mánadagur 4. apríl 2016síða 46

VIKA 14 • 4. APRÍL 2016 14 ÓKEYPIS LÝSINGARBLAÐ TEMA Sandoy Vilmund Jacobsen Í Húsavíkar kommunu eru bygdirnar, Húsavík, Dalur, Djúpidalur og Skarva­nes. Hin 1. februar í ár var samlaða fólka­talið í kommununi 116, sum er trý færri enn somu tíð árið fyri. Hetta svarar til eina minking á 2,5 prosent eftir einum ári. Borgarstjóri í Húsavíkar kommunu er Jákup Martin Sørensen, ið dagliga arbeiðir sum timburmeistari, har hann altíð hevur nóg mikið at takast við. Søga og sagnir Bygdirnar í kommununi eru gamlar, og hin elsta er helst Húsavík, sum í miðøldini varð hart rakt av Sóttini Svørtu, sum herjaði í Føroyum. Dalur, sum er syðsta bygdin í Sand­oynni og sum seint í tíðini fekk vega­samband, er eisini gomul bygd. Í báðum hesum bygdum liva nógvar søgur og sagnir. Ungmannafelagið Sólarris í Húsa­ vík varð stovnað í 1943 og eigur felags­hús, og fyrst í sjeytiárunum varð dansi­felag stovnað í Dali. Stígum Fast, sum dansifelagið eitur, eigur eisini felags­húsið, ið kallast Eiriksgarður. Bæði Sólarris og Eiriksgarður kunnu leigast út til bólkar. Kirkjan í Húsavík er vígd í 1863, og kirkjan í Dali er vígd í 1957. Í bygdunum í Húsavíkar kommunu eru søgulig støð at vitja, sum Kunn­ ing­arstovan í Sandoynni – visitsandoy. fo – veit um at siga. Djóradagur í Húsavík Seinastu árini hevur verið skipað fyri einum árligum djóradegi í Húsavík, sum í ár verður hildin leygardagin 14. mai – ella leygardagin fyri hvítusunnu. Hetta er ein sera hugnaligur dagur í Húsavík, har høvi er hjá familjum við børnum at síggja mong ymisk djór og flogfena eins og livandi fiskar, krabbar og skeljar í kørum, sum verða sett upp. Alt gongur fyri seg kring ung­ manna­húsið og á gamla vøllinum. Alt eftir, hvussu veðrið lagar seg henda dagin, liggur eisini stóri sandurin opin sum eitt stórt spælipláss. Djóradagin verður vøllurin fullur av djórum, flogfenaði og kørum við fiskum, krabbum og skeljum. Her verður eisini ponyríðing, og høvi verður soleiðis hjá familjum at ganga og hugna sær allan seinna­ partin. Hetta er eitt forvitnisligt tiltak, sum ikki kostar tað stóra hjá teimum vitjandi, og høvi verður eisini at keypa sær okkurt etandi av grillini, sum verður tendrað. Tað eru djór og flogfenaður úr nærumhvørvinum, sum verður við á djóradegum, men farið verður eisini norður um Skopunarfjørð eftir onkrum forvitnisligum. Í fjør var eitt nú kendi tarvskálvurin – Freddy úr Kirkjubø – við á djóra­ degnum í Húsavík, og okkurt árið hev­ ur onkur lama verið við. Sandoyarstevna í Húsavík Men, tað verður ikki bara djóradagur í Húsavík í ár. Her verður eisini sandoyarstevna, sum ferðast millum bygdirnar í oynni fjórða hvørt ár. Í ár verður tað so Húsavík, ið verður vertur fyri stevnuni, sum verður hildin í døgunum, 1.-3. juli. Her verða tónleikatiltøk, møtir, hugnakvøld og dansur, eins og nógvur góður matur verður til keyps. Úr Húsavík verður sagt, at á sand­ oyar­stevnuni verða bæði verðslig og andalig tiltøk, og her verður av sonnum nakað til øll, bæði børn og vaksin, sum meira verður at frætta um seinni. Húsavík verður karmur um djóradag og stevnu Tað er hugni, tá tiltøk og stevnur verða fyriskipað í smáu bygdunum í Føroyum, og soleiðis verður eisini í Húsavík, sum bjóðar til tvey lutfalsliga stór tiltøk í summar Í ár verður Húsavík karmur um bæði djóradag og sandoyarstevnu, sum skiftir millum bygdirnar í Sandoynni Bygdahúsið Sólarris er miðdepilin, tá skipað verður fyri tiltøkum í Húsavík Á djóradegnum verður eisini ponyríðing, eins og her verða bæði djór, flogfenaður, fiskar, krabbar og skeljar at síggja