mánadagur 8. februar 2016síða 42

VIKA 6 • 8. FEBRUAR 2016 18 ÓKEYPIS LÝSINGARBLAÐ TEMA Føroysk framleiðsla Vilmund Jacobsen F øroya Grótvirki leggur serliga dent á tríggjar ymiskar framleiðslur, gravsteinar, borðplátur og flísar av ymiskum slag. Eigararnir, sum eru brøðurnir, Høgni og Heini Tausen, hugsa fyrst og fremst um føroyska marknaðin, sum tann berandi. Málið hjá teimum er at lata vørur, sum eru av eini so høgari dygd, at vøran ikki kann samanberast við aðra vøru. – Vit vilja, at viðskiftafólkini skulu vera í fokus, og at tænastustøðið skal vera á einum høgum støði. Tað sigur Høgni Tausen. Hann vísir á, at umframt at gera gravsteinar, sum eru standard og gravsteinar eftir egnum ynski, borð­ plátur í fleiri ymiskum møgu­leik­um og steinflísar, eru nógvir aðrir hugsandi og óhugsandi møguleikar á virkinum. – Tað er bert hugflogið, sum setir mørkini, tá ræður um ymiskar skreyt- og prýðislutir, og eitt nú eru klokkur sum prýðislutur nógv eftirspurdar. Hesar kunnu gerast við graveraðari mynd av oyggj, bygningi, skipi ella kríatúri – ella, hvat fólk nú einaferð kunnu koma í tankar um til eina gávu. Dygdargott basalt Føroyska basaltið hevur júst tann rætta »konsistensin« til at hápolera og annars til at virka eitt nú grav­ steinar, borðplátur, flísar, húsa­klædn­ ingar, skreyt-og prýðislutir úr. – Basalt hevur tann eginleika fram um eitt nú granit, at tað er eitt sindur bleytari og harvið brotnar tað ikki eins og granit. Á Føroya Grótvirki hevur nógv verið at gera, síðan brøðurnir keyptu virkið í Skopun – ikki minst, nú stórarbeiði yvir eina longri tíð hevur verið í gongd við at levera grót til uppihaldstrappuna í Vágsbotni. Høgni Tausen vísir á, at hóast stórar uppgávur, eru viðskiftafólk altíð vælkomin við fyrispurningum og bílegginum – antin talan er um grav­ stein, borðplátu, flísar ella ymiskar skreyt- og prýðislitir. Bíligari enn aðrir Á Føroya Grótvirki hava teir nógv ymisk uppskot um gravsteinin, og við­skiftafólk eru altíð vælkomin við egnum ynskjum. – Eitt, sum vindur meira og meira upp á seg, er, at avvarðandi velja ein fyribils stein, sum oftast er ein rundur steinur við navni og øðrum á. Fólk kunnu nevniliga fáa ta áskrift á fyribils steinin, sum tey ynskja sær. Høgni Tausen sigur, at viðskiftafólk eisini kunnu koma við einum steini sjálvi, sum tey ynskja sær á grøvina. – Tá kunnu vit eisini tillaga steinin, um okkurt er, sum fólk vilja hava eitt sindur øðrvísi, og vit seta tekstin á gravsteinin. Føroya Grótvirki bjóðar sær eisini at umvæla gamlar gravsteinar. – Er tað soleiðis, at tey avvarðandi vilja hava eitt navn aftrat á sama stein, taka vit okkum eisini av hesum, sigur hann. Heimasíðan hjá Føroya Grótvirki er www.fgv.fo – og fyritøkan er eisini á Facebook við síðuni Føroya Grótvirki. Alskyns skreytlutir úr føroyskum gróti – Føroyska basaltið hevur júst tann rætta »konsistensin« til at hápolera og annars til at virka eitt nú gravsteinar, borðplátur, flísar, húsaklædningar, skreyt- og prýðislutir úr, sigur Høgni Tausen á Føroya Grótvirki í Skopun Brøðurnir, Høgni og Heini Tausen, sum eiga og reka Føroya Grótvirki í Skopun Mynd: Vilmund Jacobsen