týsdagur 3. mai 2016síða 44

SOSIALURIN MAI 2016 12 Birgith Lassen Hví byrjaði tú Soul Made? – Íverksetan hevur altið tiltalað meg. Tað at skapa nakað og byggja upp eina fyritøku er nakað, eg brenni fyri. Hvat hevur verið hæddarpunktið á tíni yrkisleið higartil? – Fyri meg persónliga er hæddarpunktið at vera eigari í sniðgevi í eini fyritøku, sum vaksur fyri hvørt ár. Og at kvinnur bæði í Føroyum og útheiminum taka míni snið til sín. At hava bygt upp eina fyritøku, sum í dag hevur fýra fólk í starv – og endaliga at vera leiðari hjá hesum fantastiska toymi. Í fjør var Soul Made við í eini móta­ framsýnin í Eiffeltorninum í París. Hetta skal sjálvandi eisini nevnast sum eitt hæddarpunkt fyri Soul Made. Tað var ein fantastisk uppliving og super viðurkenning av Soul Made. Hvussu sær ein arbeiðsdagur hjá tær út? – Tað er sera ymiskt. Eingin dagur er líka. Onkuntíð eri eg í Føroyum og tekni míni snið, onkuntíð eri eg uttanlanda á mótaframsýning. Onkrir dagar fara við fyrisitingarligum uppgávum, og aðrar dagar passi eg handilin hjá okkum í Tróndargøtu. Hvussu er arbeiðsumhvørvið hjá tykkum í Tróndargøtu? – Aftaná okkara stóra vøkstur, er tað blivið í og so trongligt hjá okkum í handl­inum í Tróndargøtu. Tað hevði verið fantastiskt við einum høli, har umstøðurnar hjá mínum starvsfólkum vóru betur – men hóast plásstrot er tann góði stemningurin altíð í hásæti í Tróndargøtu. Og tað er tað týdningarmesta! Hvørjir eru fyrimunirnir við tínum starvi? – Eg havi frælsi til at arbeiða allastaðni í heiminum. Frælsi at ferðast, har eg vil og taka mítt arbeiði við mær. Ein annar fyrimunir er, at eingin dagur er eins – tað eru so nógvar ymiskar uppgávur sum skulu loysast hvønn dag – tað er fyri meg sera spennandi …og vansarnir? – Vansarnir eru, at hendan bransjan koyrur við rúkandi ferð. Tað eru deadlines allatíð, og tað krevur langar arbeiðsdagar í lang tíðarskeið. Tað kann til tíðir vera stressandi.   Hvaðani kemur íblásturin? – Ein partur av íblástrinum kemur úr okkara føroysku náttúru og úr føroyskum bindisiði. Men eg fái samstundis íblástur, tá eg ferðist til stórbýir. Mótametropolarnir eru so ymiskir, og at uppliva tað gevur mær nógvan íblástur Ert tú komin har, tú vilt? Ella fert tú longur? – Eg vil meir! Men trupulleikin er, at jú størri fyritøkan blívur, jú fleiri fyrisitingarligar uppgávur eru. Tað kann til tíðir vera trupult at stýra tí kreativa, leiðsluna, tað fyrisitingarliga og alt í senn. Vit hava hvørt ár støðugan vøkstur, sum vit eru glað og errin av – vit fyri at kunna vaksa skjótari, enn vit gera nú, er neyðugt við einum íleggjara.   Hvørjir fyrimunir eru við at keypa føroyskt snið? – Tað eru nógvir fyrimunir! Tá tú keypur føroyska sniðgávu, ert tú til dømis við til at skapa arbeiðspláss í Føroyum. Hvønn er Soul Made sniðgivið til? – Eg sniðgevi til kvinnuna sum er tilvitað um móta og góðsku. Kvinnan skal eisini dáma klæðir sum eru tíðarleys, hava góðan passform. Og hon skal eisini dáma klæði sum eru elegant og samstundis rá. Eru føroyskar kvinnur raskar at stuðla føroyskum sniðgevum? – Ja, avgjørt! EINSAMØLL HEVUR HON BYGT UPP KLÆDNAMERKIÐ SOUL MADE, SUM SEINASTU ÁRINI HEVUR MØTT VIÐURKENNING BÆÐI HER HEIMA OG Í ÚTLONDUM. HON HEVUR TOSAÐ VIÐ BEINTU POULSEN FYRI AT FINNA ÚTAV, HVUSSU TAÐ ER AT VERA SNIÐGEVI BURTURAV Ein fesk og føroysk fashionista