mánadagur 4. apríl 2016síða 36

VIKA 14 • 4. APRÍL 2016 4 MIÐLAHÚSIÐ ÓKEYPIS LÝSINGARBLAÐ Beatles í SMS og í Sjónleikarahúsinum T eir gjørdust kendir kring allan heimin, og neyvan nakrantíð áður og heldur ikki síðani hevur nakar tónleikabólkur verður so nógv fagnaður, sum The Beatles vóru í sekstiárunum. Tá ið teir vóru á ferð kring knøttin, blivu teir at kalla á hvørj­ um einasta flogvølli, har teir lendu, møttir av fleiri túsundtals fjepparum, sum stóðu og skríggjaðu og grótu eftir hetjum sínum úr Liverpool. Nógvir fjepparar í Føroyum Eisini í Føroyum vóru og eru framvegis nógvir Beatles-fjepparar, og hetta eru fólk í øllum aldri – eisini fólk, sum ikki vóru fødd, tá ið Beatles-fepurin var í hæddini. Í SMS hava tey tikið stig til eitt stórt Beatles-tiltak alla hesa vikuna. Her verður talan um eina sanna Beatles- viku í SMS við forvitnisligum tiltøkum og konsertum allar gerandisdagarnar. Fleiri Beatles-serfrøðingar fara at greiða frá ymiskum Beatles-útgávum og tónleikarar fara at spæla tónleik av ymsu útgávunum. Hvør dagur hevur fingið navn eftir einum av kendastu sangunum hjá The Beatles. Mánadagurin, altso í dag, eitur tildømis Hey Jude, og í dag fer danski Beatles-serfrøðingurin, Per Wium, at fortelja eitt sindur um legen­dariska enska bólkin. Per Wium er helst tann persónur í danska konga­ríkinum, sum hevur størst kunn­ leika til søguna hjá The Beatles. Skráin sæst fyri alla vikuna sæst annars á næstu síðu. Leygarkvøldið verður serstakt Tiltakið í SMS endar seinnapartin leygar­dagin, men tað merkir tó ikki at serstaka Beatles-vikan endar seinna­ partin leygardagin, tí leygar­kvøldið verður skipað fyri eini heilt serl­igari Beatles-fagnaðarkonsert í Sjón­leik­ ara­húsinum. Í sekstiárunum, tá ið The Beatles var í hæddini, var stóra dansistaðið í Havn uttan iva Sjónleikarahúsið. Fleiri kvøld um vikuna var fullsettur dansisalur í Sjónleikarahúsinum, og allir teir bestu dansibólkarnir í Før­ oyum um hetta mundi spældu til dans. Millum teir kendastu av hesum vóru ivaleyst Faroe Boys og Goggan, men eisini aðrir kendir bólkar vóru javnan á palli í Sjónleikarahúsinum. Ein annar bólkur, sum eisini spældi í Sjónleikarahúsinum var bólkurin Thunderbirds úr Vestmanna, sum tá var mannaður við heilt ungum dreingj­ um. Thunderbirds verður eisini við á konsertini leygarkvøldið. Nakað serligt at spæla í Sjónleikarahúsinum Ein av upprunaligu limunum í Thund­ er­birds er Øssur Christiansen. Hann var við Thunderbirds frá byrjan, og hann verður sjálvsagt eisini við á kon- sertini leygarkvøldið. – Hetta verður øgiliga stuttligt. Vit spældu til dans í Sjónleikarahúsinum, tá ið Faroe Boys góvust. Tá vóru tað líkasum vit og Cream Crackers, ið tóku yvir, greiðir Øssur Christiansen frá. Hann sigur, at teir spældu ikki so leingi í Sjónleikarahúsinum í seksti­ árunum, tí teir gjørdust meiri ella minni fastur bólkur í Losjuni. – Men vit hava eisini spælt nógv aðrastaðnis. Eitt nú spældu vit til fyrsta dansin, sum var í Havnar Klubba, eftir at hann var umbygdur, greiðir Øssur Christiansen frá. Tó heldur Øssur Christiansen, at tað var nakað heilt serligt at spæla í Sjónleikarahúsinum. – Tað var eitt serligt umhvørvi at spæla í Sjónleikarahúsinum. Sum oftast bleivst tú kroystur í ein krók við ljóð­førunum hjá tær, men í Sjón­ leik­ara­húsinum stóðst tú uppi á hesum stóra pallinum og sá oman yvir fjøldina, so tað var nakað heilt serligt, sigur hann. Upprunaliga manningin spælir leygarkvøldið Spurdur um tað er sama manning í Thunderbirds, sum spældi í seksti­ árunum, sum fer at spæla leygar­ kvøld­ið, sigur Øssur Christiansen, at tað er tað. – Tað eru vit fýra Tróndur Streym­ oy, Jóan Magnus Olsen, Jógvan Páll Johannesen og eg sjálvur, sum upp­ runaliga vóru við í bólkinum, og sum fara at spæla leygarkvøldið. Men so fáa vit eisini tveir aðrar mans við afturat. Tað eru Gunnar Streymoy og Gulakur Zachariassen, sigur Øssur Christiansen. Hann greiðir frá, at tá ið teir blivu bidnir um at spæla til Beatles- konsertina í Sjónleikarahúsinum, vóru teir ikki í iva um, at teir skuldu taka av. – Einaferð poppari – altíð poppari, plagar man at siga. Tað fer ordiliga at kitla í búkinum, tá man fær ein slíkan fyrispurning, og vit plagdur altíð at spæla nógv løg hjá The Beatles, sigur hann. Øssur Christiansen sigur, at teir í Thunderbirds eru farnir í holt við venjingina fram móti stóra dansi­til­ takinum, og teir eru ótrúliga spentir uppá at fara á pallin í Sjónleikara­hús­ inum aftur. Ivaleyst best kendi tónleikabólkurin nakrantíð, The Beatles, verður nú settir á breddan í Havn alla hesa vikuna. Allar gerandisdagarnar verða The Beatles tiltøk á Torginum í SMS, og leygarkvøldið verður skipað fyri stórslignari Beatles- fagnaðarkonsert í Sjónleikarahúsinum Serfrøði í innrætting og goymslu Vit hjálpa tær við røttu loysnini EXPERT S k j ó t i h u r ð a r o g i n n r æ t t i n g G ó ð k e n t E l f a - u m b o ð The Beatles eru ivaleyst størsti tónleikabólkur í heiminum nakrantíð Thunderbirds á palli í Sjónleikarahúsinum í sekstiárunum. Leygarkvøldið fara teir aftur á pall í Sjónleikarahúsinum