mánadagur 4. apríl 2016síða 50

VIKA 14 • 4. APRÍL 2016 18 ÓKEYPIS LÝSINGARBLAÐ TEMA Sandoy Vilmund Jacobsen B yggifyritøkan Sp/f Fritleif Kjær­bæk arbeiðir primert við sethúsabygging, umbyggingum, reno­veringum og dagføringum, og í løtuni er fyritøkan í holt við at byggja eini nýggj sethús á nýggju útstykk- ingini í Skopun. – Hetta er ikki fyrstu ferð, at vit byggja hús í Sandoynni. Vit hava bygt nøkur hús her, og vit hava arbeitt nógv í Sandoynni seinastu sjey árini. Tað sigur Fritleif Kjærbæk, sum eigur og rekur byggifyritøkuna. Hann vísir á, at fyritøkan hevur tríggjar mans í starvi, og tá fólk vilja hava eitt hvørt timburarbeiði gjørt, er svarið altíð ja. – Eg sigi altíð ja, men so mugu fólk eisini góðtaka, at ein dagur verður settur á longur frammi – ein dagur, sum eisini heldur, sigur eigarin av byggi­fyritøkuni. Royndur í leikum Fritleif Kjærbæk hevði árini 1991- 2005 eina byggifyritøku í Noregi við 14 monnum í starvi, og nú eru umleið 10 ár síðan, at føroyska fyritøkan hjá honum varð stovnað. Sigast má tí, at Sp/f Fritleif Kjær­ bæk hevur drúgvar royndir aftan fyri seg innan byggivirksemi. – Vit gera nógvar húsaumvælingar, skifta tøk, klædningar, vindeygu og hurðar, og vit gera nógv renoverings­ arbeiði, sigur Fritleif Kjærbæk. Tey, sum kundu hugsað sær at spurt seg fyri hjá byggifyritøkuni, kunnu ringja á tlf. 284010 - ella senda teldupost á til fritleif@hotmail. com Sp/f Fritleif Kjærbæk byggir sethús í Skopun Fyritøkan hevur drúgvar royndir innan byggivinnuna, bæði í Føroyum og uttanlands Hygg inn á gólvið í Ellubitanum - Her er pláss at seta seg niður, og eg eigi altíð kaffi í kannuni, sigur fryntliga handilskvinnan, Anja Sandoy Fritleif Kjærbæk hevur drúgvar royndir innan byggivinnuna, bæði í Føroyum og uttanlands Mynd: Vilmund Jacobsen Hetta eru húsini, sum byggifyritøkan, Sp/f Fritleif Kjærbæk, byggir í Skopun Mynd: Birgir W. Høgnesen Vilmund Jacobsen H andilin Ellubitin á Sandi, sum húsast á adressuni Mørkin Mikla 5, hevur eitt breitt úrval av før­oyskum og útlendskum tógvi og ymiskum tilhoyri til binding. Tað er Anja Sandoy, ið eigur og rekur handilin, sum eisini selur barna_ klæði, ymisk heimavirkaði pløgg og føroyskar bøkur. Handilskvinnan sigur, at tá summ­ arið fer at nærkast, fer hon eisini at selja ís og kaffi. – Um summarið kemur fitt av ferðafólki á gátt, og er okkurt serligt í Sandoynni, detta eisini fólk inn á gólv­ ið aðrar tíðir av árinum. Anja Sandoy vísir á, at tað er eitt hanagleiv frá eitt nú matvøru­handl­ inum Eldhúsi og handlinum Hjá Ró­ lanti og oman í Ellubitan. – Her er pláss at seta seg niður, og eg eigi altíð kaffi í kannuni. Mær dámar væl at skifta orð við við­skifta­ fólk, sum altíð eru vælkomin á gátt, sigur fryntliga handilskvinnan. Nógv verður øðrvísi Eins og onnur í Sandoynni er Anja Sandoy eisini spent eftir, at Sand­oyar­ tunnilin kemur. – Tá verða broytingar í bygdini og í Sandoynni sum heild, og tá er vænt­ andi, at eisini Ellubitin fer at broytast, sigur hon brosandi. Nú Smyril Line hevur nógv virksemi í Skálavík, hevur handilskvinnan eisini merkt, at talið av viðskiftafólki er vaksið. – Bæði tey lokalu, sum eru ófør at hyggja inn á gólvið og ferðafólk, sum leita sær í Sandoynna, eru hjartaliga vælkomin á gátt, sigur hon. Forvitnisligi handilin á Mørkini Miklu 5 er eisini at finna á Facebook undir navninum – Ellubitin – og her verða javnan myndir av nýggjum vør­ um og pløggum lagdar út, eins og kunnað verður um tilboðsvørur og annað. Vanligar yrkadagar er Ellubitin opin seinnapartar, og leygardag er opið fyrrapart. ­ Í Ellubitanum á Sandi fært tú føroyskt og útlendskt tógv, alt tilhoyri til binding, og her fært tú eisini barnaklæði og føroyskar bøkur – Mær dámar væl at skifta orð við viðskiftafólk, sum altíð eru vælkomin á gátt, sigur Anja Sandoy Mynd: Vilmund Jacobsen