hósdagur 25. februar 2016síða 48

8 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM ÆTLA SÆR EITT TRIN LONGRI UPP NES SÓKNAR ÍTRÓTTARFELAG Verjaparturin er eyma avbjóðingin, men NSÍ og nýggi danski venjarin halda seg hava førleika at taka síðsta fetið ímóti meistaraheitinum, sum NSÍ higartil hevur vunnið bara einaferð, og sum felagið fyrru hálvu í fjør hevði góðan møguleika at ogna sær NSÍ hevur í fleiri ár verið roknað sum eitt av feløgunum, ið kappast um meistaraheitið. Í 2007 eydnaðist tað fyri fyrstu og higartil einastu ferð at vinna FM. Síðani tá er tað fleiri ferðir eydnast at vinna atgongumerki til europeisku kappingina. Bronsukrónurnar vórðu vunnar í 2010, og á síðsta leikdegi í fjør vóru fyrstu silvurkrónurnar nakrantíð hongdar um hálsin á NSÍ spælarum. Hetta var fínt úrslit, men tað er einki at siga til, at spælararnir iðraðu seg um, at teir ikki stóðu við FM steypinum. Frá fyrsta og fram til og við sekstanda umfar var NSÍ ovast á talvuni. Sammett við undanfarin ár eydnaðist tað at vinna fleiri innanhýsis uppgerðir ímóti avbjóðarunum. At tað kortini ikki eydnaðist at vinna FM komst av, at úrtøkan ímóti meistarunum í B36 bara var eitt stig. Tað taldi eisini skeiva vegin, at úrtøkan úr fýra teimum síðstu umførunum undan summarsteðginum var tríggir javn­ leikir og eitt tap. Tølini siga, at stóri veikleikin var verju­ parturin. Tað gekk betri at skora mál, enn tað gekk at verja. NSÍ skoraði 73 mál í fjør, og tað er nýtt met. 37 mál fóru ígjøgnum, og tað var fleiri enn hjá hinum trimum, sum vunnu atgongumerki til europeisku kappingarnar. Nú er tað 39 ára gamli Anders Gerber úr Danmark, ið stendur á odda. Hann og spæl­ararnir ivast ikki í, at møguleikar eru at røkka upp á tindin við umleið somu manning, sum í fjør var við til at vinna silvur­krónurnar. Tað verður roknað sum styrkur, at Símun Rógvi Hansen nú er málverji. 18 ára gamli Karstin Hansen er eykamálverji. Per Langgaard, Jens Joensen, Monrad Holm Jakobsen og Jákup Andrias Gaardbo kapp­ ast um plássini í miðverjuni. Jóhan Jacobsen og Einar Tróndargjógv eru upplagdir síðu­ verjar. Á miðvøllinum er veteranurin Pól Jóhannus Justinussen álit. Um avtala fæst við danska Nikolaj Køhlert, so verður tað styrkur. Aðrir, sum kappast um sentralu plássini, eru Magnus H. Olsen, Hákun Edmundsson, Haraldur R. Højgaard og Andrass Frederiksberg. Fremsti maður er toppskjúttin trý tey seinastu árini, Klæmint A. Olsen. Árni Frederiksberg, Jann Martin Mortensen og Jonleif Højgaard eiga framrættaðar leiklutir saman við 17 ára gamla og gávuríka Peturi Knudsen. Haraftrat eru fleiri ungir evnaríkir spæl­ arar, sum mennast skjótt, og sum tí bjóða royndaru monnunum av. NSÍ vann FM í U-18 kappingini bæði í fjør og í 2013. Eisini í U-14 og U-16 er felagið støðugt millum tey bestu. Fleiri góðir árgangir eru á veg, og tað fer ivaleyst at síggjast aftur nógvu tey næstu árini í bestu deildini. Fleiri teirra eru við í fyrireikingunum til nýggja kappingar­ árið – eitt nú Jannik Mathias Olsen, Hans Marius Davidsen og Jann Benjaminsen. Tað var í fimmti ára føðingarárinum í 2007, at fyrsta FM varð vunnið. Í 2017 verður NSÍ seksti. Eingin hevði mælt ímóti, um tað longu í oktober í ár aftur eydnast at vinna gullkrónurnar. MEISTARI (1) 2007 STEYPAVINNARI (2) 1986, 2002 GREIPUVINNARI (0) Ongantíð Í BESTU DEILDINI (30 ÁR) 1976, 1979, 1984-1988, 1991- 1992, 1994-1995, 1997- Í EUROPA (10) 2003, 2004, 2005, 2007, 2008, 2009, 2010, 2011, 2012, 2015 NSÍ STOVNAÐ 24. mars 1957 FORMAÐUR Sonni L. Petersen 3 V I T T I P P A HÓPURIN Venjari Anders Gerber 1 Símun Rógvi Hansen 29 Karstin Hansen 2 Per Langgaard 3 Monrad Holm Jacobsen 4 Jens Joensen 5 Jákup Andrias Gaardbo 12 Einar Tróndargjógv 15 Jóhan Jacobsen 6 Andras Frederiksberg 7 Jann Martin Mortensen 8 Nikolaj Køhlert 9 Jónleif Højgaard 11 Árni Frederiksberg 13 Pól Jóhannus Justinussen 17 Jann Benjaminsen 18 Magnus H. Olsen 19 Haraldur R. Højgaard 20 Hákun Edmundsson 23 Jannik Olsen 10 Klæmint A. Olsen 16 Petur Knudsen 27 Hans Marius Davidsen Frágongd: Andras Gango (Skála), Jónhard Frederiksberg (Skála, Michal D. Przybylski (B68) og Meinhard E. Olsen (Vendsyssel) Tilgongd: Símun Rógvi Hansen (B71), Jákup Andrias Gaardbo (Skála) og Nikolaj Køhlert (Silkeborg IF)