mánadagur 4. apríl 2016síða 54

VIKA 14 • 4. APRÍL 2016 22 ÓKEYPIS LÝSINGARBLAÐ TEMA Várið Tað er týdningar­ mikið at byrja rætt – Tað er ein vaksandi áhugi fyri burðardyggari matvøru í Føroyum og vit síggja, at alsamt fleiri privatpersónar royna seg við høsnarhaldi ella at fáa ymiskt grønmeti at vaksa, sigur Kim C. Petersen, marknaðarleiðari hjá Mjólkarvirki Búnaðarmanna Best umtóktu sløgini eru enn sum áður Folvo og Oleva, men vistfrøðiliga slagið Raja hevur eisini nógvar fjepparar, sigur hann. – Tað tykist, sum fólk altíð venda aftur til tað, sum tey kenna og hava góðar royndir við. Hóast tey okkurt árið royna okkurt nýtt slag, so koma nógv til ta niðurstøðu, at Folva og Oleva tæntu teimum væl, sigur hann. – Vit selja eisini nógv av Raja, og ikki bara tí, at tað er vistfrøðiligt. Raja vísir seg at vera sera mótstøðuført móti svartaspillu, og tí eru tað nógv, sum spyrja eftir tí, sigur Ólavur Weihe. Eisini hjá Jógvan Weihe hava tey merkt ein øktan eftirspurning eftir vistfrøðiligum tilboðum, men Ólavur Weihe er eitt sindur í iva um, júst hvussu nógv ein skal leggja fyri í royndunum at fáa vistfrøðilig epli. – Øll seteplini eru viðgjørd móti soppi, fyri at tey ikki skulu spillast. Men um tú setur slík epli niður, og so einans nýtir vistfrøðilig tøð og annað, so ert tú jú rættiliga nær eini vistfrøðiligari vøru, tá tú tekur eplini upp aftur, sigur hann. Jógvan Weihe selur eisini onnur sløg av eplum og Ólavur Weihe nevnir mllum annað aspargeseplini, sum eru minni enn vanlig epli, og Blue Kongo, sum er eitt blátt ella korkalitt epli, sum verður heilt blátt, tá tað verður kókað. – Í ár hava vit tikið eitt nýtt slag inn, sum vit hava góðar vónir til. Cimega eitur tað og er tað slagið, sum royndist best í royndunum hjá Búnaðarstovuni í fjør. Cimega sigst vera arvtakarin eftir Mette, sum hevur verið væl umtókt, men sum ikki er at fáa longur, sigur hann. Tað er tó stórur munur á fólki eisini og Ólavur Weihe sigur, at hann hevur bæði kundar, sum ganga høgt upp í tað, sum skriva niður og føra logg og kanna gjølla, hvør úrtøkan er, meðan onnur ikki minnast, hvat tey brúktu seinast og ikki leggja stórvegis í, hvat tey fáa, so leingi tað riggar. Hvat er so tað týdningarmesta hjá fólki, sum seta epli niður? – Tey allar flestu, sum keypa frá okkum, eru mest upptikin av smakkinum. Tey eru sera fá, sum hugsa um tað fíggjarliga, tey flestu hava bara hug at hava síni egnu epli, tað er eitt sindur av sporti í tí. Fólk vera bitin av tí, tá tey síggja, at tað riggar. Tó so, tað er eingin ivi í míni verð um, at tað loysir seg fíggjarliga at hava eina eplaveltu. Tey eru kortini fá, ið einans hugsa um úrtøkuna, tá tey skulu velja sær setepli, sigur Ólavur Weihe. Mest upptikin av smakkinum Hjá Jógvan Weihe selja tey setepl til eplaveltuna. Ólavur Weihe, stjóri, sigur, at tað eru gomlu kenningarnir sum selja best, men kortini eru fólk ikki bangin fyri at royna nakað nýtt Torført er at koma uttan um MBM, um ein skal fáast við nakað slag av landbrúki í Føroyum, og MBM ynskir tí eisini at veita fólkið neygðuga kunning og vitan, umframt at geva teimum tilfar og amboð til verkið. Í april og mai fer MBM tí at skipa fyri ókeypis fyrilestrum, fyri at kunna fólk um, hvussu ein skal fara fram, fyri at fáa besta úrslitið. Fyrsti fyrilesturin verður um eplaveltur, tann næsti um grasplenur og tann triði um at sláa við líggja. Fyrilesturin um eplaveltur verður mikudagin 5. apríl, tá Peder Haahr kemur at greiða frá. Peder Haahr hevur holla vitan um eplavelting og er væl umtóktur her í Føroyum. – Í fjør vóru 70 fólk á einum fyrilestri, sum vit skipaðu fyri við Peder Haahr, og síðani hava nógv fólk ringt og biðið okkum skipa fyri onkrum afturat. Tað gera vit so nú, sigur Kim C. Petersen. Fyrilesturin verður skipaður sum okkurt líknandi einum hugnakvøldi, har tað verður kaffi og høvi at práta við Peder Haahr um eplaveltuna. Kim C. Petersen sigur, at tað í stóran mun eru privatfólk, sum luttaka á slíkum fundum, og hann hevur bitið merki í, at áhugin fyri vistfrøðiligum loysnum er vaksandi í Føroyum.’ – Tað eru fleiri, sum ynskja vistfrøðilig tøð og fóður og nátúrligan ókrútstýnara, og vit hava eisini vistfrøðilig setepli, tó at tey eru torfør at fáa hendur á, sigur hann og væntar, at hetta eisini verður umrøtt á fyrilestrinum hjá Peder Haahr. - Tað er so týdningarmikið at byrja rætt. Byrjar tú skeivt, er øgiliga skjótt at missa mótið. Í fjør var veðrið eisini sera keðiligt, so vit vóna, at tey, ið royndu seg fyri fyrstu ferð tá, ikki hava mist mótið. Tað vænti eg tó ikki, tí seinastu dagarnar, nú sólin hevur skinið, eru fólk beinanvegin komin at leita sær ráð, sigur Kim C. Petersen. Seinni í apríl fer Heini Joensen úr Vøxtri at greiða frá um hvussu tú fært eina vakra grasplenu og ger tín egna kompostdunga. Í mai verður ein fyrilestur um at sláa við líggja. – Tað er fleiri og fleiri, sum ynskja at fara aftur til tað gamla. Nógv halda, at nýmótans sláimaskinur, kantklipparar og elektriskir líggjar larma og dálka ov illa, og tey hava tí hug at fara aftur til manuellu arbeiðskraftina, sigur Kim C. Petersen.