hósdagur 25. februar 2016síða 66

26 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM FUGLFIRÐINGARNIR RÆÐAST ONGAN ÍTRÓTTARFELAG FUGLAFJARÐAR 1979 er framvegis peilimerkið hjá fugl­ firð­ingum, tí tá var tað, at ÍF vann FM fyri fyrstu og higartil einastu ferð. Bestu árini síðani tá vóru í 2012 og 2013, tá ið fugl­firð­ ingar leingi vóru við í stríðnum um FM. Báðu ferðirnar endaði tað við silvurkrónum, og tvey tey seinastu árini hevur dagsskráin verið at sleppa undan niðurflytingini, sum spøkti, men tó ongantíð var um at verða veru­leiki. Síðani kappingin í 2005 fór at fevna um 27 umfør hevur ÍF verið í bestu deildini í tíggju av ellivu kappingarárum. Fýra ferðir er tað endað við 7. plássi, og tvær ferðir – íroknað í fjør – var 6. plássið endastøðan. Í fjør var tað ófriðarligt og ikki frítt av misnøgd. Jákup Mikkelsen hevði ábyrgdina av liðnum fýra tey síðstu umførini. Nú er hann hjálparvenjari, og Jógvan Martin Olsen er eftir sabbatsár aftur venjari í fremstu røð. Dagsskráin er at lyfta liðið fram aftur, har tað er hugaligt at kappast. Nýggi venj­ arin hevur blandað kortini av nýggjum, og boð­ini til spælararnar, áskoðararnar og før­oyska fótbóltin í síni heild eru, at ÍF skal hava sjálvsálit at bjóða øllum hinum av, tí liðið hevur førleikan at vinna á øllum. Í 2014 var Adeshina Lawal toppskjútti, meistari við B36 og ársins spælari. Í fjør gekk tað ongan veg hjá honum í ÍF. Nú er ætlanin at leggja spælið soleiðis til rættis, at Lawal og Clayton Soares, sum hevur verið í Fuglafirði í fýra ár og hevur skorað 59 mál, aftur verða sentralir á liðnum. Hanus Eliasen og Margeir Toftegaard eru aðrir møguleikar. Karl Løkin plagar at vera verjukendur miðvallari. Nú skal hann vera fremstur á sentrala miðvøllinum. Kristoffur Jakobsen hevði í fjør ilt við at vinna fast pláss á lið­ num. Nú skal hann vera akkersmaður á verju­kendum sentralum miðvallarplássi. Kappingin um miðvallarplássini verður millum Gunnar Christiansen, Dánjal á Lakjuni, Ara Ó. Ellingsgaard, Boga Reinert Petersen, Frank Poulsen, Andrias Poulsen og Andy Olsen. Alex José dos Santos er nýggjur á vinstra vongverja. Í høgra borði er kapping millum Leiv Joensen og Dánjal Paula Højgaard, sum stóð seg væl í fyrstu venjingar­dystunum, men sum síðani var óheppin at bróta armin. Bartal Eliasen var fyrstu ferð á besta ÍF liðnum í 1993. Síðani hevur hann verið mest sum fastur í miðverjuni. Nú er Bartal, sum verður 40 í august, ikki á besta ÍF liðnum. Í venjinardystunum er tað lagt upp til, at Poul Nolsøe Mikkelsen skal hava nýggjan makkara í miðverjuni. Tað er Jan Ó. Ellingsgaard, sum annars plagar at vera framrættaður vongverji í vinstru. Teir báðir, Poul Nolsøe og Jan, hava verið skaða­darvaðir síðstu tvær vikurnar. Tá hava Bogi Reinert Petersen og John Daniel Guðjónsson loyst av. Nýggjur málverji er danski Oliver Korch, sum kappast við Hallgrím G. Hansen og Tóra T. Traðará um plássið millum stólparnar. MEISTARI (1) 1979 STEYPAVINNARI (0) Ongantíð GREIPUVINNARI (0) Ongantíð Í BESTU DEILDINI (33 ÁR) 1971-82, 1985, 1988-89, 1993-94, 1996-99, 2004-06, 2008- Í EUROPA (3) 2011, 2013, 2014 ÍF STOVNAÐ 25. mars 1946 FORMAÐUR Leif André Eliassen 6 V I T T I P P A HÓPURIN Venjari Jógvan Martin Olsen 15 Oliver Korch 16 Hallgrím G. Hansen 80 Tóri T. Traðará 3 Poul Nolsøe Mikkelsen 4 Alex José dos Santos 5 John Daniel Guðjónsson 14 Dánjal Pauli Højgaard 17 Leivur Joensen 37 Jan Ó. Ellingsgaard 2 Gunnar Christiansen 6 Karl A. Løkin 7 Dánjal á Lakjuni 8 Andrias Poulsen 9 Kristoffur Jakobsen 10 Ari Ó. Ellingsgaard 11 Frank Poulsen 21 Bogi R. Petersen 23 Andy Ó. Olsen 18 Clayton Soares 27 Margeir Toftegaard 28 Hanus Eliasen 30 Adeshina Lawal Frágongd: Predrag Markovic (givin), Frank Poulsen (Danmark), Fríði Sigurðsson (B68), Áki Petersen (Norra), Bartal Eliasen (givin), Fritleif í Lambanum (Skála), Sjúrður Jacobsen (EB/Streymur), Nenad Saric (einki felag) og Høgni J. Zachariassen (givin) Tilgongd: Alex José dos Santos (HB), Oliver Korch (B1908 Amager) og Gunnar Christiansen (KÍ) Nýggi venjarin, Jógvan Martin Olsen, roynir at røra rættiliga í grýtuni og ætlar harvið, at nytta skal fáast burturúr, at tað í Fuglafirði eru tveir útlendskir álopsspælarar, ið áður hava víst seg at vera millum teir bestu í landinum