mánadagur 14. mars 2016síða 36

VIKA 11 • 14. MARS 2016 4 MIÐLAHÚSIÐ ÓKEYPIS LÝSINGARBLAÐ Birgar er vinur nummar eitt hjá Havnini – Eg meini tað í álvara, og eg trúgvi 100 prosent upp á ætlanina við býarsavninum, sigur Birgar Johannesen í Havn, sum á privatum grundarlag nú hevur sett eitt býarsavn á stovn í Havn Nú verður Tórshavnar Býarsavn sett á stovn. Tað er eldsálin Birgar Johannesen í Havn, sum hevur tikið stigið til at seta savnið á stovn. Birgar Johannesen hevur í nógv ár savnað saman gamlar lutir, sum lýsa søguna hjá býnum. Harumframt er Birgar Johannesen eisini í ferð við at gera eitt modell av Tinganesi og gomlu Havnini, sum eis­ ini verður partur av savninum. Verkætlanin hjá Birgar Johannesen er privat burturav. Hann skilir ikki, hví eitt so gott hugskot sum eitt býarsavn ikki hevur tikið í størri álvara. Tí hevur Birgar Johannesen nú funnið sær nakrar privatar stuðlar, sum hava játtað stuðul til savnið, sum letur upp í gomlu hølunum hjá Tórs Cafetera í Niels Finsensgøtu í Havn. Savnið letur upp 1. juni, og fyrstu lutir­nir í savninum verða lutir, sum Birgar Johannesen longu hevur savnað saman. – Men vit fara at taka ímóti lut­ um frá fólki. Og tá meini eg við allar lutir. Higartil hava fólk bara havt ein møguleika, tá tey rudda upp, tað er at koyra lutirnir í brenni­støðina á Sand­ víkar­hjalla. Hvønn dag fara forn­lutir í skrell. Nú eru tveir møgu­leikar, at koyra lutirnar á Tórs­havnar Býarsavn ella á Sanvíkar­hjalla, sigur Birgar Johannesen. – Hetta er eitt projekt, sum eg trúgvi 100 prosent uppá, og sum eg veit fer at eydnast sera væl og sum fer at ríka Havnina, sigur Birgar Johannesen. Hann hugsar sær, at savnið kann brúkast í undirvísingini hjá skúlunum um gomlu Havnina. Sum dømi um lutir, sum Birgar Johannesen longu hevur, so nevnir hann biografstólar frá biografinum hjá Dia Bø, eitt hav av modellbátum, 100 ára gamlar sodavantsfløskur frá bryggja­rí­num Ydum við originalari etikett. – Eg kann eisini innrætta næstan eina heila skúlastovu frá fimmti- ella seksti­árunum. Eg havi eisini gamla skeltið hjá bakarínum hjá Frants Restorff, sum mær vitandi Nyholm Debes gjørdi einaferð í tríatiárunum –  og proto­týpuna av tí fyrstu studentar­húgvuni, sum er gjørd, sigur Birgar Johannesen. Hann nevnir eisini, at hann kom av tilvild framvið, tá teir skiftu vind­ eyguni í gamla Føroya Banka í Niels Finsensgøtu/Tórsgøtu. – Tit minnast búmerkið hjá bank­ anum, sum varð sandblást í rútarnar. Tá eg kom framvið, vóru øll vindeyguni uttan tvey farin í bingjuna og í knúsi. Eg spurdi, um eg ikki kundi fáa tann síðsta rútin. Og hann fekk eg. Eg fekk so glarmeistaran at skera mær búmerkið burturúr, og tí er eitt av hes­um minnum í varðveitslu hjá mær, sigur Birgar Johannesen. Eldsálin heldur fyri, at politikarar eru komandi og farandi – men Havnin verður standandi Og tí er tað spell fyri býin, at hetta savnið ikki er komið fyri langari tíð síðani. – Eg fari nú í gongd, og savnið letur upp 1. juni, sigur Birgar Johannesen. Havnará rennur so vøkur framvið nýggja býarsavninum. Soleiðis kundi Birgar hugsað sær, at Havnará rann niðri á Vaglinum. Hon er har, men undir jørð Hetta modellið av gomlu Havnini hevur Birgar Johannesen gjørt. Á savninum verða upplýsignar um øll húsini og um, hvør hevur búð í hvørjum húsi Tórshavnar býarsavn fer at halda til í hølunum í Niels Finsensgøtu, har Tórs Cafeteria var í sínari tíð Myndir: Álvur Haraldsen