mánadagur 21. mars 2016síða 21

21 Mánadagur 6. januar 2014 · Nr. 2 Sosialurin Mánadagur 21. mars 2016 · Nr. 34 Hugskot og viðmerkingar – send sms til 225000 STUTTSØGD TÍÐINDI FM Í RENNING OG TALVI Enn eitt hendingarríkt vikuskifti er farið um bak í ítróttarheiminum, har tað her heima hevur verið FM í 10km-renning og talvi, meðan tað í útheiminum mest hevur snúð seg um formil 1, sum nú er byrjað aftur Pætur Albinus FÓTBÓLTUR Viljormur Davidsen og teir í Vejle blanda seg nú av álvara upp í stríðið um uppflyting í Superliguna. Eftir 4-3-sigur ímóti AC Horsens, er Vejle nú einans tvey stig frá triðja upp­flytingar­pláss­in­um. Viljormur var ikki við vegna skaða. Fremad Amager við Heina Vatnsdal á vøllinum allan dystin megnaði tað, sum eingin hevur gjørt í triðbestu donsku deildini í ár, nevniliga at vinna ímóti Thisted á útivølli. Teir av Amager vunnu 3-2, og er felagið nú á næstfremsta plássi í uppflytingarspælinum til næstbestu deildina. Vendsyssel FF við Halli Hanssyni og Brandi Hendrikssyni í byrjunar­ upp­stillingini tapti um viku­skiftið triðja dystin út av trimum møgu­lig­um eftir vetrar­steðg­in. Iva­ sama gongdin merkir, at Vend­syssel FF nú einans er trý stig røttu megin upp­ flytingar­strikuna. FC Barcelona fekk bara eitt stig burturúr vitjanini hjá Villarreal í gjár. Dysturin endaði 2-2. Teir úr Barcelona kunnu tó fegnast um, at Atlético Madrid snávaðu á útivølli ímóti Sporting Gijon, sum vann 2-1. Harvið er FC Barcelona nú níggju stig frammanfyri Atlético. Venjarin hjá Atéltico Madrid, Diego Simeone, hevur uppgivið meistara­ heitið. – Eftir hetta tapið er tað ómøguligt at blíva meistari. Málið hjá felagnum er topp trý, og tað er tað, vit berjast fyri, segði hann við Marca eftir dystin. Real Madrid gagn­nýtti, at tey bæði fremstu snávaðu. Konga­felag­ið úr høvuðs­ staðnum vann nevniliga 4-0 á heima­vølli ímóti Sevilla. Karim Benzema, Cristiano Ronaldo, Gareth Bale og Jesé skutu málini. Real Madrid er framvegis á triðja plássi, nú bara eitt stig aftanfyri Atlético, tó 10 aftanfyri FC Barcelona. PSG, sum longu er vorðin franskur meistari, tapti í gjár fyri fyrstu ferð á heimavølli hetta kappingarárið. Tað var ímóti nærmasta eltaranum, Monaco, sum vann 2-0 við málum frá Vagner Love og Fabinho. Lyon hevur nú vunnið sær triðja plássið í fronsku Ligue 1 eftir 2-0-sigur ímóti Nantes. Málini skutu Gaetan Perrin og Alexandre Lacazette. Lyon er nú trý stig aftanfyri Monaco, sum tó hevur ein dyst tilgóðar. Juventus er framvegis odda­lið í italsku Seriu A eftir 4-1-sigur ímóti Torino. Málmanslegendan í felagn­ um, Gianluigi Buffon, setti met. Hann er nú tann, sum hevur hildið búrið reint í flestar minuttir í Seriu A. Metið er nú á einki minni enn 973 minuttir. Nicklas Bendtner er settur av liðnum í Wolfsburg, og nú eru veddingarfyritøkur klárar við oddsum upp á hvar hann fer at spæla í summar. Sambært teimum, so er størst møguleiki fyri, at hann endar í Premier League ella Championship. Fer hann ikki har, endar helst í Danmark ella í Kina. Mario Gomez er aftur í týska landsliðshitanum eftir at hann einans hevur spælt fýra dystir fyri Die Mannschaft síðani 2012. Hann er toppskjútti í turkisku deildini (Besiktas) við 19 málum, og tað hevur tryggjað honum eitt pláss í týska hópinum til venjingardystirnar ímóti Italia og Týskland. Fyrrverandi Arsenal- spælarin, Andrei Arshavin, hevur skrivað sáttmála við Kairat Almaty í Kasakstan. 34 ára gamli miðvallarspælarin hevur seinast spælt við Kuban Krasnodar, har hann tó einans spældi átta dystir upp á eitt ár. FORMIL 1 Ársins fyrsta formil 1-kapp­ ing varð koyrd í Melbourne um vikuskiftið. Vinnari gjørdist Nico Ros­berg (Mercedes) framman­fyri lið­felag­an Lewis Hamilton. Danski Kevin Magnus­sen, sum koyrir fyri Renault, megn­aði eitt 12. pláss hóast hann punkter­aði longu í fyrsta umfari. FR. ÍTRÓTTUR FM í 10km-renning hevur verið í Runavík um vikuskiftið. Hjá monnum vann Jan Elmar Sørensen við tíðini 33.57, sum var sama tíð sum danin Lars Budolfsen, ið Treysti hevði fingið heim at hjálpa Jan Almar til oyggjaleikakravtíðina. Julian Gregersen bleiv nummar tvey og Andrias Hansen nummar trý. Marna Egholm vann hjá kvinnum við tíðini 35.32. Hetta var einans 20 sekund verri enn tíðin, sum hon setti til DM herfyri. Nummar tvey var Rebekka Fuglø við 39.29. Rigmor N. Arge var ikki við hesaferð vegna sjúku. TENNIS Heimsins besti tennisspæl­ ari hjá monnum, Novak Djoko­vic úr Serbia, vann í gjár ársins fyrstu Masters 1000-kapping. Hetta var í Indian Wells, USA, har hann í final­uni vann 6-2, 6-0 ímóti Milos Raonic úr Kanada. Í kvinnukappingini eydnað­ist tað ikki heima­ vallar­favorittinum, Serenu Williams, at vinna kapping­ ina. Amerikanska tennis­ drotningini, sum er nummar eitt á heims­styrkis­listanum, tapti finaluna 6-4, 6-4 ímóti Victoria Azarenka úr Hvítarusslandi. TALV FM fyri einstaklingar verður telvað í hesum døgum á Giljanesi, og kappingin heldur fram til páskaaftan. Eftir tvey umfør hava úrslitini lagað seg soleiðis, at tveir telvarar framvegis hava fult stigatal. Teir eru Hans Kristian Simonsen og Torkil Nielsen. DART Remy G. Hansen vann tíggjunda og seinasta FM umfarið, sum var í hølunum hjá Havnar Dartfelag um vikuskiftið. Hann hevur eftir skaða í rygginum av álvara vunnið seg fram seianstu umførini. Hann hevur vunnið seinnu FM umførini, og er nú favorittur at vinna endliga FM umfarið, sum verður á í Skopun 9. apríl. Remy G. Hansen vann eisini tví­mans­leik­in saman við Peturi Thomsen, sum somuleiðis bleiv nummar tvey í ein­stak­linga­kapp­ing­ ini.