mánadagur 9. mai 2016síða 28

VIKA 19 • 9. MAI 2016 4 MIÐLAHÚSIÐ ÓKEYPIS LÝSINGARBLAÐ Mamma tordi ikki at trúgva mær Tá Bjørg Mortensen kom niður í køkin og fortaldi, at sytskinabarnið hevði verið ónærisligur móti sær um náttina, sló mamman hana og noktaði henni at siga slíkt Danjal av Rana T að eru einans nakrir fáir mán­ aðir, síðani Bjørg Mortensen valdi at bróta tøgnina og siga sína søgu. Tað var á einum fundi, sum Kris skipaði fyri í heyst. 28. apríl skip­aði Kris aftur fyri eini ráðstevnu um kynsligan ágang og tá fortaldi Bjørg Mortensen aftur sína søgu, um hvussu hon var vorðin misbrúkt av fleiri monnum, hvussu tað hevði oyði­ lagt hennara sjálvsfatan og hvussu mamman ongantíð tordi at trúgva henni. – Eg var eini fýra, fimm ár, tá eg fyrstu ferð varð misbrúkt. Tað var eitt systkinabarn, sum var komið til okkara at búgva, hann var eini 10 – 12 ár eldri enn eg. Eina náttina legði hann seg í songina hjá mær og gjørdi seg inn á meg, greiðir Bjørg Mortensen frá. Í dimmalættingini fer Bjørg Mort­ en­sen niður í køkin til mammu sína, og sigur henni frá, hvat var hent um náttina. – Mamma gav mær ein lúsing og sendi meg í song aftur, segði, at eg mátti læra meg at uppføra meg ordiligt. Eg segði ongantíð frá aftur, tí eg ræddist revsingina frá mammu, sigur hon. Í fýra ár, til Bjørg Mortensen er níggju ára gomul, verður hon misbrúkt av tí eldra systkinabarninum. – Hetta oyðilegði meg og gav mær eina skuldarkenslu alt lívið. Í tann­ árunum seldi eg meg sjálva til eldri dreingir. Eg kendi jú longu alt til vaksna­ manna­sex, sigur Bjørg Morten­sen. Sum 12 ára gomul er hon fyri eini neyð­tøkuroynd av einum væl eldri manni, um 70 ára aldur. – Eg fekk rópt um hjálp og fólk komu til, so hann fekk sum so ikki gjørt nakað við meg. Hann bleiv tó ong­an­tíð revsaður fyri gerð sína. Ring­ast var tí reaktiónin hjá mammu, tá hon fortaldi familjuni, at eg hevði fingið mær ein 70 ára gamlan sjeik, sigur hon. Misbrúkið leiddi at enda Bjørg Mortensen út í druk og hon gjørdist alko­holikari. Hon ivast ikki í, at nógv teirra, ið hava rúsdrekka- og rús­evnis­ trupulleikar, høvdu berið betri hjálpt, um eitt heim varð fyri tey, ið høvdu verið fyri kynsligum ágangi. – Rúsdrekkatrupulleikin hjá mær var eitt symptom og ikki grund­leggj­ andi trupulleikin. Tað var kynsliga mis­brúkið, ið fekk meg at drekka. Eg vænti, at tað sita nógv, ið dylja sárini eftir kynsligt misbrúkt við rúsdrekka og rúsevnum, sigur Bjørg Mortensen. Hon hevur tó megnað at snara lívin­um á beina kós aftur. Hon er nú edrú á 15. ári og sigur sjálv, at hon følir nú, at hon er ein vinnari. – Tað ber til at broyta sítt lív, frá at vera offur til at vera ein vinnari. Eg eri sloppin av við beiskleikan og haturið, sum eg bar uppá alt mítt lív, og eg eri vorðin ómetaliga góð við hasa lítlu gent­una, sum varð misbrúkt sum fýra ára gomul. Í dag havi eg ikki longur ilt av, at eg varð kynsliga misbrúkt, sig­ ur hon. Eftir at Bjørg Mortensen gavst at drekka og leitaði sær hjálp hjá Kris, hevur hon eisini tosað við mammu sína og spurt hana, hví hon gjørdi sum hon gjørdi. – Mamma segði snøgt sagt, at hon tordi ikki at seta seg upp móti systir sínari, sum átti dreingin, ið misbrúkti meg. So var lættari at skúgva meg til viks. Bjørg Mortensen ynskir nú at hjálpa øðrum, ið hava verið fyri kyns­ lig­um ágangi at venda søguni á, at ger­ast yvirlivarar heldur enn offur. – Eg veit, at eg ikki eri tann einasta, ið havi verið fyri kynsligum ágangi. Eg veit, at eg ikki eri tann einasta, ið havi fingið rúsdrekkatrupulleikar av tí sama. Men tað ber til at broyta sítt lív aftur, við góðari hjálp, sigur Bjørg Mortensen. Mynd: Advent Event – Rúsdrekkatrupulleikin hjá mær var eitt symptom og ikki grund­leggj­andi trupulleikin. Tað var kynsliga mis­brúkið, ið fekk meg at drekka, sigur Bjørg Mortensen Mynd: Danjal av Rana