hósdagur 31. mars 2016síða 6

FRÍGGJADAGUR 1. APRÍL 2016 SOSIALURIN 37 6 PERSÓNSSØGA BARBARA HOLM U ttan fyri mið­náms­ skúlan á Kambsdali verð­ur dúgliga bygt, stríðst og stáplað. Ar­ beiðs­menninir í gulu draktunum gera við í øllum endum og kantum. Uttan fyri høvuðsinngongdina standa eini fimm, seks unglingar. Tey hava nýtt høvið at fáa sær ein royk og eitt gott prát í regninum hendan hósmorgun 31. mars. Inni sita næmingar í ymsum skotum við hvør sínari teldu. Røddin á fíggjarmálaráðharranum hoyr­ist úr floksrúmunum, nú fíggjar­karmarnir fyri 2017 verða lagdir fram á tíðindafundi. At síggja til er hetta ein púra vanligur dagur í skúlanum á Kambsdali. Men aftanfyri hurðina, sum er merkt 102, er støðan alt annað enn vanlig. Inni har sita næmingarnir í flokkinum B13a. Tey hava føroyskt, og lærarin Sólfinn Hansen er komin aftur. Síðani tey byrjaðu sína skúla­ gongd á Kambsdali, hava tey tvær ferðir um vikuna havt Sólfinn Hansen í føroyskum, men hesin undir­vís­ingartímin er eitt sindur øðr­vísi. Hetta er fyrsti dagurin í skúl­ anum, síðani lektarin í føroyskum var raktur av yvirgangi á metro- støð í Brússel. Reyða sárið á pannuni er so at siga horvið. Heilsan er eftir øllum at døma góð. Men framvegis er sálarligu sárini ikki heilt lekt. Og tó. Sólfinn Hansen er við gott mót. – Hetta er í veruleikanum fan­ tast­iskt. At fáa gerandisdagin upp at koyra aftur, og at royna at koma víðari frá tí sum hendi, sigur Sólfinn Hansen. Tað fyrsta, hann skuldi gera, var, at fáa skil á mat- og svøvnvanar aftur. Næsta stigið er at fáa ger­ andis­dagin aftur á rætt kjøl. Um enn tað til tíðir tykist løgið. Óveruligi veruleikin Tað orðið, sum best lýsir tað, sum Sólfinn situr eftir við, er »óveru­ ligt«. Vit vita, at yvirgangur er veru­lig hóttan, sum lond kring okk­um mugu fyrihalda seg til so at siga hvønn dag. Vit hoyra javn­ an um yvirgangsatsóknir, sum danska fregnartænastan PET hevur steðgað í evstu løtu. Tá eg hoyrdi um tað, fór eg á Facebook fyri at hyggja, um Sólfinn hevði skrivað okkurt, ella um man kanska kundi finna útav, hvussu hann hevði tað« Kjartan Johansen, næm. Næmingar hjá Sólfinni Hansen Framhald á næstu síðu – Fyrst trúðu vit ikki, at tað var okkara lærari, sum varð raktur av yvirganginum. Vit vita, at heimurin er ótryggur, men tað er nakað heilt annað, tá tað er ein man kennur, sum verður raktur, siga Jógvan Simonsen og Kjartan Johansen, næmingar hjá Sólfinni Hansen. Vikuskiftis Sosialurin var við, tá ið Sólfinn hevði sín fyrsta arbeiðsdag á miðnámsskúlanum á Kambsdali, eftir at hann fekk skaða í yvirgangsatsókn í Brússel TERROR ÁVIRKAR OKKUM ØLL