hósdagur 25. februar 2016síða 44

4 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM B36 ÆTLAR AFTUR AT SKRIVA SØGU BÓLTFELAGIÐ B36 MEISTARI Nú er málið at teljast millum tey fáu feløgini, sum hava megnað at vinna FM trý ár á rað. Trý lið eru á hesum stutta listanum, men fyritreytirnar eru góðar fyri, at tað kann eydnast Eyðuni Klakstein og hansara monnum eisini at megna hesa avbjóðingina Fasittið hjá B36 í 2015 var so flott sum ongantíð áður. Fyri fyrstu ferð eydnaðist tað at endurvinna FM heitið beinanvegin. Tað var serliga merkisvert, tí fyritreytirnar vóru ikki so góðar. Ein var, at sáttmáli næstan í óðum verkum varð skrivaður við Eyðun Klakstein. Klaks­víkingurin hevði mist møguleikan í heim­býnum, men B36 vísti honum álit, og Eyðun lyfti uppgávuna væl. Tað gjørdu hann og spælararnir, hóast liðið leingi spældi uttan upplagdan fremsta mann. Ein roynd við nýggjum manni mis­ eydn­aðist, og tað var ikki fyrrenn fram ímóti kapp­ingarenda, at nýggj loysn varð funnin. Sammett við í fjør kennast fyritreytirnar fyri tað mesta at vera betri hesaferð. Spurn­ingurin er, hvussu tað fer at síggjast, at Hans Pauli Samuelsen, sum legði upp til eina rúgvu av málum í fjør, ikki er við longur. Í B36 halda tey seg hava møgu­ leikar at loysa ta avbjóðingina, tí Alex Mellemgaard og Jónas þór Næs, sum ikki vóru tøkir stóran part av síðsta kappingar­ ári, nú styrkja um bæði verju­partin og álops­partin í borðunum, har teir eisini kapp­ast við Høgna Eysturoy (myndin) og fjølbroytta Gestur B. Dam. Nýggja royndin at fáa brodd í álopið er danin Sebastian Pingel, sum tað verður roknað nógv við. Setningurin hjá honum verður at umseta til mál tað, sum tað er upplagt, at ársins leikari í fjør, Lukasz Cieslewicz, fer at servera. Hinar fram­rætt­aðu kreftirnar eru eitt nú spæl­skip­arin Róaldur Jakobsen, veteranurin Hanus Thorleifs­son, hjálparvenjarin Jákup á Borg, sum fram­vegis er týdningarmikil, hóast hann ofta er skaðadarvaður, og so ungu menn­inir, ið støðugt kroysta veteranarnar. Her verður hugsað um Árna G. Nielsen, Benjamin Heinesen, Pætur Petersen, Hannes Agnarsson og Bjarna Petersen. Jógvan Skeel Nolsøe er nýggjur í felagnum, og honum verður tað roknað nógv við. Stóri profilurin í verjuni í fjør var Odmar Færø, sum orsaka av útbúgving uttanlands ikki verður tøkur fyrsta partin av nýggju kapp­ingini. Hin stuðulin í miðverjuni var í fjør ætlaður at vera Hørður Askham. Hann var so mikið skaðaplágaður, at hann tíðliga noyddist at mynstra av, og hann stríðist framvegis við at koma fyri seg. Andrias H. Eriksen vísti seg at vera fínur, og nú er Robert Heðin Brockie tøkur aftur. Í fjør var hann burturstaddur. Eli F. Nielsen, sum í fjør vísti besta avrik nakrantíð, er farin av land­inum, men Høgni Madsen verður rokn­aður at vera væl skikkaður til verjukent mið­vallar­pláss. Eftir kappingarlok í fjør lá tað í kort­ unum, at Tórður Thomsen var á veg úr felag­num. Tórður er framvegis í B36, og tað verður millum hann og Trygva Askham, at Eyðun Klakstein skal velja málverja. Vikulanga venjingarlegan á Gran Canaria fyrst í februar ger, at árstalsfelagið eigur at vera betri fyri, enn hini liðini eru, nú tað verður farið undir kappingina. So fæst at síggja, um tað fer at eydnast at vinna triðja FM heitið á rað! MEISTARI (11) 1946, 1948, 1950, 1959, 1962, 1997, 2001, 2005, 2011, 2014, 2015 STEYPAVINNARI (5) 1965, 1991, 2001, 2003, 2006 GREIPUVINNARI (1) 2001 Í BESTU DEILDINI (71 ÁR) 1942-1943, 1945-1984, 1986, 1988- Í EUROPA (14) 1992, 1997, 1998, 1999, 2000, 2002, 2004, 2005, 2006, 2008, 2009, 2012, 2014, 2015 B36 STOVNAÐ 28. mars 1936 FORMAÐUR Rúni Herup Olsen 1 V I T T I P P A HÓPURIN Venjari Eyðun Klakstein 1 Tórður Thomsen 21 Rói Mørk Hentze 25 Trygvi Askham 2 Andrias H. Eriksen 3 Jónas Þór Næs 4 Robert Heðin Brockie 7 Alex Mellemgaard 8 Hørður Askham 16 Bjarni Petersen 20 Høgni Eysturoy 6 Høgni Madsen 10 Róaldur Jakobsen 13 Gestur B. Dam 14 Pætur Petersen 15 Hannes Agnarsson 18 Benjamin Heinesen 19 Árni Guldborg Nielsen 24 Hanus Torleifsson 9 Jákup á Borg 11 Lukasz Cieslewicz 22 Sebastian Pingel 23 Jógvan Skeel Nolsøe Frágongd: Eli Falkvard Nielsen (Danmark), Odmar Færø (Skotland, Hans Pauli Samuelsen (Víkingur) og Philip Lund (Malaysia) Tilgongd: Sebastian Pingel (Odder), Høgni Madsen (FC Suðuroy) og Jógvan Skeel Nolsøe (AB)