mánadagur 14. mars 2016síða 48

VIKA 11 • 14. MARS 2016 16 ÓKEYPIS LÝSINGARBLAÐ TEMA Fuglafjørður Vilmund Jacobsen Í desember síðsta ár keypti KJ Hydraulik bygningin, sum Havnar Timburhandil seinastu árini hevur átt á Kambsdali. – Vit fara at brúka bygningin til goymslu av stórum tingum, eitt nú motorum, kranum, stórum kveylum av slangum og ymiskum øðrum, sum vit hava í okkara vøruútboði. Ólavur Asafsson Olsen, stjóri í KJ, sigur, at sølubúðin, sum eisini verður í hesum bygningi, fer ikki at líkjast tí, sum Havnar Timburhandil hevði á Kambsdali. – Tað eru heilt onnur og størri ting, sum vit hava í okkara vøruútboði, og hareftir verða goymsla og sølubúð sjálvsagt. KJ hevur í fleiri ár leigað seg inn í hølum, sum Havsbrún eigur á Kambsdali, og nú Havsbrún skuldi brúka hesi høli, passaði tað KJ væl, at timburhandilin kundi keypast. - Okkum dámar bygningin, sum vit hava keypt frá Havnar Timburhandli, sera væl, og vit halda, at hann er sum “stoyptur” inn í okkara konsept. Tey stóru tingini Ólavur Asafsson Olsen sigur, at vørugoymslan hjá KJ í fyrsta lagi er ætlað virkseminum hjá fyritøkuni og teimum mongu viðskiftafólkum, feløgum og kommunum, sum KJ hevur. – Vit hava nógvar kommunur, entreprenørar, maskinverkstøð og veitarar annars sum viðskiftafólk, bæði her í nærumhvørvinum, Klaksvík og út eftir Skálafjørðinum, og vit ynskja at veita eina so góða tænastu, sum yvirhøvur tilber. Hann sigur, at á vørugoymsluni hjá KJ finst ein hópur av øllum maskintekniskum og hydrauliskum lutum til vinnuna, og fyritøkan er eisini farin at selja pvc-rør, sum eru nýggj í konseptinum. – Vit hava alt frá fýra tummarørum til stórar uppsamlingstangar, sum eitt nú verða brúktir í samband við vegagerðir, havnaløg og aðrar stórar og smáar verkætlanir. Ólavur Asafsson Olsen væntar, at goymslan og sølubúðin alment lata upp einaferð í apríl í ár. Hjá KJ arbeiða tey eisini við øðrum broytingum. Tá vørugoymslan, sum hevur verið í høvðsbygninginum, flytir út, fer niðara hæddin í bygninginum at verða brúkt til hydrauliskan verkstað, og síðan verða nakrar skrivstovnur innrættaðar í ovaru hæddini. – Smiðjubygningurin, sum stendur her ovari, og sum er bygdur í 1987, verður eisini bygdur út niðan eftir við 400 fermetrum, og her verður smiðjuparturin tvífaldaður, sigur stjórin. Tveir alibátar Í fjør hevði KJ sáttmála um tilsamans seks alibátar. – Higartil í ár hava vit sáttmála um tveir, ein til Luna og ein til Marine Harvest. Hetta verða samstundis størstu alibátar, sum vit hava latið byggja. Teir verða 15,50 metrar langir og sjey metrar breiðir. Báturin til Luna verður leveraður í august, og báturin til Marine Harvest verður leveraður í september. Hesi seinni báturin hevur bygginummar 44. Í februar fekk Bakkafrost eisini ein alibát, sum KJ hevur latið byggja. KJ Hydraulik byggir sínar aliringar á Eiði, og tá mest hevur verið at gera, hava fleiri mans verið til arbeiðis. – Beint í løtuni er eitt sindur slakt við aliringum, men tað fer at koma aftur, sigur stjórin, Ólavur Asafsson Olsen. Vikublaðið kann leggja aftrat, at KJ Hydraulik eisini veitir sandblásing, máling og metallisering, og her er fyritøkan altíð opin fyri fyri­spurning­ um. KJ hevur keypt timburhandilin á Kambsdali – Timburhandilin er sum stoyptur inn í okkara konsept, sigur stjórin í KJ Hydraulik, Ólavur Asafsson Olsen Vilmund Jacobsen Hin 6. mai í ár, sum er ein fríggjadagur, verður ein stórur dagur á Muntra í Fuglafirði. Tá hevur matstovan 45 ár á baki. Tað er Poul Rustin, sum eigur og rekur matstovuna, og sjálvur hevur havt matstovuna um hendi í 32 ár. Tað var Petur Mohr, sum byrjaði matstovuna í 1971, ið Poul Rustin yvirtók í 1984. - Eg hjálpti Peturi Mohr á Muntra, áðrenn eg yvirtók matstovuna, sigur Poul Rustin, sum saman við thailendsku konu síni ætlar at gera burtur úr 45 ára degnum. Drúgvar royndir Poul er royndur í leikum innan mat­ stovu­virksemi, og tað var longu tíðliga í átta­tiárunum, at hann rak kafeteria í ítróttarhøllini á Kambsdali, sum tá var spildurnýggj. – Tað var nógv lív í høllini á Kambsdali tey árini, eg rak kafeteria her, og her vóru bæði ítróttar-og dansitiltøk. Her var rættiliga nógv at gera, og tú hevði lítla og onga frítíð. Sama var við hallarleiðaranum hesi árini, Hallgrími Gregersen, ið eisini var ótrúliga nógv upptikin hesi árini, sigur Poul Rustin. Altíð til tænastu Á hugnaligu matstovuni Muntra í Fuglafirði er góð buffet um dagarnar, og matstovan ger eisini mat og smurt breyð út av húsinum, tá viðskiftafólk ynskja tað. – Vit hava eisini tikið okkum av nógvum ymiskum móttøkum kring um landið, og vit eru altíð til dystin fús, tá uppgávur eru av ymiskum handa slag, sigur Poul Rustin. Munta hevur skjótt 45 ár á baki í Fuglafirði Á hugnaligu matstovuni Muntra í Fuglafirði er góð buffet um dagarnar, og matstovan ger eisini mat og smurt breyð út av húsinum, tá viðskiftafólk ynskja tað Poul Rustin fann kærleikan í Thailandi. Her vísir kona hansara fram ein sera vakran kjóla, sum er seymaður í Thailandi - við føroyska tjóðarbúnanum sum fyrimynd, tó við thailendskum toytilfari og litum Mynd: Vilmund Jacobsen KJ hevur keypt timburhandilin á Kambsdali, sum verður brúktur til vørugoymslu og sølubúð Timburhandilin passar ógvuliga væl inn í okkara konsept, sigur Ólavur Asafsson Olsen, stjóri í KJ KJ leveraði ein alibát til Bakkafrost í februar í ár, og seinni í ár fáa Luna og Marine Harvest hvør sín alibát