týsdagur 10. mai 2016síða 4

Mikudagur 11. mai 2016 · Nr. 54 4 Sosialurin Hugskot og viðmerkingar – send sms til 225000 Eirikur Lindenskov Vodafone boðar í dag frá, at Gudny Langgaard hevur sagt seg úr starvi sum stjóri eftir 7 ár í fyritøkuni, harav nærum 5 ár sum stjóri. Í næstum verður farið undir eina tilgongd at finna nýggjan stjóra. Gudny Langgaard tók við sum stjóri í juli 2011. – Vegna Vodafone vil eg takka Gudny fyri hennara eldhuga og arbeiðs­semi í tíðini sum stjóri. Gudny hevur saman við starvs­ fólkun­um ført Vodafone trygt ígjøgnum eina tíð við stórum broytingum á fjar­skiftis­markaðin­um og hevur lagað fyri­tøkuna væl til tørvin hjá við­skifta­fólki okkara, sigur Rúnar Reistrup, nevndar­for­maður og leggur afturat. – Vodafone hevur tryggjað kapping á føroyska fjar­skiftis­marknaðin­um seinastu 15 árini og hevur gingið á odda, at veita føroyskum fjar­skifti­við­ skifta­fólki nýskapan, betri tænastu og betri prísir. Við einum fram­haldandi sterkum altjóða samstarvi ætlar Vodafone fram­vegis at ganga á odda, at veita føroyingum nýskapandi fjar­skiftis­tænastur og veita kapping á føroyska fjar­ skiftis­marknaðinum. – Hetta hevur verið ein ómeta­liga spennandi og avbjóðandi tíð. Tað hevur verið eitt privilegium, at starvast sum stjóri í einari so spennandi fyri­tøku og saman við so dugna­lig­um fólki. Tá eg hyggi aftur á tíðina, eri eg ser­stakliga væl nøgd við at við­skifta­fólk okkara kenna okkum fyri okkara fokus á tænastu og dygd. Eg ynski bæði starvs­fólkunum og felagnum alt tað besta á leiðini frameftir, sigur Gudny Langgaard, fráfarandi stjóri. Bárður Nielsen, fíggjar­ stjóri í Vodafone, tekur við sum fyri­bils­stjóri til nýggjur stjóri er settur. Næsta hálva árið ætlar Gundy Langgaard at vera heima við hús. Hon sigur, at eingin ósemja ella illstøða er millum hana og Vodafon, og at hon sjálv hevur valt at siga starvið frá sær – Tað var í mars­mánaði, at eg boðaði frá, at eg ynskti at leggja stóra­starvið frá mær. Eg trívist væl í sam­ skiftis­vinnuni, men har eru størvini avmarkað. Mínar kvali­fika­tiónir eru leiðsla og marknaðar­føring, og tað eru upp­gávur, sum allar fyri­ tøkur hava tørv á. – Fyribils fari eg at vera heima­gangandi í eitt hálvt ár, meðan eg leiti mær eftir nýggjum av­bjóðingum. Men eg verði knýtt at Vodafone hesa tíðina, tó at eg ikki fari at vera á arbeiðs­plássin­ um dag­liga, sigur Gudny Langgaard. Vodafone hevði sítt næst­besta úrslit í fjør, tá yvir­skotið var 8,2 millión­ir krónur. – Tað var eitt sera gott úrslit, sum vit eru fegin um, sigur Gudny Langgaard, sum tó var heldur lakari, enn árið fyri, tá úrslitið var 10,7 milliónir krónur. Tey fýra roknsskaparárini, Gudny Langgaard hevur havt leiðsluna av P/F Vodafone, hava úrslitini tilsamans verið 32 milliónir krónur. Nú Gudny Langgaard er farin úr starvi, tekur Bárður á Steig Nielsen við sum fyribils stjóri. Bárður Nielsen er løg­ tings­maður og for­maður Sambandsfloksins. Skal hann halda fram sum stjóri, so má hann helst enn einaferð velja ímillum politikkin og privatu yrkis­leiðina. Og at tað er ein góður stjóra­sessur, hon letur frá sær, talar lønin eisini fyri: Sam­bært árs­rokn­skapinum fyri 2014 var stjóralønin á Vodafone slakar 1,4 milliónir krónur um árið – ella góðar 116.000 krónur um mánaðin. Foreldraumboð í Sankta Frans skúla hava bjóðað bý­ ráðs­limunum í Tórshavnar Kommunu til pall­borðs­ fund um framhaldsdeild í Sankta Frans Skúla. Í innbjóðingini siga tey soleiðis: » S k ú l a byg n a ð u r i n , sam­tykt­ur í 2012, er eitt gott til­boð til fleiri børn í Tórshavnar Kommunu og sum foreldur, borgarar og veljarar gleðast vit um hetta. Hinvegin er ynskið um at seta í verk fram­ halds­deild í Sankta Frans skúla ikki nýtt. Hetta kom tó ikki við í tilmælið um skúlabygnaðin. Men tørvurin er í dag størri enn nakrantíð! Summi børn trívast og mennast væl í størri eind­um og í skiftandi um­ hvørvi – men ikki øll børn hava best av hesum, og fyri summi børn er hetta beinleiðis skaðiligt fyri bæði menning, læring og trivnað. Sum støðan er nú, er hetta tað einasta, Tórs­ havnar Kommuna hevur at bjóða næming­un­um í Sankta Frans skúla og í mið­ býnum frá 8. flokki. Við eini royndarskipan um fram­halds­deild á Sankta Frans skúla, sum eitt alterna­tiv til stórar eindir og skift­andi um­ hvørvi,  kann Tórs­havnar Kommuna bjóða øllum børnum tað skúla­til­boðið, sum er best fyri júst teirra læring, menning og trivnað. Vit sita í einum foreldra­ bólki umboðandi um­leið 700 foreldur um­framt onnur av­varðandi sum ommur og abbar. Vit eru lutvíst kunnað um gongd­ina higar­ til í málin­um, og at um­bønin um fram­halds­deild í Sankta Frans skúla í fyrstu syftu ikki bleiv gingin á møti. Vit skilja ikki – og kunnu ikki út frá verandi argumentatión – góð­taka hesa avgerð fyri okkara børn í Tórshavnar Kommunu. Vit hava valt tykkum at um­boða okkum og vilja her­við bjóða tykkum til ein pall­borðsfund um málið.« Pallborðsfundurin veður í fim­leika­høllini í Sankta Frans skúla 17. mai klokkan 19. Tey í foreldrabólkinum vóna, at býráðspolitikarar síggja týdningin í hesum máli og hava áhuga í at hoyra meiningina hjá veljar­um og borgarum í Tórshavnar Kommunu. Foreldra­bólkurin heitir eisini á foreldur, ommur og abbar og onnur av­varðandi at næmingum í Sankta Frans Skúla um at møta á fundin­um 17. mai. – So vit saman kunnu vísa politikarunum á tørv­ in. Jú fleiri vit eru – jú størri eru møgu­leikar­nir fyri, at vit verða hoyrd, siga tey í foreldra­bólkinum. Undir heitinum »Tey byggja land« letur Sigrun Gunnars­ dóttir upp lista­framsýning í atelieri sínum á Eiði hvítu­ sunnu­dag klokkan 15. Opið verður hendan dagin til klokkan 20, og opið verður eisini 2. hvítusunnudag frá klokkan 15 til klokkan 20. Tað verður borgar­stjórin á Eiði, Jógvan í Skorini, sum setur fram­sýningina, meðan Niels Midjord og Eilin Hansen fara at framføra tulking­ar yvir verk hjá Leonard Cohen. Við íblástri úr føroysku nátt­úruni, fólka­lívin­um og ferð hennara í Kina er mynda­vævið bæði stórt og fjøl­broytt. Sigrun Gunnarsdóttir hevur útbúgving frá Det Kongelige Danske Kunst­aka­ demi 1973-80 og hevur sett djúp spor í tann føroyska listaheimin. Sigrun hevur verið víða um við sínari list, og er hon umboðað á mongum listasøvnum. Fyri stuttum luttók hon á lista­ framsýningum í Kina. Sigrun Gunnarsdóttir kemur á eitt vegamót mitt í 1990-árunum og endar í einum symbolsk­um, sur­ realistisk­um heimi, ið er nógv øðrvísi enn nakað annað í føroyskum listalívi. – Vit halda, at vit fata inni­haldið í mynd­un­um, men hóma samstundis eitt meta­foriskt lag, sum talar til tað ótilvitaða. Tá ið vit hava sæð myndir hennara, eru tær sum brendar inn á sjónina – og í huga­heim­in, siga fyri­ reikararnir. Grundstøðið í list Sigrun­ ar er merkt av ný­hugs­ andi, aldargamlari kristnari mentan. – Vit gerast varug við ein annan heim  – uttanum okkum, innan í okkum, sum ikki sæst, bert merkist. Vit verða drigin inn í verkini og gloyma okkum sjálv burtur, standa verju­leys, men sam­ stundis væl vard av sybolun­ um, sum fylla mynda­heim Sigrunar. GUDNY LANGGAARD FARIN FRÁ SUM STJÓRI Á VODAFONE Vilja hava framhaldsdeild í Sankta Frans skúla Tey byggja land á Eiði Bárður Nielsen tekur fyribils við sum stjóri SKÚLI Pallborðsfundur um framhaldsdeild í Sankta Frans Skúla verður 17. mai kl 19. LIST Sigrun Gunnarsdóttir letur upp listaframsýning á Eiði TÍÐINDI