mánadagur 21. mars 2016síða 70

VIKA 12 • 21. MARS 2016 38 ÓKEYPIS LÝSINGARBLAÐ TEMA Páskir Bøkur, sjónvarp og tónleikur á páskum Páskirnar geva okkum eitt gott og langt vikuskiftið við hugaligum og hugnaligum frídøgum. Summi njóta løtur frammanfyri sjónvarpi, við einari bók ella við góðum tónleiki. Her eru nøkur boð upp á sjónvarpsrøðir, bøkur og tónleik, tú kanst njóta á páskum House of Cards Amerikanska sjónvarpsrøðin snýr seg um politikaran Frank Underwood og konu hansara Clair. Frank er púra eirinda­leysur í stríðnum at vinna og vinna fram sum politikari, og røð­in er bæði spennandi og turv­elvandi. Hevur tú brúk fyrri góðum sjónvarps­undir­ haldi á páskum, fæst tað næstan ikki betur enn House of Cards, og á Netflix avger tú sjálvur, nær tú hyggur eftir hvørjum parti. Stríðið um tunga vatnið Undir seinna heimsbardaga arbeiddu týskarar við at gera kjarnorkuvápn, og ein partur av tí ætlanin var at gera tungt vatn í Noregi. Sjónvarpsrøðin Kampen om Tungvannet snýr seg um, hvussu norðmenn royndu at forða fyri, at týskarar fingu gagn av tunga vatn­inum úr Noregi. Sjónvarpsrøðin er í seks pørtum og hevur verið sýnd í sjónvarpi í Noregi, Danmark og Onglandi, har hon hevur fingið góð um­mæli. Nú liggur røðin í fullum líki á Netflix. Broadchurch Ein 11 ára gamal drongur blívur burtur í býnum Broadchurch, og meðan málið verður kannað, koma alt fleiri loyni­ dómar í býnum undan kavi, og fløkta málið gongur móti einari óvæntaðari uppkláring. Broadchurch er ein framúr spennandi sjónvarpsrøð, sum veruliga megnar at fáa teg at ivast og gita og vilja vita, hvussu alt hongur saman. SJÓNVARP BØKUR TÓNLEIKUR Lena við nýggjum Føroyska songkvinnan Lena Anderssen er aktuell við nýggjari út­gávu, sum hon hevur givið navnið Eagle in the Sky. Lena leitar aftur til barna­árini í Kanada, sum vórðu merkt av einum pápa, ið var bundin av rús­ drekka, og har mamman arbeiddi náttarvaktir fyri at fáa gerandisdagin at hanga nøkunlunda saman. Lena Anderssen hevur ongantíð verið bang­ in fyri at syngja um trupul evni. Hon er ein reiðilig song kvinna, ið vekir okk­ ara hugflog og kenslur, tá hon skrivar sangir. Ronan Keating reflekterar Írski sangskrivarin og sangarin Ronan Keating hevur gjørt nýggja út­gávu, sum er hansara tíggjunda studio­ út­gáva. Ronan Keating, sum vitjaði í Føroyum fyri nøkrum árum síðani, hevur skrivað fleiri av sangunum á út­gávuni, hann kallar Time of my Life. Tón­leikurin hevur eitt akustiskt ljóð, sangirnir eru optimistiskir, men reflekter­andi. Kærleikin er sum ofta í mið­deplinum, og Ronan Keating vísir seg enn einaferð sum ein góðan sang­ ara, sum dugir væl at tulka sangir. Rockopera Útgávan The Astonishing er ein kon­ sept­útgáva hjá amerikanska rockbólk­ inum Dream Theater. Søgugongdin í tónleikinum hevur fingið íblástur frá eitt nú Game of Thrones og Star Wars. Dream Theater er kent fyri at spæla harðan og tekniskt avbjóðandi rock­tónleik, og vilt tú hava einar páskir, sum lamar eitt sindur, kanst tú lurta eftir hesari nýggju amerikansku rockoperuni. Beckomberga Myndin hjá Jackie av pápanum støkkur sundur, tess eldri hon verður, og tess meira niðurundirkomin hann verður. Hann er sinnisliga ikki í javnvág, og fleiri long skifti er hann innlagdur á sinnis­sjúkrahúsinum Beckomberga. Vit fáa barndómin, sterka kærleikan, ta skeivu tilveruna og jagstranina eftir eydnu og lívi. Hetta er ein vøkur og hug­takandi skaldsøga, sum setir menn­iskjuna undir sjóneykuna. Jákup í Skemmuni týddi skaldsøguna Beckomberga hjá Sara Stridberg til føroyskt. Hundrað ára einsemi Páskavikan er kanska júst rætta høvið at lesa ein av stóru altjóða skald­søg­ unum á føroyskum máli. Hundrað ára einsemi er søgan um Buendía-ættina og um tann íspunna býin Macondo, ið verður grundaður og fer til grundar saman við ættini. Søgan er um kríggj og kærleika, um longsul og ein­semi. Hon er á tremur við ræðandi veru­ leika og vónleysum hugflogi, alla tíð­ina á markinum millum søgu og søgn.  Hundrað ára einsemi, sum Gabriel García Márquez skrivaði, er ein av teim­um  stóru skaldsøgunum í heims­bók­mentunum.  Marianna Hoydal týddi stórverkið til føroyskt. Býurin brennir City on Fire er nýggja stóra ameri­ kanska skaldsøgan. Hetta er fyrsta skald­søgan hjá Garth Risk Hallberg, og hon hevur verið nógv umtalað, tí bóka­forløgini kappaðust um handritið hjá tí ókenda rithøvundanum, og hann fekk metstórt gjald fyri bókina, áðrenn hon kom út. Bókin, sum er drúgv, gongur fyri seg rundan um eitt stórt elektriskt blackout í New York 31. Desember í 1976. Inn í hesa hending verða eitt nú ungfólkini Charlie og Samantha, sum koma úr einum punk­ umhvørvi, førd. Skaldsøgan snýr seg um kærleika, svik og fyrigeving.