mánadagur 7. mars 2016síða 48

VIKA 10 • 7. MARS 2016 16 ÓKEYPIS LÝSINGARBLAÐ TEMA Hús & Heim So høg skulu tíni trapputrin verða Eru trapputrinini ov høg, verður trappan brøtt og tung - og eru trinini ov smøl, verður truplari at finna javnvágina Ert tú troytt/-ur av tíni gomlu og slitnu trappu, ber til at fríska hana uppaftur Vilmund Jacobsen E rt tú í holt við at byggja tær eina trappu heima við hús, er týdningarmikið, at trapputrinini hava røttu hæddina. Djúpdin og hæddin á trinunum hevur stóran týdning fyri, hvussu góð trappan verður at ganga eftir. Eru trinini ov høg, verður trappan brøtt, og tá verður hon tung at ganga eftir. Fyri flestu trappur er optimala trinhæddin umleið 12 til 16 sentimetrar. Hæddin á trinunum eigur ongantíð at verða hægri enn 21 sentimetrar. Tá tú byggir tína trappu, eigur tú at hugsa um, hvør tað er, sum serliga skal brúka hana. Er talan um eldri fólk ella smábørn, eiga trinini ikki at verða serliga høg. Eisini djúpdin Tað hevur eisini stóran týdning fyri trappuna, hvussu djúp trinini eru. Eru trinini ov djúp, noyðist tú at brúka eyka tíð og orku at ganga upp og niður gjøgnum trappuna. Eru trinini hinvegin ov stutt ella grunn, verður truplari at finna veruliga stuðulin og javnvágina. Eitt trapputrin skal helst ikki vera minni enn 25 sentimetrar breitt, men skal helst liggja millum 30 og 40 sentimetrar. Grundregulin er, at tvær trinhæddir, pluss djúpdin á einum trini skal liggja um einar 62 sentimetrar tilsamans. Kelda: idenyt.dk Vilmund Jacobsen Tú kanst mála ella beisa trappuna, soleiðis at hon aftur verður sum nýggj. Er trappan lakkerað ella málað frammanundan, byrjar tú við at pussa ella slípa. Tá tað er gjørt, skal trappan vaskast væl og virðiliga – og heilt inn í allar krókar. Tú byrjar at mála við góðari grund­ máling og letur hana torna. Síðan málar tú við vanligari máling. Tú kanst enda við at smyrja lakk á málaðu trappuna, tí lakkið ger, at málingin heldur sær betri og vakrari. Vøkur og náttúrlig Hevur tú eina gamla trætrappu, kanst tú beisa hana. Hetta gevur trænum ein vakran og náttúrligan lit. Men, áðrenn tú byrjar at beisa, noyðist tú at gera trappuna klára. Er trappan viðgjørd við lakki ella træverju frammanundan, er neyðugt fyrst at slípa tað gamla burtur. Tá tað er gjørt, skal trappan vaskast við heitum vatni og sápu og sleppa at torna, áðrenn hon verður beisað. Kelda: idenyt.dk Vilmund Jacobsen Snikkarakjallarin hjá Bødvari Hjart­ vars­syni í Dali hevur øll árini lagt seg eftir at gera trappur, spísiborð, stólar, benkur, innhurðar, køkar og annars alt vanligt snikkaraarbeiði – eftir bí­legg­ing. Tað, sum hevur fylt nógv mest hjá fyri­tøkuni, eru trappurnar. Tað var eisini tann tíð, tá Snikkarakjallarin framleiddi einar 200-250 trappur um árið. Men, soleiðis sum gongdin hevur verið seinnu árini, og fá sethús eru bygd, skal tað vera eitt rímiliga gott ár, áðrenn talið av trappum kemur upp á 50. Ein onnur orsøk til minkandi eftir­spurningin er, at nógv verður innflutt. Snikkarakjallarin hevur tó altíð nakrar trappur í ordra gjøgnum eitt ár. Tá viðskiftafólk venda sær til Snikkarakjallaran og ynskja sær eina trappu, fer Bødvar Hjartvarsson altíð út og tekur mát, og tá trappan er liðug fer hann við henni og setir hana upp. – Viðskiftafólk seta stóran prís upp á hesa tænastu, sigur Bødvar Hjartvarsson. Tað er ikki líka mikið, hvussu høg – og djúp – trapputrinini eru, tá tú byggir tína egnu trappu Tú kanst mála ella beisa eina gamla trappu, soleiðis at hon verður sum nýggj Fríska gomlu trappuna uppaftur Trappur úr Dali