hósdagur 25. februar 2016síða 76

36 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM – Øvundsjúka kann vera keðilig, og tá ið tað er um familjuna hjá mær, so taki eg meg aftur og lati onnur sleppa framat, sigur fráfarni NSÍ-venjarin, sum nú hevur tikið yvir í AB, har hann ætlar at spæla positivan fótbólt, men minnir á, at tað snýr seg um at fáa stig  LYKLASPÆLARIN Rói Danielsen Høgtvaksni, vinstra­ beinti miðverjuspælarin hevur bæði royndirnar og styrkina, sum krevst fyri at átaka sær ábyrgdina av at skipa verjuna, sum helst fer at verða sett undir trýst í ár. Hann kennir hvønn krók í felagnum og veit júst hvat krevst.  GJØGNUMBROTIÐ Karstin Højgaard Best kendur sum innskiftarin, sum er ógvu­ liga málsøkin, men í ár kann 21 ára gamli kvik­beinti framherjin vænta sær størri álit – tekur hann av, kann hann fáa sítt endaliga gjøgnum­brot, sum leingi hevur verið ávegis.  VENJARIN Trygvi Mortensen Hóast eitt umskifti frá flúgvandi álopsspæli í Runavík til bjargingarroynd á Argjum, so hevur Trygvi eina fótbóltsfilosofi, sum – um hon nær at verða innførd á Argjum – kann kasta neyðuga nógvu málini og stigini av sær. Trupul uppgáva, men ei ómøgulig.  MÁLIÐ Bjarging Óhugnaliga frágongdin og soltni flytingargluggin borðreiðir ikki við øðrum málsetningi enn bjarging. Spælara fyri spælara er AB-hópurin neyvan í betri standi enn í fjør, tá ið teir endaðu nummar 8. TRYGVI MORTENSEN Eg má ikki samanbera við NSÍ, tí eg má arbeiða við tí eg havi ARGJA BÓLTFELAG ER IKKI NSÍ Tað vóru heldur óvæntað tíðindi, tá ið Trygvi Mortensen stutt áðrenn kappingarenda í fjør boðaði frá, at hann fór at gevast sum NSÍ-venjari. Í samrøðu við Rás2 segði hann, at hann kendi seg ov lokalan, og tað úttaluna sleppur hann nú at útgreina. – Man er jú inngrógvin í Runavík og hevur nógvar av sínum egnu rennandi, og tá kann tað blíva trupult, tá ið tað er tøtt kapping um plássini. Tað er skjótt ein kann blíva órættvísur ímóti sínum egnu, hóast teir hava góð evni, tí man er bangin fyri at aðrir verða øvundsjúkir, sigur Trygvi Mortensen, sum viðgongur, at onkrar viðmerkingar fullu um son sín, Jann Martin Mortensen. – Øvundsjúka kann vera keðilig, og tá ið tað er um familjuna hjá mær, so taki eg meg aftur og lati onnur sleppa fram­ at, sigur Trygvi og leggur afturat, at hetta neyvan bara er í Runavík, men helst aðra­ staðni eisini. AB IKKI NSÍ Við NSÍ var Trygvi Mortensen tiltikin fyri góðan álopsfótbólt, sum í fjør bar teir til tvær silvurkrónur. Nú hevur hann tikið við sum venjari hjá AB, sum vanliga stríðist í hinum endanum á stigatalvuni. – AB er ikki NSÍ, men eg má ikki saman­ bera við NSÍ, tí eg má arbeiða við tí eg havi og royna at spæla positivan fótbólt. Tað ætla vit í øllum førum, men vit mugu hin­ vegin heldur ikki gloyma, at tað snýr seg um at fáa stig, sigur Trygvi, sum ikki tykist vera heilt nøgdur við hópin. – Lat meg siga tað soleiðis, at eg kundi ynskt mær ein breidri hóp, tí vit hava longu nakrar skaddar leikarar. Vit royna at finna aðrar spælarar, men tað er ringt at finna í Føroyum í løtuni, sigur nýggi AB-venjarin. Longu nú er greitt, at Gert Drangastein og Símun Samuelsen ikki verða tøkir til fyrstu dystirnar. Gert hevur slitið hæl­ sinuna og má helst sita uttanfyri í rúma tíð, meðan Símun Samuelsen roynir at koma seg eftir at hann júst er vorðin skurð­við­ gjørdur fyri meniskskaða. GERA ALT Trygvi leggur tó áherðslu á, at leikararnir í hópinum eru raskir og arbeiða hart fyri tí, sum hann og hjálparvenjarin, Terji Leitisstein Hansen, hava sett teimum fyri. – Vit hava rímiligar spælarar ímillum teir fyrstu 11, men tað verður ein harður dystur. Tað dugi eg at síggja nú hópurin ikki er so breiður. Tað ger uppgávuna harðari, men samstundis spennandi, tí tað er ein av­ bjóðing, sigur Trygvi og leggur afturat: – Ein harður dystur verður tað so, tí liðini eru góð, sum vit hava sæð og spælt ímóti. Men vit fara at gera alt vit kunnu, sigur AB- venjarin, Trygvi Mortensen, at enda.