mikudagur 18. mai 2016síða 4

Hósdagur 19. mai 2016 · Nr. 56 4 Sosialurin Hugskot og viðmerkingar – send sms til 225000 LØGDU BÝRÁÐSLIMIR Í HAVN UNDIR TRÝST KÚVENDING Áki Bertholdsen Nú er tað ein spurningur, um allur fólkaskúlin í Havn skal enda­vendast. Tað er greitt eftir at for- eldur at børnum í Sankta Frans Skúla høvdu kallað sam­an til almennan fund í fim­leikarhøllini á skúlanum týs­kvøldið um at fáa fram­ haldsdeild í skúlanum. Í hesum sambandi høvdu tey boðasent fýra av bý­ ráðslimunum at sita við eitt pallborð frammanfyri einum fjølmentari fimleikarahøll av lærarum, foreldrum, og øðrum áhugaðum. Endamálið við fundinum var at fáa býráðið at skilja, at tað ikki altíð er best við stórum skúlum, sum ein av stigtakarunum til fundin, Fía Arge, greiddi frá, tá ið fund­ urin varð settur. Tvørturímóti eru tað nøk­ ur børn, sum trívast og mest undir tryggum kortum, legði hon afturat. Lagdir undir trýst Og býráðspolitikararnir, sum vóru til staðar, vórðu lagdir undir trýst, tí sum ein av áhoyr­arunum gjørdi greitt: Okkara fremsta endamál er at fáa framhaldsdeild á Sankta Frans Skúla. Og tá ið býráðsval verður í heyst, fara vit at seta krossin eftir, hvørja støðu tit hava til spurn­ingin um at fáa fram­ haldsdeild í Sankta Frans Skúla. Og tað er ikki at taka seg aftur í, at endamálið við fund­inum varð rokkið, tí tey fingu sjálvan borgarstjóran, Heðin Mortensen, at lova, at spurningurin um at skipa eina framhaldsdeild á Sankta Frans Skúla, skal tak­ast upp til nýggja viðgerð í bý­ráð­ num. – So frætta tit aftur um ynskið verður gingið á møti, ella ikki, legði hann afturat. Tey fingu eisini býráðs­ limirnir at lova, at er polit­ isk­ur meiriluti fyri at taka skúla-bygnaðin upp til nýggja viðgerð, eru teir sinn- aðir at gera tað. Og tað skal gerast bein­an­ vegin, tí skal nøkur meining vera í at taka málið upp aft­ ur, skal svarið vera greitt longu í summar. – Verður ynskið gingið á møti, skal framhaldsdeild vera á skúlanum longu næsta skúlaár, segði Heðin Mort­en­sen. Hinvegin staðfesti hann, at veruleikin er, at skúla­ bygn­aðurin er einmælt sam- tyktur í Tórshavnar býráð, ikki bara einaferð, men fleiri ferðir. Og skúlabygnaðurin, sum er samtyktur, umfatar ikki framhaldsdeild á Sankta Frans. Men Heðin Mortensen sigur, at útfrá tí skúla­bygn­ aði, býráðið hevur samtykt, er tað eisini samtykt at byggja ein stóran skúla á Fløt­um. Hinvegin sigur Heðin Mort­ensen, at skal bygnað­ ur­in broytast, er tað ein politisk avgerð, sum skal tak­ast í felag og tað fer nú at verða gjørt. Hava skift støðu Men áðrenn Heðin Morten­ sen lovaði foreldrunum og lærarum hetta lyftið, høvdu fleiri av býráðslimunum givið til kennar, at teir hava skift støðu í málinum. Í 2012 hevur Býráðið ann­ars einmælt samtykt ein skúlabygnað, har ongin fram­haldsdeild skal vera á Sankta Frans Skúla. Hinvegin skal fram­halds­ deildin savnast á stóra skúl­ anum á Fløtum, sum nú er bjóðaður út. Tað er ein avgerð, eitt samt býráð hevur hildið fast um alla tíðina, og sum eitt samt býráð fleiri ferðir hev­ur staðfest, eitt nú við at samtykkja ætlanina at byggja nýggja stórskúlan á Fløtum. Men nú halda summir bý­ráðslimir at tíðin er broytt, og at tað kortini hevði verið rætt at skipa eina framhaldsdeild í Sankta Frans Skúla. Summir býráðslimir tosa um at skipa tað sum eina roynd­arverkætlan, og so skal royndin eftirmetast tá ið Skúlin á Fløtum verður lið­ugur. Jógvan Arge, sum er býráðslimur fyri Tjóðveldi, heldur, at tað hevði hóska seg, at fingið hálvvaksnir næm­ingar aftur í miðbýin sum altíð hevur verið fullur av børnum, men sum nú er at kalla tómur fyri børn. Marin Katrina Frýdal, sum eisini er býráðslimur fyri Tjóðveldi, heldur, at tað er so ómetaliga nógv broytt síðani í 2012, tá ið avgerðin um skúlabygnaðin varð tikin, og har framhaldsdeildin skal savnast á skúlanum á Fløtum. Eitt, sum er broytt, er, at ynskið er sett fram um at fáa framhaldsdeild á Sankta Frans Skúla, og samstundis er rákið aftur farið tann vegin at skipa undirvísingina í minni bólkar. – Og politikarar mugu hava dirvið til at endurskoða sína støðu, heldur hon. Bogi Andreasen er bý­ ráðslimur fyri Fólka­flokkin, og limur í skúlastýrinum í Sankta Frans Skúla, og hann sigur, at tá ið skúla­ bygningurin varð broyttur, vóru tað nakrir býráðslimir, sum vóru ímóti at flyta børn­ ini úr miðbýnum, men at teir kortini hava fylgt fakligu til­ mælunum og hava sam­tykt skúlabygnaðin. Men hann heldur, at tað er rætt at skipa framhaldsdeild í Sankta Frans Skúla í eini royndarskipan, sum so kann eftirmetast, tá ið skúlin á Fløtum er klárur. Fleiri býráðslimir í Havn hava broytt støðu, eftir at foreldur hava lagt trýst á teir GEVA EFTIR Foreldur og lærarar á skúlanum í Sankta Frans Skúla hava lagt býráðslimir í Havn undir trýst - og tað riggaði, í hvussu so fyribils, tí nú verður spurningurin tikin upp til nýggja viðgerð. Her sita fýra av býráðslimunum, sum vóru við á fundinum, frá vinstru, Annfinn Brekkstein, Helena Dam á Neystabø, Marin Katrina Frýdal og Jógvan Arge