týsdagur 1. mars 2016síða 44

20 LESTRARBLAÐIÐ 2016 VOXPOP FYLG TÍNUM EGNA DREYMI GLOYM ONGANTÍÐ TÍNAR RØTUR LEYP ÚTÍ TAÐ VILDI SLEPPA TIL FØROYAR AT BÚGVA Navn: Bjørg Josephsen – Aldur: 21 – Útbúgving: Løgfrødi – Lestrarstað: Keypmannahavn Navn: Benjamin N. Jacobsen – Aldur: 23 – Útbúgving: BA í English Literature – Lestrarstað: York, England Navn: Regin Winther Poulsen Aldur: 21 Útbúgving: BA í søgufrøði Lestrarstað: Háskóla Íslands í Reykjavík Navn: Súsanna Samró Aldur: 22 Útbúgving: Sosialvísind og Samfelagsplanlegging Lestrarstað: Fróðskaparsetur Føroya Hví valdi tú tína útbúgving? Tað er ein torførur spurningur, ið altíð verdur spurdur. Tá eg skuldi velja, hvørja yrkisleið eg skuldi nema mær, var eg í iva. Eg eri ikki ein av teimum, ið hevur fingið íblástur til løgfrøðina úr ymiskum sjónvarpsrøðum ella ymiskum felagsskapum. Harafturímóti havi eg altíð havt stóran áhuga í samfelagsfrøði. Fyri meg skapar løgfrøðin karmarnar um alt samfelagið. Um man vil skilja samfelagið, má man skilja løgfrøðina. Hvat er tað besta við tínum lestrarstaði? Tað er bíligt at búgva í Danmark. Tað er skjótt at ferdast til heimlandið. Og sjálvandi allir teir føroysku útisetarnir, ið bera ráma av føroyskum sinnalagi, sjálvt um man situr í kongens København. Hvat eru bestu ráðini, ið tú kanst geva einum lesandi? Fyrst og fremst at fylgja sínum egna dreymi, og ikki at uppfylla dreymar og brostnar vónir hjá øðrum. Síðani er týdningarmikið at vera støðufastur og disiplineraður. Hví valdi tú tína útbúgvingin? Eg havi altíð havt stóran áhuga í søgu, so søgufrøði var altíð ímillum tey fakini, sum eg umhugsaði at útbúgva meg innan. Søgufrøði er eisini ein so mikið breið útbúgving at fleiri yvirbygnaðir eru møguligir, og soleiðis kann eg velja okkurt annað at lesa víðari. Hvat er tað besta við tínum lestrarstaði? Á bæði tí fakliga og tí sosiala økinum er tað besta tað, at Føroyar og Ísland eru so lík á so nógvum økjum. Íslendska søgan er lík tí føroysku og nógvar av teimum støðunum, sum íslendingar hava verið í. Á sosiala økinum er lætt sum føroyingur at fella til, tí at íslendingar og føroyingar eru so líkir. Fleiri íslendingar siga ofta, at teir síggja als ikki føroyingar sum útlendingar. Reykjavík er eisini langt frammi í skónum á mentanarøkinum, og har er altíð okkurt at fara til eftir skúlatíð. Hvat eru besta ráðini, ið tú kanst geva einum lesandi? Um eg skal siga okkurt, so er tað at koma til Íslands at lesa. Tað eru nógv ting, sum vit kunnu læra av íslendska samfelagnum, tí at Ísland er ikki so nógv størri enn vit. Annars bara at leypa útí tað og ikki vera bangin fyri at siga okkurt býtt. Tá fellur ein skjótt til og lesnaðurin verður nógv stuttligari. Hví valdi tú tína útbúgvingin? Aftaná at hava gingið í skúla í Hollandi í níggju ár, vildi eg sleppa til Føroya at búgva. Ætlanin var at lesa víðari í Onglandi, men eg valdi ikki at flyta av landinum á hesum sinni, tí eg trívist so mikið væl. Eg kannaði møguleikarnar í Føroyum, og endaði tað við, at eg søkti á Søgu- og Samfelagsdeildina, tí eg havi altíð havt áhuga fyri samfelagsviðurskiftum. Hvat er tað besta við tínum lestrarstaði? At fáa servitan innan føroysk viðurskifti, og gerast meira tilvitin um, hvussu føroyska samfelagið hongur saman. Hetta er einasta land í heiminum, har ein kann siga at størsti denturin verður lagdur á føroysk viðurskifti. Hvat eru besta ráðini, ið tú kanst geva einum lesandi? Verði ikki bangin fyri ikki at fullfíggja tað, ið tú altíð hevur havt hug at gera. Vit broytast øll, tí kunnu okkara ætlanir og áhugamál broytast við. Sjálv ætlaði eg einans at arbeiða eitt ár áðrenn eg fór undir hægri lesnað, og síðani fara uttanlands at lesa jura. Tað endaði tó við at eg, aftaná tvey ár, fór undir sosialvísind og samfelagsplanlegging á Setrinum, ið er ein avgerð, eg ikki eri kedd av. Hví valdi tú tína útbúgvingin? Umframt at skaldskapur er spennandi og áhugaverdur at takast við, so er útbúgvingin sera breið. Ein fær innlit inn í søgu, sam­ felags­frøði, heimspeki o.s.fr. Ein fær tískil fleiri amboð til tess at skilja, ikki bert bøkur og gamlar tekstir, men eisini teir tankar, ið í ein størri mun hava myndað heimin vit liva í. Hvat er tað besta við tínum lestrarstaði? York er ein lítil men sera hugnaligur býur, og kenslan av, at ein er lesandi er tískil sterk. Fólk eru vanliga sera vinarlig, og ein kemur at møta og kenna fólk úr øllum heiminum. Leggjast skal afturat, at tað eru fleiri enn 10 antikvariskir bókahandlar í miðbýnum – ein himmal fyri bókormar. Hvat eru besta ráðini, ið tú kanst geva einum lesandi? Ver opin fyri tí nýggja - tí nýggja staðnum, mentanini, fólkunum, tankunum - men gloym ongantíð hvar tú kemur frá, tínar røtur.