hósdagur 25. februar 2016síða 62

22 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM Heðin Klakstein byrjaði kappingarárið í fjør í 1. deild, men endaði sum toppskjútti og profilur hjá KÍ. Tað lá ikki í kortunum, at 23 ára gamli Heðin Klakstein skuldi standa eftir sum topp­skjútti hjá KÍ við kappingarárslok í fjør  LYKLASPÆLARIN Kristian Joensen Nógvir góðir leikarar at velja ímillum, men KÍ hevur havt trupulleikar á málmans­ plássinum seinastu árini, og her kann fyrr­verandi U21-landsliðsmálverjin bjarga nøkur eyka stig til Klaksvíkar.  GJØGNUMBROTIÐ Jákup B. Andreasen Ungur miðvallari, sum spældi 17 dystir í Effo­ deildini í fjør. Um hann spælir líka nógvar dystir í ár er árið væleydnað hjá honum, tí at kappingin um plássini á miðvøllinum er gróthørð.   VENJARIN Mikkjal Thomassen Fer undir sítt næsta kappingarár sum venjari hjá KÍ. Hevur ein sterkan og breiðan hóp at arbeiða við, sum er nóg góður at føra KÍ út í Evropa.  MÁLIÐ Evropa Í fjør restaðu bert tvey stig í fyri at vinna evropeiska luttøku. Liðið tykist at vera styrknað í ár, og tí skuldi verið góður møguleiki fyri at enda hægri enn nummar fimm. Onki annað enn evropeiskt pláss verður góðtikið í Klaksvík í ár. HEÐIN KLAKSTEIN Í fjør rakk hart arbeiði við harðari og miðvísari venjing langt FRÁ EYKALEIKARA TIL PROFIL Heðin byrjaði kappingarárið sum eyka- leikari á Effo­liðnum og spældi dystir við næst­besta liðnum hjá KÍ í 1. deild. Í fimta umfari í fjør byrjaði Heðin tó á fyrsta sinni inni á besta liðnum, og síðani byrjaði pílurin at peika upp­eftir hjá lokala klaksvíking- inum.  – Í fjør rakk hart arbeiði við harðari og mið­vísari venjing langt. Eg byrjaði kappingar­árið sum eykaleikari á Effoliðnum og spældi dystir við 1. deild, men endaði sum topp­skjútti  hjá okkum, sigur Heðin Klakstein. Heðin hevur altíð spælt mitt á mið­vøll­ inum, men skaðar til aðrar leikarar gjørdu sítt til, at hann varð fluttur longri fram á vøllin. – Tað vóru eisini skaðar hjá fram­herj­ unum Páll og Kenan, sum gjørdu, at eg fekk kjansin. Eg endaði við at spæla á vinstra vongi í fjør, og har hevði eg ikki spælt áður. Øll míni ár havi eg spælt mitt á miðuni, men hetta broyttist í fjør. Tað kravdi eisini nakað nýtt av mær taktiskt, sum vit arbeiddu nógv við, greiðir Heðin Klakstein frá. Tá ið kappingarárið var at enda komið hevði Heðin Klakstein skorað 11 mál í Effo­ deildini, og gjørdist hann toppskjútti hjá KÍ í 2015. KÍ SPENTI BEIN FYRI SÆR SJÁLVUM Í fjør endaði KÍ á fimta plássi, har tvey stig vantaðu fyri at røkka málinum um evropeiska luttøku í 2016. Tað hevði tó lætt­liga kunnað verið øðrvísi. – Tað var óheppið, at vit ikki rukku fjórða plássinum í fjør. Vit fóru avgjørt eftir tí, men kappingin var hørð, og onkuntíð mistu vit eisini leiðslur, sum vit ikki burdu mist. Millum annað vóru vit frammanfyri 4-1 ímóti EB/Streymi á Skála í dysti, sum end­ aði 4-4, tvær ferðir gjørdu vit sjálvmál á úti­vølli ímóti TB, ið kostaði stig, og eitt sjálv­ mál kostaði okkum eisini ein sigur á útivølli ímóti Víkingi, sigur Heðin Klakstein um sítt lið, sum heldur ofta misti á stokkinum í fjør. Málið hjá felagnum er óbroytt frá í fjør. KÍ skal út í Evropa at spæla. – Málið er tað sama sum í fjør, og tað er sleppa út í Evropa. Hetta mugu vit fyrst klára, áðrenn vit byrja at seta okkum hægri mál enn tað. Málið er sjálvandi, at KÍ aftur skal verða eitt topplið í Føroyum, men tað tekur tíð og er eitt langtíðarmál hjá okkum, sigur Heðin Klakstein og leggur afturat um fjeppararnar hjá KÍ: – Klaksvíkingar eru altíð spentir, tá ið kappingin byrjar. Teir krevja nógv av leik­ar­ unum, men tað skilji eg eisini væl. Fjepp­ar­ ar­nir stuðla okkum í viðgongd og mót­ gongd, og tí skylda vit eisini aftur til teir. At enda varð Heðin Klakstein spurdur, um tað er eitt mál hjá honum at enda framm­an­fyri pápa sín, Eyðun Klakstein, sum er venjari hjá B36. – Tað hevði verið stuttligt, men B36 hevur aftur í ár eitt gott lið, og teir ætla sær óivað at vinna triða meistaraheitið á rað í ár, vóru seinastu orðini frá Heðini.