hósdagur 25. februar 2016síða 58

18 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM Seinast Rókur av Fløtum Jespersen spældi eitt heilt kappingarár við HB var í 2007. Tá var hann millum teir yngru á liðnum. Í dag er støðan ein onnur, nú hann er næstelstur í hópinum. Tað setur krøv, ásannar nú 30 ára gamli miðvallarin HB skal byrja av nýggjum. Royndir menn sum Fróði Benjaminsen, Andrew av Fløtum, Alex José dos Santos, Gunnar Haraldsen, Rógvi S. Holm, Levi Hanssen og Símun Samuelsen, eru antin givnir ella hava skift felag. Liðið skal skipast á nýggjum. Við stýris­vølin stendur Jan Dam, sum á fyrsta sinni roynir seg sum høvuðsvenjara á hesum stignum. Tí er eisini brúk fyri, at aðrir spælarar traðka fram og taka ábyrgd. Ein teirra verður Rókur av Fløtum Jespersen. Gløggi miðvallarin er brádliga millum aldursforsetarnar á liðnum. LANGTSÍÐAN SEINAST Tað eru eftirhondini nøkur ár síðan, at Rókur av Fløtum Jespersen seinast var við í upp­ startinum. Fram til 2007 var hann dag­ligur gestur í HB-húsinum, men í 2008 fór hann til Dan­markar at lesa. Síðani hevur hann bara verið við í styttri tíðarskeið á gangin. Mið­vall­arin hevur nú rundað tey 30 árini, men hug­urin at spæla fótbólt er enn góður. – Høvðusorsøkin til at eg spæli fótbólt er, at eg framvegis havi hug til tað. Sjálv­ andi merki eg mun á frá seinast eg spældi eitt fult kappingarár, men tá eg flutti heima aftur í fjør, so var hugurin enn til staðar, sigur Rókur av Fløtum Jespersen. Miðvallarin ræðist ikki, at um­hvørvið er nógv broytt, og at hann nú er millum teir elstu á liðnum. – Tað er løgið at vera næstelstur á lið­ num. Tað er ein nýggjur leiklutur fyri meg, men eg eri til reiðar at taka ta ábyrgd, sum fylgir við, sigur Rókur av Fløtum Jespersen, sum var elstur til Símin Hansen kom í hópin. Av øðrum kunnu nevnast Christian R. Mouritsen, Jóhan T. Davidsen og Teitur M. Gestsson, sum eru millum teirra, ið skulu til at ganga á odda hetta kappingar­árið. – Tað verður ein spennandi uppgáva, tí vit skulu byrja av nýggjum. Tað er fleiri ungir, men ótrúliga spennandi spælarar á lið­num, sigur Rókur av Fløtum Jespersen. JAVNVÁG ER TAÐ TÝDNINGARMESTA HB hevur síðani aldarskiftið tvær ferðir byrjað av nýggjum við ungum spælarum. Í 2000 og í 2006 vóru nógvir ungir spælarar á liðnum. Felags fyri bæði árini er, at avrikin tá samanumkom vóru góð. Rókur var sjálvur við í 2006, tá HB í evstu løtu vann FM frammanfyri EB/Streym. – Tað árið tapa vit eisini 6-0 fyri B36 í lands­kappingini. Tað er óvanligt fyri ein FM vinnara at tapa 6-0 á vegnum. Tað kann henda við fleiri ungum spælarum. Eg haldi, at vit hava kvalitet nokk til at vinna á øllum lið­unum, men stóra avbjóðingin er at finna eina javnvág, sigur Rókur av Fløtum Jespersen, ið hevur ilt við at seta orð á hvat málið fyri HB er í ár. – Eg haldi vit hava eitt spennandi lið, sum kann blanda seg millum tey bestu, men tað er ilt at seta eitt avgjørt mál í ár, sigur Rókur av Fløtum Jespersen at enda. RÓKUR SKAL BERA ARVIN VÍÐARI  LYKLASPÆLARIN Christian R. Mouritsen Hann hevur støðið til at spæla á landsliðnum, men seinnu árini hevur hann verið langt frá toppinum. Hann er spælarin, sum skal vinna liðnum dystir­nar á seinasta trið­ing­ inum. Helst verður ein saman­hangur millum avrikini hjá Chrisitiani og HB.  GJØGNUMBROTIÐ Teit Jacobsen 17 ára gamli Teit Jacobsen kann spæla á seks teimum fremstu plássunum, og tykist verða frammanfyri eitt nú Adrian Justinussen í røðini. Hevur tikið seg nógv fram seinasta árið, og saman við Adrian og Ara Mohr Olsen, er hann millum talentini hjá HB í ár.  VENJARIN Jan C. Dam Er óroyndur í leiklutinum og hevur eitt nýtt lið. Júst tað, at liðið er nýtt ger at hann kann skipa tað sum hann vil. Tað kann ganga galið í ár, men fær Jan Dam fatur á rætta endanum, so hevur HB nógv at bjóða uppá.  MÁLIÐ Evropa Hóast frágongdin hevur verið stór, so tykist ikki sum HB er sinnað at leggja seg í stríðnum um milliónirnar frá UEFA. RÓKUR AV FLØTUM JESPERSEN Sjálvandi merki eg mun á frá seinast eg spældi eitt fult kappingarár