hósdagur 5. mai 2016síða 40

FRÍGGJADAGUR 6. MAI 2016 40 SOSIALURIN 52 Arni Zachariassen MYND: HEINESEN MYNDIR Yrki: Ráðgevi – Bústaður: Leirvík Hvat ætlaði tú at vera, tá tú bleivst vaksin? Hevði nógvar ymiskar ætlanir, sum regluliga broyttust. Einasti dreymurin, sum ongantíð fór nakran veg, var dreymurin um at blíva rokk stjørna. Og hann er kanska enn har eitt sindur... Hvat ynskir tú at hava avrikað um eitt ár? Uttan at vera blivin rokk stjørna? At kunna hyggja í spegilin og erliga siga, at eg eri ein betri maður, pápi og vinur enn eg var fyri einum ári síðani. Enda setningin, allir føroyingar kunnu vera samdir um, at … …hóast veður og vind, slatur og sleyg, ikki beinleiðis álitisvekjandi politikkarar og eitt ofta alt ov vánaligt tænastustøði, so er hetta eitt ótrúliga gott land at búgva í! Hvør er tín fyrimynd og hví? Pápi mín, Zacharias Zachariassen. Hann er besti maðurin, eg kenni. Hann er eyðmjúkur og umfevnandi, arbeiðir hart og elskar treytaleyst. Hann tykist at hava vunnið á øllum tí, eg stríðist við innan í mær sjálvum, og gevur mær tí bæði vón og íblástur. Hvat er eitt eydnuríkt lív? Eitt, sum er eyðkent av nøgdsemi. Har man livir fyri onnur enn seg sjálvan. Tá man ikki leggur nakað í hvat óviðkomandi fólk halda og siga, men bara tey viðkomandi. Og ger tað, man elskar saman við teimum, man elskar. Hvat er seinasta gávan tú gav damuni/sjeikinum? Herfyri keypti eg henni eina veggjamynd, sum vísti hvussu sólarskipanin sá út 11. august, 2007, dagin, vit vórðu gift. Sindur romantiskt, skal eg siga tað sjálvur. Hvat er tað seinasta góða ráðið tú fekk? Business er business! Ger tað, sum gagnar tær og tínum. Um tú kundi sungið ein sang í X-Factor, hvønn hevði tú valt? Beint nú eri eg púra vekk í nýggju útgávuni hjá Dizzy Mizz Lizzy, so »Say It To Me Anyway« hjá teimum. Ófatiliga vakur sangur! Tann støðuga ringa samvitskan snýr seg um... ósamsvar millum ambitiónsstøði og verulig avrik. Tað, og at eg livið alt ov ósunt. Hvør er seinasta stuttliga upplivingin hjá tær? Var í Grønlandi saman við nøkrum vinmonnum seinasta mánað og spældi rokkstjørna. Tað var ótrúliga stuttligt og spennandi BAKSÍÐAN C ogito ergo sum. Tað segði og skrivaði tann skilagóði René Descartes í 17.øld. Eg hugsi, eg eri til. Ivaleyst rímilig niðurstøða fyri 400 árum síðani. Nú siga vit: eg siti ikki á feys­ bukkuni, eg eri ikki til. Tað krevur at vera til fyri at kroysta seg á feysbukkuni. Tey, sum ikki eru júst har, eru ikki til. Tey eru ikki til, sama hvussu nógv tey hugsa. Sama hvussu høgir tankarnir eru. Ein tanki, sum ikki er dámdur ella sendur víðari úr bukkuni, tí hann er druknaður har, er ikki til. Bara hjá tí, sum hugsar hann. Men tey eru ikki til. Tey eru ikki so frægt sum asosial, tí tey eru ikki til. Eg eri ikki til, men eg hugsi tó. Hugsaði hós­ kvøldið í hinari vikuni um allar reklamurnar, sum vóru í postkassanum, upp í tveir posar av tilboðum. Tað var ikki gamalt mitt í viku. Plagdi at vera bara tann eina. Men svarið lá eisini har í postkassanum, í einum einlittum smædnum bjálva, frítíðarlønin. Og hana vilja handlarnir hava. Teir gera vart við seg, áðrenn pengarnir eru fluttir tær. Einastu ferð, nakað er fyri tíðina í F ø r o y u m . Sita sum slevandi gribbar og bíða eftir tínum pengum. Bjóða teimum lán, sum ikki fáa so nógva løn at halda frí fyri. Frítíðar­løn skal annars brúkast til frítíð. Líka við, at tað stendur í lógini. Lán, sum fáa garvað bankafólk at rodna og ivast í, um rentan hjá teimum ikki er alt ov lág. Tilboð 9.800 kr., só nógv hava ikki øll uppi á sær, so lán 9.800 kr., sum kostar 12.500 kr. Áðrenn vøran gjørdist tilboð kostaði hon 12.000 kr. Hvat tilboðið er betri, lánið ella vøran uttan avsláttur?. Uggin er, at frítiðarlønin næsta ár eisini kann brúkast til lánið. Eg eri ikki til, so eg hugsi. Hví ikki lata handan neyðars Breivik sleppa at gifta seg. Kvinnurnar plaga at vera nógvar, sum vilja sleppa at dragsa slíkar hetjur til altars. Fólkakirkjan er jú næstan fyri øll. Tað er revsing, sum munar, hjúna­ bandið. Brot á øll mannarættindi og javn­rættindi og onnur softicerættindi. Sum sagt, eg eri ikki til, men eg hugsi. Kærleikin er størstur, skrivaðu tey, sum Føroyar lógu eftir, á marglitta sukursvansið, sum løgtingið fekk. Kærleikin er størstur. Hjúnabandið drepur kærleikan. Tillukku við tí. Sjálvpíning, masokisma. Eri framvegis ikki til, men hugsi um aðrar minnilutar. Kvinnurnar til dømis. Tær, eisini tær lesbisku (minni­ lutin í minnilutanum), eru ein minni­ luti í Føroyum. Ein bæði hóttur og kúgaður minniluti, noyddar at rýma til Danmarkar. Hvar er eljustríðið fyri, at kvinnur­ nar eiga at fáa somu løn fyri 25 tímar sum menn fyri 40? Hví samtykkir løgtingið ikki, at øll eiga at velja kvinnur? Munur er á minnilutum, hugsi eg. Hví klappar eingin og grætur í salinum, tá løgtingið samtykkir at byggja fólki við breki bústaðir? Hvar eru fjølmiðlarnir tá? Munur er á minnilutum, hugsi eg. Tað er í lagi ikki at vera til. Men tað er eisini í lagi at hugsa, hugsa nógv, hóast slíkur asosialur óskikkur gevur hvørki lukku ella ríkidømi ella ævigt lív. Sum ein annar, ikki Descartes, skrivaði: í fólkaræðinum er fjøldin býtt, og meirilutin ræður. Vit hava longu tvær, og vit skulu hava eina afturat, eina grundlóg. Eingin onnur tjóð kann velja tríggjar grundlógir, ikki nøkur kúgað, ið hvussu so er. Vit hava donsku grundlógina, vit hava Bíbliuna (hví ikki heldur Feysbukkuna, tí fleiri lesa hana enn Bíbliuna), og vit skulu eisini hava eina føroyska grundlóg, siga tey. Og grundlógin er eisini galdandi fyri okkum, sum hugsa, men ikki eru til, tann danska. Ikki tann úr Miðeystri. Og USA fær ein forseta við nossum, bæði so og so. Høgni Djurhuus Høgni Djurhuus fekk Móðurmáls­ virðislønina 2012 Eri ikki til, hugsi tó