hósdagur 25. februar 2016síða 46

6 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM Fýra silvurheiðursmerki - tvey í landskappingini og tvey í steypakappingini – er ikki nokk fyri 31 ára gamla Høgna Madsen. Nú vil miðvallarin hava gull um hálsin, men angrar ikki at hann í fjør spældi við FC Suðuroy Í fjør var Høgni Madsen á veg til HB, sum undankappingarárinum var mett sum ein av favorittunum at vinna FM. Tá segði Høgni Madsen, at hann ynskti at spæla við einum liðið, sum stríddist um FM. Skiftið bleiv ikki av nøkrum, og miðvallarin endaði í Vági hjá uppflytarunum FC Suðuroy. Nú er Høgni Madsen til reiðar at stríðast um gullið aftur. B36 EITT LÆTT VAL Tá tað stóð greitt, at FC Suðuroy ikki yvir­ livdi í bestu deildini, so fór Høgni Madsen at leita sær eftir nýggjum felagi. – Eg tosaði við nøkur feløg, men tá eg hevði tosað við B36, so var ongin ivi í mínum huga. Venjarin, Eyðun Klakstein, vísti mær runt í B36-húsinum, og greiddi frá hvat hann ætlaði við mær og liðnum, sigur Høgni Madsen. Flestu lutirnir eru upp á pláss á liðnum. Tað er ongar kollveltandi broyt­ingar á liðnum, hóast ein maður sum Hans Pauli Samuelsen hevur skift til kappingar­ neytarnar Víking. – Tað tiltalaði meg, at liðið er í javnvág. Tú veist hvat tú fær og hvar tú stendur. Tað tiltalar meg eisini, at spæla við einum liðið, har tað er trýst á at vinna, sigur Høgni Madsen. Miðvallarin er tekur væl móti avbjóð­ ingini at verða favorittur, og at skula spæla undir trýsti. B36 er tvífaldur FM vinnari, og í løtuni eru teir favorittar at vinna FM aftur í ár. ANGRAR IKKI FC SUÐUROY Tað mundi leypa hvøkk á tey flestu, tá Høgni Madsen undan farna kappingarári fór til uppflytararnar FC Suðuroy. Skiftið innibar millum annað, at Høgni Madsen flutti til vágs. – Eg fekk eitt gott tilboð og tók av. Eg hevði eina avtalu við HB, men hon bleiv ikki til nakað, so tey flestu feløgini høvdu tryggjað sær teir spælararnar, sum tey skuldu brúka, greiðir Høgni Madsen frá. – Eg eri glaður fyri, at eg valdi at taka av. Tað var eisini stuttligt at flyta suður og búgva har. Á vøllinum kendi eg meg sum ein útlending, ið skuldi avrika meiri enn teir lokalu. Tað, sum iðrar meg mest, er at vit ikki kláraðu at yvirliva, sigur miðvallarin, sum vísir á útjavnandi málið hjá AB málverjanum, Heðini Stenberg í yvirtíðini í seinasta dystinum fyri summarsteðgin, sum mest av­gerandi løtan í kapping- ini. – Tá kundu vit havt verið átta stig fremst, men tað bleiv so bara fimm stig, sigur Høgni Madsen, ið ikki er avvísandi fyri, at hann hevði kunnað hildið fram í felagnum, um teir megnaðu at bjarga sær. FÝRA FERÐIR SILVUR Høgni Madsen hevur tvær feðrir vunnið silvur í landskappingini. Tað var í 2012 og 2013 við ÍF, meðan hann í steypakappingini somuleiðis hevur tvey silvurheiðursmerki við ávikavist GÍ og KÍ. – Eg helt at eitt silvurheiðursmerki fór at følast væl hóast alt, men satt at siga, so veit eg ikki ein gongd hvar heiðursmerkini eru í dag. Nú vil eg hava gull, sigur Høgni Madsen at enda. NÚ VIL EG HAVA GULL  LYKLASPÆLARIN Lukasz Cieslewicz Tað er sama søgan hvørt ár, tá spurn­ing­urin fellur á lykla­spælaran hjá B36. Lukasz Cieslewicz er ársins spælari, og hevur eginleikarnar at av­gera teir stóru dystirnir. Lukasz Cieslewicz er fram­vegis lykla­spæl­arin hjá B36.  GJØGNUMBROTIÐ Gestur B. Dam Prógvaði í fjør, at hann er til reiðar at taka av møguleikanum á besta liðnum hjá B36. Er djarvur í sínum spælistíli og kann spæla á fleiri plássum. Fær tó trupult við at vinna sær fast pláss.  VENJARIN Eyðun Klakstein Átók sær eina torføra uppgávu í fjør, tí B36 hevði júst vunnið FM. Hann prógvaði, at hann kundi geva liðnum nakað nýtt, men samstundis halda royndu spælararnar svangar. Passar væk inn í felagið.  MÁLIÐ Greipan B36 er favorittur at vinna bæði FM og Løgmans­steypið. Tað merkir ikki, at teir ikki kunnu liva við einum silvurheiðursmerki, eftir tvey lands­kappingar gull upp í slag, men í løtuni er ongin sterkari á papírinum. HØGNI MADSEN Eg tosaði við nøkur feløg, men tá eg hevði tosað við B36, so var ongin ivi