hósdagur 25. februar 2016síða 68

28 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM Nýggi venjarin hjá ÍF, Jógvan Martin Olsen, hevur góðar vónir til komandi kappingarárið, har hann serliga leggur dent á, at álopsdygdirnar á liðnum eru sera góðar. Verjuparturin verður tó ein størri avbjóðing  LYKLASPÆLARIN Adeshina Lawal Ársins leikari í Effodeildini í 2014 hevði eitt misjavnt kappingarár í fjør, har hann skoraði ov fá mál, fekk tvey reyð kort og hevði disiplineraðar trupulleikar. Um hann finnur sama støði, sum hann hevði í 2014, tá ið B36 vann FM, so verður hann tó ein sannur fongur fyri ÍF.  GJØGNUMBROTIÐ Poul Nolsøe Mikkelsen Hevur spælt við ÍF í Effodeildini síðani 2013 og er í dag 20 ára gamal. Vegna unga aldurin hevur hann ikki verið heilt feilfríur enn, men 2016 kann væl blíva árið, har Poul, sum hevur spælt tveir dystir fyri U21-landsliðið, kann lyfta sítt spæl upp á eitt hægri støði.  VENJARIN Jógvan Martin Olsen Fyrrverandi landsliðsvenjarin skal nú standa við stýrisvøllin í Fuglafirði. Útgangsstøðið hjá honum er ikki tað besta, tí at hópurin er rættiliga tunnur, men har er í øllum førum nóg mikið at rætta upp á frá seinasta kappingar­ ári. Seinast var Jógvan Martin venjari hjá B68 í 2014, ið flutti niður tað árið.  MÁLIÐ At enda í miðuni Hópurin hjá ÍF er rættiliga smalur, og fleiri av liðunum, sum endaðu omanfyri ÍF í fjør, hava styrkt seg væl. Í fjør endaði ÍF bert fimm stig omanfyri niðurflytingarstrikuna, og tí man tað avgjørt vera eitt mál hjá fuglfirðingum at sleppa longri burtur frá niðurflytingarvandanum. JÓGVAN MARTIN OLSEN Tá ið ÍF setti seg í sam- band við meg, var eg beinan­vegin áhugaður ÁLOPSDYGDIRNAR ÍMILLUM TÆR BESTU Stutt eftir kappingarlok í fjør varð kunn­ gjørt, at venjarin hjá ÍF í 2016 skuldi verða fyrrverandi venjarin hjá B68, Víkingi, NSÍ og føroyska landsliðnum, Jógvan Martin Olsen. – Eg hevði sabbatár í 2015. Tá ið ÍF setti seg í samband við meg, var eg beinanvegin áhug­aður í starvinum, tí at eg síggi stórar møgu­leikar í hesum liðnum, sigur Jógvan Martin Olsen. Í 2014 var Jógvan Martin Olsen venjari hjá B68, sum flutti niður tað árið. Fyrr­ver­ andi landsliðsvenjarin dylur ikki fyri, at liðið, sum hann venur í dag, er eitt annað lið enn tað, ið hann hevði fyri tveimum árum síðani. Álopsdygdirnar eru í øllum førum nógv betri á hesum ÍF-liðnum. Liðið, sum eg eri venjari hjá í dag, hevur eisini nógv fleiri royndir enn liðið hjá B68, sum eg var venj­ari hjá í 2014. Júst álopsdygdirnar er nakað, sum  Jógvan Martin hevur serliga stórar vónir til. – Um hópin hjá okkum kann eg siga, at álops­dygdir­nar á liðnum eru framúr góðar og fult á hædd við tey bestu liðini í deildini. Stóra avbjóðingin verður verjuparturin, har vit skulu lata nógv færri mál inn, sigur Jógvan Martin. Álopsparturin hjá ÍF telur leik­arar sum Adeshina Lawal, Clayton Soares og Ari Ellingsgaard. NÓGV VAR GALIÐ Í FJØR ÍF hevði eitt misjavnt kappingarár í fjør, har liðið endaði nummar seks – bert fimm stig omanfyri niðurflytingarstrikuna. Fugl­firð­ ingar lótu eisini heili 56 mál inn í teimum 27 landskappingardystunum í fjør, og tað var triðmest av øllum liðum í Effodeildini í 2015. – Tað var nógv, sum var galið við ÍF í fjør. Liðið hekk ikki saman, nógv ov nógv mál vórðu latin inn, ov fá mál blivu skorað og sum heild var liðið ógvuliga óstøðugt. Liðið end­aði bara fýra stig omanfyri strikuna og kundi væl flutt niður, meðan heili 16 stig vóru upp til fjórða plássið í deildini. Jógvan Martin vísir eisini á, at í fjør helt hann, at hópurin hjá ÍF var ov stórur. Hóp­urin hjá ÍF er væl smalri í ár, og tað er so­leiðis, at Jógvan Martin Olsen ynskir tað. – Hópurin er smalur. Eg hevði møguliga ynskt mær at havt ein ella tveir verju­ kendar spælarar afturat í hópinum. Men persónliga ynskti eg mær eisini ein minni hóp enn í fjør. Tað gjørdist ov trupult at finna felags stev á liðnum hjá ÍF í fjør vegna stóra hópin. Útskiftingin var ov stór frá dysti til annan. Í ár ynski eg mær eina stammu, sum kann bera liðið. Bartal Eliasen er givin, og tí verður, Jan Ellings­gaard, umskúlaður til miðverja. – Higartil hevur stóra avbjóðingin verið tann, at vit skulu finna eina nýggja saman­ seting í verjuni, tí at tað er serliga har, at frá­gongdin hevur verið stór. Millum ann­að er Bartal givin. Santos er komin til felagið og hetta merkir, at eftir ætlan skal Jan Ellingsgaard í miðverjuna at spæla, sigur Jógvan Martin Olsen um nýggju samansetingina í verjuni. Hvat er málið hjá ÍF í 2016? – Vit fara sjálvandi at royna at enda hægri enn í fjør. Tað verður tó ógvuliga trupult, tí at fleiri av hinum liðunum hava styrkt seg sera væl. Tað verður ikki lætt, men vit ætla okkum longri upp á stiga­ talvuni, vóru seinastu orðini frá Jógvani Martini Olsen.