hósdagur 25. februar 2016síða 82

42 FÓTBÓLTUR 2016 FÓTBÓLTSBLAÐIÐ HJÁ MIÐLAHÚSINUM B68 FER AT STRÍÐAST FYRI LÍVINUM TOFTA ÍTRÓTTARFELAG 1981 var fyrsta árið hjá B68 í bestu deild­ini. Fram til túsund ára skiftið var árstals­ felagið ofta við til at mynda toppin. Krúnan var FM heitini í 1984 og 1985 við John Kramer, sála, sum venjara, og FM heitið í 1992 við Jógvani Norðbúð, sála, sum venjara. Umframt tey trý FM heitini hevur B68 síðani fyrsta árið í fremstu røð í 1981 fleiri aðrar ferðir vunnið heiðurskrónur – silvur­ krónur í 1988 og seks bronsukrónur í 1986, 1989, 1995, 2000, 2001 og 2003. Fyrsta tíggju ára skeiðið í bestu deildini vóru toftamenn millum tey bestu – í miðal 3,7. Annað tíggju ára skeiðið í bestu deildini – 1991-2000 – var miðal­plaseringin 5,3. Triðja tíggju ára skeiðið í bestu deildini – 2000-2010 – var miðal­plaser­ingin 6,1 umframt at liðið var tvey ár í næstbestu deildini, og síðani 2011 hevur miðal­plaser­ ingin í trý ár verið 8,33 umframt tvey ár í næst­bestu deildini. Tað vil siga, at úrtøkan er vorðin støðugt lakari. Dagsskráin snýr seg nú um at sleppa undan niðurflyting og at vinna plássið í bestu deildini av nýggjum. Síðstu árini er tað arbeitt at menna liðið við spælarum, sum eru uppvaksnir í felagnum. Tað er fram­vegis málið, men samstundis er ásann­að, at tað er neyðugt við spælarum aðra staðni frá, um møguleiki skal vera fyri at røkka á mál. Páll Guðlaugsson er nýggjur venjari í B68. Hann hevur nógvar royndir – ikki minst frá at stríðast fyri at sleppa undan niður­flyting. Hann hevur síðani seint síðsta heyst saman við spælarunum fyrireikað seg og givið royndu og óroyndu monnunum íblástur til stóru avbjóðingina. Nógvir av teimum, sum í fjør vóru við til at vinna uppflyting eftir eitt ár í fyrstu deild, eru enn á Svangaskarði, og fleiri enn eitt lið av spælarum var eisini við, tá ið B68 í 2014 var í bestu deildini og flutti niður. Ragnar Lindholm er framvegis í barn­ dóms­felagnum, har Fríði Sigurðsson er nýggjur avbjóðari millum stólparnar. Nýggi spaniumaðurin Pedro er ætlaður at vera akkersmaður í miðverjuni, har Jóhan Dávur Højgaard er veteranur. Niklas Poulsen er upplagdur vongverji, og aðrir møgu­leikar í verjuni eru 19 ára gamli Ari Johannesen og 20 ára gamli Albert Róin Johannesen. Jann Ingi Petersen, sum orsaka av ar­ beiði verður burturstaddur fyrsta partin av árinum, eigur saman við André Olsen og Kristian Anton Andreassen nógvar royndir í felagnum. Evrard Blé, sum eisini var á Toftum í 2014, er veteranur á miðvøllinum, har Ivan Joensen er nýggjur við royndum av at spæla í bestu deildini. 18 ára gamli Michal Przbylski og 20 ára gomlu Jóhannus Hansen, Leivur Højgaard og Otto Reinert Petersen bjóða av í kappingini um plássini. 30 ára gamli Óli Højgaard Olsen er royndur og málsøkin álopsspælari. Spaniu­ maðurin Carlos er annað boð, og so eru tað Martin Olsen, ið var toppskjútti í B68 í fjør, Bergur Johannesen, Búi í Hjøllum og 19 ára gamli Esmar Clementsen, sum bjóða av. MEISTARI (3) 1984, 1985, 1992 STEYPAVINNARI (0) Ongantíð GREIPUVINNARI (0) Ongantíð Í BESTU DEILDINI (31 ÁR) 1981-2004, 2006, 2008-2012, 2014, 2016- Í EUROPA (4) 1993, 1996, 2001, 2002 TOFTA ÍTRÓTTARFELAG STOVNAÐ 21. DESEMBER 1962 FORMAÐUR Niclas Davidsen 10 V I T T I P P A HÓPURIN Venjari Páll H. Guðlaugsson 1 Ragnar Lindholm 12 Fríði Sigurðsson 2 Pedro Tarancon Anton 3 Niklas Poulsen 5 Ari Johannesen 11 Jóhan Dávur Højgaard 13 Albert R. Johannesen 6 Jann Ingi Petersen 7 Michal Przbylski 8 Kristian Anton Andreassen 9 André Olsen 17 Jóhannus Hansen 18 Otto R. Petersen 20 Leivur Højgaard 22 Ivan Joensen 77 Evrard Blé 10 Óli H. Olsen 15 Esmar Clementsen 16 Carlos Quintana Herrero 19 Martin Olsen 21 Búi í Hjøllum Frágongd: Andrias á Líknargøtu (givin), Debes Danielsen (NSÍ), Ovi Brim (givin), Emil Ronaldsson (Giza/Hoyvík), Bjarki Johannesen (Danmark), Petur M. Magnussen (Giza/Hoyvík), Oddur Árnason Højgaard (B1908) og Niklas F. Joensen (givin) Tilgongd: Pedro T. Anton (Spania), Carlos Q. Herrero (Spania), Michal Pryzbylski (NSÍ), Ivan Joensen (KÍ) og Fríði Sigurðsson (KÍ) Tølini siga, at setningurin hjá venjaranum Páll Guðlaugsson og toftamonnum verður at stríðast fyri at varðveita plássið í fremstu røð, sum B68 seinastu meiri enn tíggju árini hevur havt torført við at halda um