týsdagur 26. januar 2016síða 50

VIKA 4 • 25. JANUAR 2016 18 ÓKEYPIS LÝSINGARBLAÐ TEMA Hús & Heim Vilmund Jacobsen Í februar eru tvey ár liðin, síðan Bogi Skorá byrjaði at læra til bygnings- snikkara hjá Snikkarakjallaranum í Dali, sum Bødvar Hjartvarsson eigur og rekur. Bogi, sum er ættaður úr Kaldbak, hevur kamar til leigu í Dali og er vanliga bert norðan fyri Skopunarfjørð, tá hann hevur vikuskiftisfrí. – Áðrenn eg fór í læru, hevði eg tikið Tekniskt Yrkisnám innan timbur í eitt hálvt ár. Tá eg var liðugur við yrkisnámið, hugsaði eg um lærupláss. Onkur lærari á skúlanum hevði nevnt Snikkarakjallaran hjá Bødvari. Eg ringdi til Bødvar, sum beyð mær suður at hyggja at verkstaðnum og at tosa við seg. Einar tvær vikur seinni byrjaði eg her suðuri. Bogi Skorá sigur, at tað var ikki nakað krav at hava tikið Tekniskt Yrkisnám, áðrenn hann fór í læru, men hann hevði longu frammanundan skilt, at hetta kundi gerast ein fyri- munur. – Mær dámar væl at læra her í Dali, og tað besta er, tá nógv er at gera. Tá eri eg eisini fyri tað mesta á verkstaðnum, sigur fryntligi lærling- urin. Nú hevur kaldbaksdrongurin bara eitt ár eftir í Dali. Síðan skal hann niður til Hjørring í skúla í 10 vikur, og gongur alt væl fær hann tá prógv sum bygningssnikkari. Alt eftir bílegging Snikkarakjallarin hjá Bødvari Hjart- varssyni í Dali hevur øll árini lagt seg eftir at gera trappur, spísiborð, stólar, benkur, innhurðar, køkar og annars alt vanligt snikkaraarbeiði - eftir bílegging. Tað, sum hevur fylt nógv mest hjá fyritøkuni, eru trappurnar. Tað var eisini tann tíð, tá Snikkarakjallarin framleiddi einar 200-250 trappur um árið, men soleiðis, sum gongdin hevur verið seinnu árini, og fá sethús eru bygd, skal tað vera eitt rímiliga gott ár, áðrenn talið av trappum kemur upp á 50. Bødvar Hjartvarsson sigur, at ein onnur orsøk til minkandi eftir- spurningin er, at nógv verður innflutt. Snikkarakjallarin hevur tó altíð nakrar trappur í ordra gjøgnum eitt ár. Góð tænasta T á viðskiftafólk venda sær til Snikkarakjallaran og ynskja sær eina trappu, fer Bødvar Hjartvarsson altíð út og tekur mát, og tá trappan er liðug fer hann við henni og setir hana upp. Soleiðis er hann gjøgnum árini komin víða um landið. – Hava viðskiftafólk onnur ynski, eitt nú ein nýggjan køk, spísiborð, innhurðar, benkur ella annað, fer hann eisini út at hyggja eftir plássi, tekur mát og fer so út aftur, tá hann er liðugur at smíða. Snikkarakjallarin hevur eina góða tænasta, sum soleiðis eisini snýr seg um eygnakontakt við viðskiftafólkini. – Eg haldi, at viðskiftafólk seta prís upp á hesa tænastu, sigur Bødvar Hjartvarsson. Snikkarakjallarin ger at kalla alt vanligt snikkaraarbeiði, undantikið vindeygu og úthurðar, og einir tveir ella tríggir køkar verða eisini bílagdir og framleiddir at kalla á hvørjum ári. – Tað eru eisini tey, sum velja sær okkurt serstakt tilfar til trappu, køk, spísiborð, stólar og innhurðar, leggur dugnaligi snikkarin í Dali aftrat. Tey, sum kundu hugsað sær at spurt seg fyri hjá Bødvari, eru væl- komin at ringja til hansara á tlf. 218901 ella á tlf. 361901. Bødvar og Bogi gera snøggastu trappur í Dali – Mær dámar væl at læra her í Dali, og tað besta er, tá nógv er at gera. Tá eri eg eisini fyri tað mesta á verkstaðnum, sigur fryntligi lærlingurin hjá Snikkarakjallaranum í Dali, Bogi Skorá Bogi Skorá, lærlingur, og Bødvar Hjartvarsson, sum eigur og rekur Snikkarakjallaran í Dali Vit eru á Facebook • Mátini eru standard, men til ber eisini at gera onnur mát eftir ynski • Allar vørurnar eru gjørdar til føroyskt veðurlag og úr imp viði • Vit gera eisini vanligt timburarbeiði SH – Veita v/Sveinur Høgnason Postboks 187 – 110 Tórshavn hognason@live.dk tel 280880