mánadagur 29. februar 2016síða 53

VIKA 9 • 29. FEBRUAR 2016 5 MIÐLAHÚSIÐ ÓKEYPIS LÝSINGARBLAÐ Danjal av Rana P itsurnar hjá Hvonn og Tummas Jakobsen hava verið óloysiliga knýttar saman seinastu 18 árini. Søgan byrjar í tí, sum tá æt Pizzakjallarin, í kjallarinum á Sjómansheiminum. – Tað vóru onnur støð, sum gjørdu pitsur í Føroyum tá. Eg var júst liðugur á kokkaskúla í Danmark, tá eg sá, at Sjómansheimið søkti eftir einum pitsukokki. Sjómansheimið hevði selt pitsu í okkurt um hálvtannað ár tá, sigur Tummas Jakobsen. Tað var tí mest sum av tilvild, at tað vóru júst pitsurnar, sum gjørdust hansara lívsleið. – Samstundis sum eg byrjaði, fingu vit ein nýggjan pitsuovn, sum vit nýta enn. Hann hevur roynst okkum sera væl. Nøkur ár seinni keypti vit ein líka, sum vit eisini nýta enn, sigur hann. Italskan lærumeistara Eitt ár seinni kom ein italiumaður til Føroya, Vince kallaðu tey hann. – Tað var Vince, sum lærdi meg tað mesta, sum eg nú veit um pitsur. Vit báðir mentu so matstovuna til tað, hon bleiv, sigur Tummas Jakobsen. Umstøðurnar í kjallaranum vóru sera trongar. Køkurin var í miðhæddini, har matstovan hjá Sjómansheiminum var, so har mátti alt fyrireikast. Deiggið bleiv gjørt har uppi, umframt at alt tilhoyrið varð skorið og lagt í bakkar. Síðani skuldi alt berast niður í kjallaran, har pitsuovnarnir stóðu. – Tá var nógv rennan aftur og fram og upp og niður og nógv tung tøk. Vit gingu upp og niður gjøgnum eina smala trappu, so umstøðurnar vóru ikki meiri enn næst best, sigur hann. Ein umbyggingin varð gjørd í 2000, og eftir hetta kundi alt uttan deiggið gerast niðri undir. Í august 2005 keypti Hotel Føroyar alt virksemið og umbygdu alt húsið. Í septembur 2006 lat nýggja matstovan Hvonn upp, og nú var alt virksemi savnað í miðhæddini, meðan kjallarin var gjørdur til eina barr. Teir eru vorðnir nógvir tilsamans, tímarnir, Tummas Jakobsen hevur staðið yvir pitsudeigginum. Eina millión pitsur hesi 18 árini svarar til umleið 55.555 um árið ella 155 pitsur um dagin. Hann sigur, at í vikuskiftunum er vanligt at gera yvir 300 pitsur um dagin. Starvsfelagarnir hava eisini verið nógvir, men mest trúfastir hava tó verið Tummas Jakobsen sjálvur og pitsuovnurnir. Nýggja matstovan eitur Eta Tummas Jakobsen sigur, at føroyingar eru vanabundnir, eisini tá teir eta pitsu. – Vit hava havt nærum somu matarskrá øll árini. Onkuntíð hava vit roynt okkurt nýtt, sum til dømis at gera pitsur við heilt tunnum botni, men tað var lítil og ongin áhugi fyri tí, so tað fall burtur aftur. Føroyingar halda seg fyrst og fremst til pitsur við kjøti, skinku og pepperoni. Seinastu árini hevur tó kebabkjøtið gjørt eina veruliga innrás á pitsurnar, og í Hvonn er tað kebabpitsan, sum er toppseljari, sigur Tummas Jakobsen. Nú liggur ein nýggjur kapittul fyri framman. Seinni í vár verður pitsukøkurin hjá Hvonn fluttur yvir um Tórsgøtu, yvir í Miðlahúsið, har nýggja matstovan hjá Gist og Vist, Eta, letur upp. – Vit flyta allan take-away matin yvir í Miðla­hús­ið, og sam­stund­is verð­ur mat­ar­ skrá­in á Hvonn broytt nakað. Tað verður tó enn gjør­ligt at keypa pits­ur og líknan­di yviri á Hvonn. Og pitsuovnarnir, sum hava fylgt honum alla yrkis­leiðina? Teir flyta við yvir í Eta.