mánadagur 25. januar 2016síða 35

VINNUBLAÐIÐ HJÁ MIÐLAHÚSINUM 12 Januar 2016 1 Eyðfinn Reyðberg Átta milljónir krónur í avlopi í 2014 áðrenn skatt, var endaliga úrslitið hjá P/f SMS, sum millum annað rekur mat­vøruhandlarnar Miklagarð í SMS og Bónus handlarnar kring landið. Hetta ljóðar kanska ikki av so nógvum, tá umsetningurin er heilar 376 milljónir krónur, men hetta svar­ar til eitt avlop uppá tvey prosent ella at tvær krónur eru í avlopi hvørja ferð SMS selur fyri 100 krónur. Hetta er eisini betri enn undan­farnu árini tá avlopið hevur ligið undir tvey prosent av samlaðu søluni. Fimm ár við góðum úrslitum Raksturin hjá SMS hevur verið støð­ ugur seinastu árini. Úrslitið áðrenn skatt hevur øll tey seinastu fimm árini ligið omanfyri fimm milljónir krón­ur, fyri at koma uppá knappar átta milljónir krónur í 2014. Umsetningurin hevur ligið støð­ ug­ur um 335 milljónir krónur um árið øll árini, men í 2014 hækkaði um­ setn­ing­urin við 12 prosentum upp til 376 milljónir krónur. Ein stórur partur av orsøkini til vøkst­urin í umsetninginum í 2014 stav­ar frá, at SMS keypti Inn handilin á Norð­skála, og gjørdi hann til ein Bónus handil. Nýggi handilin hjá SMS telur fult við í umsetninginum fyri 2014. Stórur arbeiðsgevari SMS telist millum stóru føroysku ar­ beiðsgevararnar. Samlaða talið av starvs­fólki hjá SMS var 263 í 2014, og hesi fingu góðar 47 milljónir krón­ ur í samsýning. Hetta svarar til eina meðal mán­ aðarløn fyri hvørt starvsfólk uppá 15.000 krónur. Sølan fyri hvørt starvsfólk var 1,4 milljón krónur og lønarprosentið hjá SMS í 2014 var 12,6 prosent. 66 milljónir í rentuberandi skuld SMS hevur 66 milljónir krónur í rentu­berandi skuld. Hetta er fimm milljónir krónur meira enn eitt ár framm­an­undan, tá rentu­ber­ andi skuldin var 61 milljónir krón­ur. Tá hugt verður eftir rentu­ ber­andi skuldini í mun til inn­ tjen­ingina hjá SMS, er einki at óttast. Lutfallið mill­um EBITDA og rentuberandi skuld er bert 3,4, sum svarar til at um SMS fær fýra eins góð ár sum 2014, so er gjør­ligt at gjalda alla rentu­berandi skuld við hesi inn­tjening. Góðan eginpening SMS hevur eina eginogn uppá 50 milljónir krónur, og svarar hetta til ein soliditet uppá 30 prosent. Góðu úrslitini hjá SMS seinastu árini hava eisini givið møguleikar fyri at útgjalda vinningsbýti til eigarar­nar av felagnum, og hevur SMS til­sam­ ans útgoldið 50 milljónir krónur í vinnings­býti tey seinastu fimm árini. SMS eigur allan partapeningin í Miðlon og helmingin av parta­pen­ ing­inum í 3’arin og Dvøljan. Ogn og skuld hjá hesum feløgum er ikki tald við í greiningina av SMS. SMS HEVUR BESTU ÚRSLIT MILLUM STÓRU FØROYSKU MATVØRUSAMTØKINI. KAPPINGIN ER HØRÐ, OG LÍTIÐ LIGGUR EFTIR AV HVØRJARI KRÓNU Í UM­ SETNINGI. HETTA ER FYRITREYTIN, MEN SMS HEVUR MEGNAÐ AT BETRA UM ÚRSLITIÐ, OG VINNUR Á KAPPINGARNEYTUM TÁ RÆÐUR UM ÚRSLIT Matvørusamtak SMS hevur bestu úrslit S.M.S. P/f 2014 2013 Broyting Nettosøla 376.133 336.811 12% Framleiðslukostnaður 309.378 276.289 12% Bruttovinningur 66.755 60.522 10% Starvsfólkakostnaður 47.274 44.073 7% EBITDA 19.481 16.449 18% Avskrivingar 7.035 8.307 -15% Fíggjarpostar netto -4.612 -2.549 81% Úrslit áðrenn skatt 7.834 5.593 40% Skattur 1.439 821 75% Ársúrslit 6.395 4.772 34% Støðisogn 110.401 99.125 11% Ogn í umferð 54.812 55.006 0% Ogn tilsamans 165.213 154.131 7% Eginpeningur 49.843 49.109 1% Skuld 115.370 105.022 10% Skyldur tilsamans 165.213 154.131 7% Rentuberandi skuld 66.109 61.376 8% Rentuberandi skuld/EBITDA 3,4 3,7 -9% Starvsfólk 263 255 8 Umsetningurin hevur ligið støðugur um 335 milljónir NM Holding Sp/f, sum stjórin í SMS Niels Mortensen eigur, eigur helm­ ingin av partabrøvunum í P/f SMS. Tað hevur felagið gjørt síðan 2007, tá NM Holding keypti helmingin av partabrøvunum í P/f SMS. Øll tey fyrstu árini átti íslendingar hin helmingin av SMS. Upprunaliga var tað Baugur Group, men so skiftu partabrøvini eigara einar tvær ferðir undir íslendsku fíggjarkreppuni, fyri síðan at verða seld í 2011 til P/f N.J. Mortensen á Tvøroyri og GMT Holding Aps. í Danmark. P/f N.J. Mortensen hevur síðan verið eigari í SMS, við einum ognar­ parti upptil 17 prosent. Stjórin í N.J. Mortensen, Gudmund Mortensen hevur í hesum sambandi sitið í nevnd­ini í SMS síðan oktober 2011. Gullak Madsen, eigari av GMT Holding sat eisini í nevndini frá oktober 2011 til mars 2015 tá felag hansara valdi at selja síni partabrøv til P/f Enniberg. post@sosialurin.fo Niels og Mortan eiga SMS EFTIR AT P/F ENNIBERG KEYPTI EIN GÓÐAN TRIÐING AV PARTAPENINGINUM Í SMS Í 2015, ERU ALLIR EIGARARNIR AV SMS FØROYSK FELØG Niels Mortensen, stjórin í SMS