hósdagur 5. mai 2016síða 37

FRÍGGJADAGUR 6. MAI 2016 SOSIALURIN 52 37 minnist meg rætt tók Steinbjörn B., sáli, nakað soleiðis til, tá ið Erlendur fór Patursson. Og hesi orðini hvukku líkasum fram fyri meg aftur í áðni, tá ið andlátini vórðu lisin í útvarpinum. Á middegi. Tvær kaldglöggar reglur, ið staðfestu, at Kjartan Hoydal var farin. Ikki fyri tann skyld at deyðs­ boðini komu óvart á meg. Ymiskt, sum hevur spurst heiman­ífrá, hetta síðani um ársskiftið, hevur alt borið at sama feigdar­borði. Ella sum ein íslendsk skyld­kona plagdi at siga: Það er nú meiri helvítis veikin. Hon meinti við krabban. Men hinvegin. Tá ið eg nú – og ikki heilt álvuligur við – seti penn á blað her suðuri henda góðviðraða seinna­partin í mai, er tað kortini hetta við trænum, eg fyrst hugsi um. At eitt træ, at tann gjög­num öldir og sjórok arvaða kensl­an hjá oyggjaskeggjanum fyri trænum, er öðrvísi enn hjá megin­lands­ búgvum. At eitt træ – har trö ann­ars sjáldan vinna seg upp í hömiliu­hædd av sínum eintingum – so at siga er ein verð í sjálvum sær. Ja, enntá verðin sjálv í öllum sínum undarligu avbrigdum. At í tí trænum hoyrist eitt serligt suð. Suðið av alheimsins veingjum. Og tað kann av sonnum sigast um Kjartan Hoydal, at tað var eitt suð av verðini um hann. Henda mannin, sum av natúr var afturhildin í verumáta og gáin um seg í orðum, ja, viðhvört sýntist at fyrisita sínar hugsanir næstan embætisliga. Men har var vit aftanfyri. Altíð. Bæði orð og hugsan. Innlit og eitt skarpsskygni, sum man hava gjört fleiri enn undirritaða heitan um skallan ofta. Men tað sansaði tú skjótt í sam­ röðum við Kjartan – og fyri mítt viðkomandi gjördust tær nakrar gjögnum árini – hvussu lætt hann kundi taka teg á bóli við síni breiðu vitan. Næstan forargiliga lætt. Tí mikla vitan hevði hann. Ikki bert um sítt fak og yrki, um fisk, poli- tikk, samfelag og sögu, men um so mangt annað eisini. Ikki síðst tá ið tað galt list og mentaskap. Hann hevði tað vit kalla smakkvísi, men til tað lítið tol við tí uppgjörda, við teirri óvitan, sum vil geva sær sjálvdömi í öllum. Í samfelagsumröðuni lá honum nógv á at gera vegir fyri tí opna, út­greinandi orðaskiftinum. Fast- hildin á síni sjónarmið, íðan hvat, men eisini nóg rúmligur til at geva sær far um og skilja tað, ið annar helt. Frá einum rithövundarligum sjónarmiði var Kjartan tann góði lesarin. Lesarin, sum við sínum innsýni, sínum greiningarevnum og sínum vilja til umhugsaða og kanska ikki altíð væl lýdda stöðutakan er ein bráðneyðugur partur av tí samspæli, sum öll skapan krevur. Hvör ið hon so er – og hvar. Ja, eitt træ er fallið. Tað kenst tómligt eisini hjá einum oyggjaskeggja í útlegd – í einum skógi. Friður verði við minninum um Kjartan Hoydal. Carl Jóhan Jensen Eitt træ er fallið NØVN 67 ár Hesin fitti skotin fyllir 67 ár týsdagin 10. mai. Tá verður hann at hitta í Gullhorninum frá kl 10-17:30 og bjóðar kaffi og keks og okkurt gott smúkkutilboð til tey, sum vitja. Leif Erik Niclasen Brúdleyp 7. mai giftast i Bryndum kirkju Gerda Astrid Joensen, dóttur Joan og Árna Joensen, og Thomas Warm­ing Thyssen, sonur Inger og Erling Warming Thyssen. Veitslan verður fyri innbodnum í Vester Nebel For­samlingshúsi Brúdleyp Leygardagin 7. mai 2016 giftast Ingunn Jensen, Sandur og Hans Kári Hansen, Sørvágur. Vígslan verður í Sørvágs kirkju kl. 14.00 og veistla verður fyri innboðnum á Hotel Vágum. Sunnudagin 8. mai verður brúðarhús í Gerðisbrekku 6 frá kl. 17. Brúdleyp Leygardagin 14. mai 2016 giftast Jakoba Eysturberg, Hvalba og Gisli Daniel Sveinbjørnsson, Nes-Hvalba. Vígslan verður í Hvalbiar Kirkju kl 11. Eftir vígsluna verður opið hús í Tvøroyrar Klubba millum kl 14- 17, har høvi verður at heilsa uppá brúðarparið. Veitslan verður fyri innbodnum frá kl 19 í Tvøroyrar Klubban. Brúdleyp Lørdag den 09.07.16 kl 13.00 bliver Sussi Flores Aabo Christensen og Kim Aabo Christensen velsignet i Vestmanna kirke. Der vil kl 15.00, i missionshuset i Vest­ manna være kaffe og kage. Det vil glæde os at se familie venner og bekendte. Venligst giv besked til sussiflores@live.dk eller på FB hvis du /i har lyst til at komme. Kærlig hilsen Sussi og Kim