, Ingálvur Eyðunsson Olsen, Jógvan Eli Fagraklett, Bárður Jacobsen, Boban Ilic, spælandi venjari. Myndir: Álvur Haraldsen SPENNINGUR