týsdagur 3. mai 2016síða 62

SOSIALURIN MAI 2016 30 Hon Lena Anderssen er millum tær størstu tónlistakvinnurnar í Føroyum. Síðani seint í 1990’unum hevur hon sum solistur skrivað, útgivið og spælt tónleik heima og burturi. Hon hevur gjørt eina langa røð av frálíkum sangum, og tað hevur altíð verið dygd og tyngd í hennara tón­ leiki. Fyri kortum gav Lena sína fimtu – og mest persónligu – útgávu út. Útgávan kallast Eagle In The Sky og er enn ein fram­ úr útgáva frá Lenu Anderssen, sum øll árini hevur arbeitt tætt saman við manni sínum Niclasi Johannesen um sangirnar og tón­ leikin. Ummælarar – bæði heima og burturi – geva fløguni sera góð skoðsmál. – Lena Anderssen hevur ongantíð verið bangin fyri at syngja um trupul evni. Hon er ein reiðilig song kvinna, ið vekir okkara hugflog og kenslur, tá hon skrivar sangir. Lena letur innara hurðina upp og vísir okk­um á sínar innastu kenslur. Hon er ein søgu­sigari, har lívstreytir og tyngd ganga aftur í songum hennara, ið verða væl virdir av góðum og løttum tónaløgum sum hon og Niclas Johannesen í tøttum sam starvi gera í felag, skrivaði Sosialurin í ummæli. Eisini í Danmark hevur Lena Andersen fingið gott ummæli fyri nýggju útgávuna. Virda danska tónleikasíðan Gaffa hevur um­mælt Eagle In The Sky, og ummælarin heldur, at Lena aftur stendur sera sterk við sínum tónleik, og nýggja útgávan er ein gjøgnum­ført góð útgáva. – Talentið hjá Lenu Anderssen at skriva og framføra sangir foldar seg út. Hetta er stórt, ambitiøst og væl gjøgnumført, sigur um­mælarin hjá Gaffa. Lena Anderssen er framúrskarandi á fløgu, men hon er eisini fantastisk á palli, har hon við innliving og góðum sambandi við áhoyrararnar spælir framúr konsertir. Og nú kann ein heppin lesarin hjá Hon vinna eina eksklusiva stovukonsert við Lenu Anderssen. NÝGGJA ÚTGÁVAN HJÁ LENU ANDERSSEN ER FRAMÚR­- SKARANDI OG FÆR SERA GÓÐ UMMÆLI Lena er framúr STOVUKONSERT VIÐ LENU ANDERSSEN Nú kanst tú fáa fløguaktuellu songkvinnuna Lenu Anderssen at hava konsert heima hjá tær. Ver við í kappingini hjá HON, og so kann tað verða, at tú ert heppni vinnarin! Send sms-boð við innihaldinum hon til nummar 1940 Hvørt sms-boð kostar 10 krónur umframt vanligan takst Seinasta freist at verða við í kappingini er 25. mai 2016! Vinnarin verður kunngjørdur í næstu útgávuni av HON, sum kemur mikudagin 15. juni